പാട്ട് പരീക്ഷണങ്ങൾ - Kiranz..!!

ഒരു വീഡിയോ കണ്ട് നിറഞ്ഞ ക്രിസ്തുമസ്

2011-12-07T23:25:00.000-08:00

ഏറിയ പ്രവാസി സംഘടനകളും പലപ്പോഴും ഓണത്തിനോ ക്രിസ്തുമസിനോ അല്ലെങ്കിൽ വാർഷികത്തിനോ ഒക്കെ ചെയ്ത് കൂട്ടുന്ന കലാകൊലപാതകങ്ങൾ കണ്ടാൽ ഇനിയുമൊരു നൂറ് സന്തോഷ് പണ്ഡിറ്റുമാർക്ക് പ്രസക്തിയുണ്ടെന്ന് തോന്നിപ്പോവും. പ്രവാസിയുടെ തിരുവാതിര എന്ന് കേട്ടാൽ ആദ്യം ഓർമ്മ വരുന്നത് പണ്ട് ഏഷ്യാനെറ്റ് സിനിമാലയിലെ "ധർമ്മൻ" ഏതോ സ്റ്റെപ്പിൽ ചാടിത്തിരിഞ്ഞു വരുമ്പോ കൈകൊട്ടാൻ പങ്കാളിയില്ലാതെ എയറിനിട്ട് രണ്ട് അടികൊടുക്കുന്ന രംഗമാണ് :).പലപ്പോഴും ഇത്തരം കലാരൂപങ്ങൾ കൊളമാവുന്നതിന്റെ ഒരു രഹസ്യം അതിന്റെ പങ്കാളിത്തത്തിലുള്ള പ്രശ്നങ്ങളാണ്.എല്ലാവനും സ്റ്റേജിൽക്കയറണം.സ്വാഭാവികമായി ആരെങ്കിലുമൊക്കെ കൂട്ടത്തിൽ മികച്ചു നിന്നാലും ചിലരുടെ കലാപ്രകടനം കൊണ്ട് ടോട്ടലി,അൾട്ടിമേറ്റ്ലി അത് കൊളമാവും.

താഴെയുള്ള വീഡിയോ നോക്കുക. ഒരു അമേരിക്കൻ പ്രവാസിയായ രമേഷ് കുമാർ അദ്ദേഹത്തിന്റെ സുഹൃത്തുക്കളും കുടുംബവും ഒക്കെച്ചേർന്ന് ഉണ്ടാക്കിയെടുത്ത ഒരു ക്രിസ്തുമസ് പരിപാടിയുടെ വീഡിയോ ആണ്.ഇതിൽ ഏറ്റവും സന്തോഷം തോന്നിയത് ഊപ്രിപ്പിള്ളേരു മുതൽ മുതിർന്നവർ വരെയുള്ള,അതിന്റെ അസ്വഭാവികമല്ലാത്ത പങ്കാളിത്തമാണ്. പ്രശ്നങ്ങൾ കൂടാതെ എല്ലാവരെയും കൃത്യമായി ഉൾപ്പെടുത്തിയിട്ടുണ്ട്. ചില രംഗങ്ങളൊക്കെ ഗംഭീരവുമായിട്ടുണ്ട്.പാട്ടുകളൊക്കെ മനോഹരമായി ലിപ് സിങ്ക് ചെയ്തിരിക്കുന്നു. ക്രിസ്തുമസെന്ന ആഘോഷവും സന്ദേശവും കുഞ്ഞുമണികളിലെത്തിക്കുന്ന തരത്തിൽ മനോഹരമാക്കി.സത്യത്തിൽ എന്റെ ക്രിസ്തുമസ് ഈ വീഡിയോ കണ്ട് നിറഞ്ഞു :). ഇതിലെ ഒരു നടിയെ ചിലരെങ്കിലും അറിയുമായിരിക്കും.ഇല്ലെങ്കിൽ ക്ലൂ ഇവിടെ.

ധന്യയെന്ന ഫയൽവാൻ

2011-11-28T21:59:00.000-08:00

ഒരു എട്ടൊൻപത് വർഷമായിട്ടുണ്ടാവും ലിറിക്സ് ശേഖരത്തിനായി ഒരു സംരംഭം യാഹുവിൽ തുടങ്ങിവച്ചിട്ട്. അന്ന് പ്രധാനമായും ഓൺലൈൻ ഡോക്കുമെന്റ് കൃത്യമായി ശേഖരിച്ചു വെക്കാൻ യാഹുവിനേ കഴിയുമായിരുന്നുള്ളു എന്നു തോന്നുന്നു.കയ്യിലുള്ള പാട്ടുപുസ്തകത്തിലെ വരികൾ ശേഖരിച്ചുവെക്കാനൊരു ഓൺലൈൻ ഇടം എന്നേ കരുതിയുള്ളു. പക്ഷേ ലോകത്തിന്റെ പല ഭാഗത്തു നിന്നുമായി ഒരു പത്തു മുന്നൂറ്റമ്പത് പേർ അതെങ്ങനെയൊക്കെയോ കണ്ടെത്തി അവിടെ വന്നു ചേർന്ന് ഒരു ഗ്രൂപ്പായി ലിറിക്സ് ശേഖരണം തുടങ്ങി.

ഒരു ദിവസം ചുറുചുറുക്കുള്ള ഒരു പെൺകുട്ടി കടന്നുവന്നു. ധന്യ,ബംഗളൂർ എന്നാണ് പരിചയപ്പെടുത്തിയത്. ഒരോ പാട്ടിന്റെയും ലിറിക്സ് തിരുത്തലും ഗ്രൂപ്പ് കമന്റുകളും സൈറ്റ് മോഡറേഷനും ഒക്കെയായി നിന്ന പെൺകുട്ടി...സകലമാന പ്രശ്നങ്ങൾക്കും അവളുടെ കയ്യിൽ സൊലൂഷനുണ്ട്. ചിരിയുണ്ടാക്കും, ഭീഷണിപ്പെടുത്തും..അങ്ങനെ വളരെ ആക്റ്റീവായി നിന്ന ആ പെൺകുട്ടിയെ കാണാനും പരിചയപ്പെടാനും പലരുമാഗ്രഹിച്ചിരുന്നു.എന്തൊക്കെയോ കാരണങ്ങളാൽ ആർക്കും പിടികൊടുക്കാതെ ധന്യയും.അതു കൊണ്ട് തന്നെ ധന്യയെ കൂടുതൽ പരിചയപ്പെടാൻ ശ്രമിച്ചു.അങ്ങനെ പലതുമറിഞ്ഞു. ഖത്തറിൽ ജോലി ചെയ്യുമ്പോൾ NKFB (നേരിൽ കാണാത്ത ഫോറിൻ ബ്രദർ:) എന്ന് വിളിച്ചു കൊണ്ടിരുന്നത് ബംഗളൂരെത്തിയപ്പോൾ അച്ചനുമമ്മയും സ്വന്തം സഹോദരനെയും കൂട്ടി അവളെന്നെ കാണാൻ വരുന്നത് വരെ തുടർന്നിരുന്നു.

യേശുദാസിനെയും മോഹൻലാലിനെയും ഒരോ ദിവസങ്ങളിൽ ഫോൺ വിളിച്ച് എനിക്ക് കാണണം,അല്ലെങ്കിൽ എന്നെ കാണാൻ വരണം എന്നൊക്കെ സ്വപ്നം മാത്രം കാണുവാൻ കഴിയുന്നവരാണ് നമ്മൾ. ഒരു പക്ഷേ നമ്മളോടൊപ്പം അവസാനിക്കുന്ന, അത്തരം നടക്കാൻ ബുദ്ധിമുട്ടുള്ള സ്വപ്നങ്ങളെ കൃത്യതയോടെ,അതിന്റെ എല്ലാവിധ പ്രാക്റ്റിക്കാലിറ്റിയോടെയും നടപ്പിലാക്കിയെടുക്കുന്നവളാണ് ധന്യ. കൂടുതലൊന്നും പറയുന്നില്ല.

ധന്യയെ കാണാനും പരിചയപ്പെടാനുമാഗ്രഹമുള്ളവർക്ക് ഇവിടെപ്പരിചയപ്പെടാം. (കഴിയുമെങ്കിൽ എല്ലാവരും പരിചയപ്പെടണം). കഴിഞ്ഞ രണ്ടുവർഷങ്ങളിലായി സമാന സ്വഭാവമുള്ള ഒരു കൂട്ടം ആളുകൾക്ക് വേണ്ടി അമൃതവർഷിണി എന്ന സംഘടനയിൽ അംഗമായി, അതിനുവേണ്ടി കൊച്ച് കൊച്ച് വലിയ കാര്യങ്ങൾ ചെയ്യുകയാണവൾ. അമൃതവർഷിണിയെന്ന സംഘടനയേയൂം അതിനു നേതൃത്വം കൊടുക്കുന്ന ഒരുകൂട്ടം സാധാരണക്കാരെയുമൊക്കെ ഇന്നലെ ഏഷ്യാനെറ്റ് അവരുടെ സ്റ്റാർ സിംഗറിന്റെ ഒരു എപ്പിസോഡ് ആക്കി കാണിച്ചിരുന്നു.ഇന്ന് അതിന്റെ രണ്ടാം ഭാഗമാണ്. കഴിയുന്ന എല്ലാവരും കാണണം.

ധന്യയുടെ ചില സാഹസികതകളും കുസൃതിത്തരങ്ങൾ കൂടിയും പറയാതെ വിടൂന്നില്ല. 2006ൽ ബംഗളൂരിലെ ജോലിയിലെ ഒരോ ദിവസങ്ങളും പാതിരാത്രിയോടൊക്കെയാണ് അവസാനിക്കുക..രാവിലെ എഴുന്നേൽക്കാൻ 10-12 മണിയൊക്കെ ആവണം..ഒരു ദിവസം രാവിലെ 7 മണിക്ക് ഒരു കോൾ,കണ്ണു തിരുമ്മി ഫോണെടുത്തതും,മറ്റേ തലക്കൽ നിന്നും കൈരളിയിലെ സിംഗ് ആൻ വിൻ അവതരിപ്പിക്കുന്ന അവതാരകരുടെ ശബ്ദം,കൂടെ ധന്യയുമുണ്ട് ..കിരണേട്ടാ..സംഗതി ലൈവാണ് എന്ന മുന്നറിയിപ്പും..ആ വീഡിയോ കൂടി കാണുക.

ഇത് എന്റെ വ്യക്തിപരമായ അനുഭവം മാത്രമാണ്.ധന്യയോടു ബന്ധപ്പെട്ട പല ആളുകളുമുണ്ട്.അവരുടെയൊന്നും അനുഭവം ഇതിൽ നിന്ന് വ്യത്യസ്തമായിരിക്കില്ല എന്നെനിക്കുറപ്പുണ്ട്. എല്ലാ ദിവസവും തുടങ്ങുന്നതിനു മുമ്പ് ഊർജ്ജദായകമായ ഒരു കൂട്ടം മെസ്സേജുകളുമായി വരുന്ന അവളെ ഫയൽവാൻ എന്നല്ലാതെ വേറൊന്നും വിളിക്കാനുമില്ല..കഴിയുമെങ്കിൽ എല്ലാവരും കാണുക..

ധന്യയെന്നത് പലരെയും പ്രതിനിധാനം ചെയ്യുന്ന ഒരു പ്രതീകവും പലരുടെയും പ്രതീക്ഷയുമാണ്.അതിനോടൊപ്പം ഒരു കാര്യം കൂടി ഇവിടെ ചേർത്തില്ലെങ്കിൽ ശരിയാവില്ല..ധന്യക്കും അവളുടെ പ്രവർത്തനങ്ങൾക്കും എന്നും തുണയായി നിൽക്കുന്ന അച്ഛനെ,അമ്മയെ,സഹോദരനെ,ചേച്ചിയെ പിന്നെ അവളുടെ സുഹൃത്തുക്കളെ ഒന്നും പരാമർശിക്കാതെ വിടാൻ പറ്റില്ല.എല്ലാവർക്കും ഒരു തൊപ്പിയൂരി വണക്കം.

ചാച്ചൻ ഹോളിവുഡിലേക്ക് ..!!

2010-10-18T11:00:00.000-07:00

ഹോസ്റ്റലിൽ ഉള്ള സകലമാന ഹാഷ്ബുഷ് ബേബീസിനെയും തെറിപറഞ്ഞ് ആദ്യത്തെ ജോലിക്ക് കേറി അർമ്മാദിച്ചു നടന്ന കാലത്താണ് ലോകത്തിൽ ആദ്യമായി ഒരു ഇംഗ്ലീഷ് പാട്ടിന്റെ വീഡിയോ ആസ്വദിച്ച് കാണുന്നത്.ഹോ.ഒറ്റയടിക്ക് വെട്ടുകല്ല് പോലെ മോന്തായമുള്ള ലയണൽ റിച്ചിയുടെ ഫാൻ ആയി മാറി.പനി പിടിക്കുന്നതും വെള്ളമടിച്ച് കിക്കാവുന്നതും ഏകദേശം ഒരേ അവസ്ഥ ഒക്കെയാണെന്ന് തോന്നുന്നു.കാരണം ധൈര്യമില്ലാത്ത എന്ത് കാര്യവും നമ്മൾ ചെയ്ത് കളയും.എന്തിനധികം പറയുന്നു.മെനഞ്ഞാന്ന് അതികഠിനമായ പനി പിടിപെട്ടപ്പോൾ ഹലോ എന്ന പാട്ടങ്ങട് പാടി.

ഡൗൺലോഡ് :- വീണ്ടും കേൾക്കാൻ താല്പര്യമുള്ളവർക്ക്..നോട്ട് ദ പോയിന്റേ..വീണ്ടും വീണ്ടും കേൾക്കാൻ താല്പര്യമുള്ളവർ മാത്രം ദിവിടൊരു ഞെക്ക് കൊടുക്കുക..സംഭവം കയ്യിലിരിക്കും.

ബ്യൂട്ടിഫുളോട് ബ്യൂട്ടിഫുൾ ലിറിക്സ് നോക്ക്യേ
I've been alone with you inside my mind
And in my dreams I've kissed your lips a thousand times
I sometimes see you pass outside my door
Hello, is it me you're looking for?

I can see it in your eyes
I can see it in your smile
You're all I've ever wanted, (and) my arms are open wide
'Cause you know just what to say
And you know just what to do
And I want to tell you so much, I love you ...

I long to see the sunlight in your hair
And tell you time and time again how much I care
Sometimes I feel my heart will overflow
Hello, I've just got to let you know

'Cause I wonder where you are
And I wonder what you do
Are you somewhere feeling lonely, or is someone loving you?
Tell me how to win your heart
For I haven't got a clue
But let me start by saying, I love you ...

Hello, is it me you're looking for?
'Cause I wonder where you are
And I wonder what you do
Are you somewhere feeling lonely or is someone loving you?
Tell me how to win your heart
For I haven't got a clue
But let me start by saying ... I love you

അനുരാഗവിലോചനനായി - യുഗ്മഗാനം രശ്മിനായരുമൊത്ത്

2010-04-06T08:56:00.000-07:00

നല്ല നല്ല പാട്ടുകാര് ദിവസവും ഉഗ്രൻ പാട്ടുകൾ ചാനലുകളിൽ അവതരിപ്പിക്കുന്നത് കാണുമ്പോൾ എന്നാല്‍പ്പിന്നെ പാട്ട് ആധികാരികമായി പഠിച്ച് സംഗതികളും ടെക്നിക്കും ഒക്കെ മനസിലാക്കി മനസിരുത്തി പാടിക്കളയാം എന്നു കരുതി കുറേനാൾ അടങ്ങിയിരുന്നു നോക്കി.ഞാൻ(നിങ്ങളും)രക്ഷപെടുന്ന യാതൊരു ലക്ഷണവും പ്രകടിപ്പിക്കുന്നില്ലെന്ന് മാത്രമല്ല ആകെയുള്ള മൂളൽ കൂടി ദ്രവിച്ച് പണ്ടാറടങ്ങുന്ന ലക്ഷണവുമുണ്ട് .ഇടക്കാലത്ത് യൂട്യൂബ് വീഡിയോയിൽ അനുരാഗവിലോചനൻ എന്ന ഗാനം ദേവാനന്ദിന്റെയും സിസിലിയുടേയും വേർഷൻ കണ്ടതും അല്‍പ്പം കോൺഫി ബിൽഡപ്പ് ചെയ്തു.തെറ്റുകുറ്റങ്ങൾക്ക് കുറവൊന്നുമില്ലെങ്കിലും നിങ്ങളാരുമിത് കേൾക്കുന്നതിനു കുറവൊന്നും വരുത്തിയേക്കരുതേ :)
പാട്ട് ദേ താഴെക്കേൾക്കാം.

Download 128Kbps version from here.
Download 256Kbps version from here.

വി.ശ്രീകുമാറും ശ്രേയഘോഷലും പാടിയ യുഗ്മ ഗാനമായിരുന്നതിനാൽ ആദ്യം മുന്നിൽ വന്നത് രശ്മിയുടെ ശബ്ദമാണ്.പ്രൊഫഷണലായിത്തന്നെ രശ്മി ഇത് അവതരിപ്പിച്ചിട്ടുണ്ട്.ഒരു പക്ഷേ ശ്രേയാ ഘോഷലിന്റെ ഉച്ചാരണത്തേക്കാൾ മനോഹരമായി രശ്മി ഇത് പാടിയിരിക്കുന്നു.തികഞ്ഞ ഒരു പ്രൊഫഷണൽ പാട്ടുകാരി ആയിരുന്നിട്ടു കൂടി മടിയൊന്നും കൂടാതെ എന്നോടൊത്ത് ഈ പാട്ട് പാടാനുള്ള സൗമനസ്യത്തിനു രശ്മിക്ക് ഒരിക്കൽ കൂടി നന്ദി.രശ്മി തന്നെ പരിചയപ്പെടുത്തുന്നതിങ്ങനെ “.

"നമസ്കാരം, ഞാൻ രശ്മി. സിനിമ കാണൽ, പാട്ട് കേൾക്കൽ ആൻഡ് പാടൽ ആണ് പ്രധാന ഹോബീസ്. കല്യാണം കഴിഞ്ഞു....എന്ത് പറയാനാ, അങ്ങനെ പറ്റിപ്പോയി. ഞങ്ങളുടെ ജീവിതം ജഗതിജഗതിമയം ആണെന്ന് പറയാം....ഞങ്ങൾ വലിയ ജഗതി ആന്‍ഡ്‌ ലാലേട്ടൻ ഫാൻസ് ആണ്. മുംബൈയിൽ ജനിച്ച്, ചെന്നൈയിൽ ബാല്യകാലം ചെലവിട്ട്‌, പൂനയിൽ LLB പഠിച്ച്‌, അവസാനം Wisconsin, USil എത്തിപ്പെട്ടു. നാട്ടിൽ അമ്മയുടെ സ്ഥലം പൊന്നാനിയും, അച്ഛന്റെ സ്ഥലം നഗരൂരുമാണ്, പക്ഷെ settled ഇൻ ചെന്നൈ. പത്തുകൊല്ലത്തോളം സംഗീതം അഭ്യസിച്ചു, പിന്നെ ചെറുകിട നമ്പരുകളൊക്കെ ഇങ്ങനെ പാടി ടൈം-പാസ്‌ ചെയ്യുന്നു. എന്‍റെ പാട്ടുകൾ കേൾക്കാന്‍ ശേഷി ഉണ്ടെങ്കിൽ ഈ ബ്ലോഗിൽ പോയാൽ മതി: http://rashminair.blogspot.com/

"പോട്ടെ സാർ" (ജഗതിയുടെ സ്വരത്തിൽ‍)"

പാട്ടിന്റെ വരികൾ
അനുരാഗ വിലോചനനായി അതിലേറെ മോഹിതനായി
പടിമേലേ നില്‍ക്കും ചന്ദ്രനോ തിടുക്കം..
പതിനേഴിന്‍ പൗര്‍ണ്ണമി കാണും അഴകെല്ലാമുള്ളൊരു പൂവിനു
അറിയാനിന്നെന്തേയെന്തേയിതളനക്കം പുതുമിനുക്കം ചെറുമയക്കം
അനുരാഗ വിലോചനനായി അതിലേറെ മോഹിതനായി
പടിമേലേ നില്‍ക്കും ചന്ദ്രനോ തിടുക്കം..
പലനാളായ് താഴെയിറങ്ങാന്‍ ഒരു തിടുക്കം..‍
(അനുരാഗ)

കളിയും ചിരിയും നിറയും കനവില്‍ ഇളനീരോഴുകി കുളിരില്‍‍
തണലും വെയിലും പുണരും തൊടിയില്‍ മിഴികള്‍ പായുന്നു കൊതിയില്‍
കാണനുള്ളിലുള്ള ഭയമോ കാണാനേറെയുള്ള രസമോ
ഒന്നായ് വന്നിരുന്നു വെറുതെ പടവില്‍....
കാത്തിരിപ്പോ വിങ്ങലല്ലേ?കാലമിന്നോ മൗനമല്ലേ ?
മൗനം തീരില്ലേ ????
(അനുരാഗ)

പുഴയും മഴയും തഴുകും സിരയില്‍ പുളകം പതിവായ് നിറയേ
മനസ്സിന്‍നടയില്‍ വിരിയാനിനിയും മറന്നോ നീ നീലമലരേ
നാണം പൂത്തു പൂത്തു കൊഴിയേ ഈണം കേട്ടു കേട്ടു കഴിയേ
രാവോ യാത്രപോയ് തനിയേ അകലേ ....
രാക്കടമ്പിന്‍‍ ഗന്ധമോടേ രാക്കിനാവിന്‍ ചന്തമോടേ
വീണ്ടും ചേരില്ലേ ????
(അനുരാഗ)

ബെർളിയുടെ നെയ്യപ്പദുരന്തം-ന്യൂസ് അവർ- ഒരു പോഡ്കാസ്റ്റ്

2010-01-24T01:53:00.000-08:00

ഖത്തറിലെ മലയാളി സംഘടനയായ “അരങ്ങി“ന്റെ വാർഷികദിനത്തോടനുബന്ധിച്ച് ഒരു സ്കിറ്റ് തയ്യാറാക്കണമെന്ന് നിർദ്ദേശമുയർന്നപ്പോൾ ആദ്യം മനസിൽത്തോന്നിയത് ബെർളിയുടെ “നെയ്യപ്പദുരന്തം-ന്യൂസ് ഹവർ” എന്ന ബ്ലോഗ് പോസ്റ്റായിരുന്നു.അല്‍പ്പം ഗിമ്മിക്കുകളൊക്കെ ചേർത്ത് ഒറ്റയടിക്ക് ഓഡിയോ റെക്കോർഡ് ചെയ്തുവെങ്കിലും ചുരുങ്ങിയ സമയത്തിനുള്ളിൽ എങ്ങനെ ഇത് വിഷ്വലൈസ് ചെയ്യാം എന്നത് ഒരു ചോദ്യമായി അവശേഷിച്ചു.ഒടുവിൽ സുഹൃത്ത് രാധാകൃഷ്ണൻ എഴുതിയ ഒരു സ്ക്രിപിറ്റിന്മേൽ (അവധിക്കാലം ആഘോഷിക്കുന്ന ഒരു കൂട്ടം കുട്ടികൾ വാർത്താവതരണത്തെ അനുകരിക്കുന്നത് പോലെ എഴുതിയുണ്ടാക്കിയത്,ഫയൽ സൈസ് കുറക്കാനായി ഇതിന്റെ ഓഡിയോ പൂർണ്ണമായി ഉൾപ്പെടുത്തിയിട്ടില്ല) ഇത് സ്റ്റേജിൽ അവതരിപ്പിച്ചു.വിഷ്വലിനേക്കാളുപരിയായി ആക്ഷേപഹാസ്യം അസാമാന്യമായി ബെർളി എഴുതിവച്ചിരുന്നതിനാൽ വിവിധ വേഷങ്ങൾ കൈകാര്യം ചെയ്യുന്ന ഒരു ശബ്ദാനുകരണക്കാരന്റെ റോൾ മാത്രമേ എനിക്ക് വേണ്ടിവന്നുള്ളു.അല്‍പ്പം എരികൂട്ടാൻ കവി പുരുഷോത്തമൻ നായരേക്കൂടി എഴുതിച്ചേർത്തു.കടൽക്കരയും,കാക്കയും,ഹർത്താലും,സെക്രട്ടറിയേറ്റും ഒക്കെയുള്ള ശബ്ദങ്ങൾ മൾട്ടിട്രാക്കായി റെക്കോർഡ് ചെയ്തു..!

(ദശാവതാരത്തിനു രണ്ടാൾ കുറവുള്ള ഓഡിയോ കേട്ട് വിവരമറിയാൻ താഴെക്കാണുന്ന പ്ലേ ബട്ടനിൽ ഒറ്റ ഞെക്ക് കൊട് )

4ഷെയേർഡ് അലമ്പാക്കുവാണേൽ ഡൗൺലോഡാൻ|Download ഇവിടൊരു കൊത്ത് കൊട്..!

ലൈവ് അറ്റാക്ക്..!!

2009-12-25T05:23:00.000-08:00

പോഡ്കാസ്റ്റിന്റെ ലിങ്ക്,ഈണം സിഡി ഒക്കെ പള്ളിയിലെ ഒന്നു രണ്ട് സുഹൃത്തുക്കൾക്ക് അയച്ചു കൊടുത്തത് ഒരു ക്രിസ്തുമസ് പ്രോഗ്രാമിനോടനുബന്ധിച്ചുള്ള ഒരു ലൈവ് സ്റ്റേജ് പ്രോഗ്രാമിൽ പാടാൻ ഉള്ള അവസരമായി.സന്തോഷമുള്ള കാര്യമാണെങ്കിലും അവരുണ്ടോ അറിയുന്നു കമ്പ്യൂട്ടറിന്റെ പിന്നിലിരുന്ന് മൈക്ക് വച്ച് സ്ഥടികം ജോർജ്ജ് കളിക്കാൻ ശ്രമിച്ചാ‍ലും സ്റ്റേജ് കാണുമ്പോൾ സാക്ഷാൽ കൃഷ്ണൻ‌കുട്ടിനായരേപ്പോലെ ഊർദ്ദ്വൻ വലി തുടങ്ങുമെന്ന് ? ജനക്കൂട്ടത്തിന്റെ മുന്നിൽ ഒറ്റക്ക് സ്റ്റേജിൽ കേറി നിൽക്കുമ്പോൾ തോന്നുന്ന ഗ്രിഗലിപ്പ് (എ പാക്കേജ് ഓഫ് ഒന്നിനാണോ അതോ രണ്ടിനാണോ എന്ന കൺഫ്യൂഷ്യൻ,വാർമഴവില്ലിലെ ഏഴുനിറങ്ങളും സിമ്പ്ലാ മുഖത്ത് വാരിവിതറൽ,വെർച്വൽ ദാഹം/തൊണ്ടവരൾച്ച) തുടങ്ങിയ സംഭവങ്ങൾ ജന്മനാ എനിക്കുണ്ടെന്ന് ? എന്തിനധികം പറയുന്നു ഇന്നലെ അത് സംഭവിച്ചു..പാടിയത് ഒന്നു കൂടി വറത്തരച്ചത് താഴെ..!

Download song|ഡൗൺലോഡ് (സ്ട്രീം ചെയ്യാൻ ബുദ്ധിമുട്ടുള്ളവർ മാത്രം,അല്ലാതാരെങ്കിലും ഇത് ഡൗൺലോഡിയാൽ വിവരമറിയും :)

മഞ്ഞു പൊതിയുന്ന മാമരം കോച്ചുന്ന മലർനിര തിളങ്ങുന്ന ബേത്ലഹേമിൽ (2)

യൗസേപ്പും മേരിയും മുട്ടിവിളിക്കുന്നു ഈ ലോകനാഥന്നിടം തരില്ലേ (2)

അകമേ ഇടമൊന്നുമില്ലെന്നറിഞ്ഞന്ന് കാലിത്തൊഴുത്തൊന്ന് അഭയമായ് മുന്നിൽ (2)

പാരിന്റെ നാഥൻ പിറക്കും ഈ പുൽക്കൂട് മണ്ണിന്റെ മക്കൾക്കടങ്ങാത്തനുഗ്രഹം (2)

ഹേമന്ദരാവിന്നൊരാനന്ദമായന്ന് ഹർഷം വിതക്കാൻ ജനിച്ചോരെൻ നാഥാ (2)

ആമോദം പൂക്കുന്ന കദനം തളിർക്കുന്ന മർത്യന്റെ സ്വപ്നനങ്ങൾക്കൊടുങ്ങാത്ത സായൂജ്യം (2)

എല്ലാവർക്കും ക്രിസ്തുമസ് പുതുവർഷ ആശംസകൾ നേരുന്നതിനോടൊപ്പം ഒരു ചെറിയ ദു:ഖ/സന്തോഷ വാർത്ത കൂടി :- ഇനി മേലാൽ ഒറിജിനൽ പാട്ടുകളുടെ ബ്ലോഗ് പോഡ്കാസ്റ്റുകൾ ഉണ്ടായിക്കരുതെന്ന് നമ്മുടെ നിയമമന്ത്രാലയം ഓർഡർ ഇട്ടിട്ടുണ്ട്.പുതിയ നിയമപ്രകാരം കോപ്പിറൈറ്റ് ഉള്ള പാട്ടുകളുടെ വ്യത്യസ്ഥമായ റീപ്രൊഡക്ഷൻ ഒക്കെ പ്രശ്നങ്ങളാവും.റിയാലിറ്റി ഷോകൾ,മ്യൂസിക് ചാനലുകൾ ഒക്കെ എന്തരാവുമോ എന്തോ ?. ഇവിടെ കൂടുതൽ വാർത്തകൾ ഉണ്ട്.കൂ‍ടുതൽ ഭേദഗതി ഇത്തരമൊരു നിയമത്തിൽ വന്നില്ലെങ്കിൽ ആകെ പ്രശ്നങ്ങൾ ആകാൻ സാധ്യത് ഉണ്ട്.പക്ഷേ ഈണം പോലുള്ള സ്വതന്ത്രസംഗീത സംരംഭങ്ങൾക്ക് കൂടുതൽ ഊർജ്ജപ്രദായകവുമാണ് ഈ വാർത്ത.കൂടുതൽ ഒന്നും അറിവായിട്ടില്ല.അറിവുള്ളവർ പങ്കുവയ്ക്കുക.നന്ദി.

ഒരു അയ്യപ്പഗാനം -കോറസുകാരും ഞാനും-പോഡ്കാസ്റ്റ്

2009-12-17T03:18:00.000-08:00

മൾട്ടിട്രാക്കിംഗിൽ പിച്ചവെച്ച് നടക്കാൻ പരുവത്തിന്.ഒരു സംഘഗാനം ഒരിക്കൽക്കൂടി സോളോ ആ‍ക്കിയത്. കാത്തോളണേ സ്വാമിയേയ്...ശരണമയ്യപ്പാ...!

Download|ഡൗൺലോഡ്

ഉദിച്ചുയർന്നൂ മാമല മേലേ ഉത്രം നക്ഷത്രം..സ്വാമിയേ ശരണം

കുളിച്ചു തൊഴുതു വലം വയ്ക്കുന്നു ഭക്തരഹോരാത്രം..അയ്യപ്പശരണം

നമിച്ചിടുന്നേനടിയനൊരാശ്രയം എന്നും നീമാത്രം (2)

കലിയുഗവരദാ കന്നിക്കാരാം പൈതങ്ങൾ ഞങ്ങൾ

കഠിനതരം കരി മലകേറാനായ് അണഞ്ഞിടുന്നേരം

കായബലം താ..പാദബലം താ (2) ഭക്തജനപ്രിയനേ..

ഇരുമുടിയേന്തി പാതകൾ താണ്ടി ചിന്തുകളും പാടി (2)

കരുണാമയനേ നിന്നേക്കാണാൻ നടക്കലെത്തുമ്പോൾ (2)

ഹരിഹരനന്ദന..നിറകതിരൊളിയായ്..(2) ഞങ്ങളിലുണരേണം

ആരും ശല്യപ്പെടുത്തരുത് ..!!

2009-12-08T00:16:00.000-08:00

മാർച്ചിലെ സ്കൂൾ പ്രവേശനത്തിനു മുന്നൊരുക്കമായി ആധികാരികമായി നടത്തിയ ചില ചർച്ചകളിൽ നിന്ന്.

ഡൗൺലോഡ് ( മുകളിലെ ഓഡിയോ കേൾക്കാതെ തുടർന്ന് വായിക്കരുത് :)
ഇദൊക്കെ മതി
ഒക്കെ,എന്തൊക്കെയാ ?
പള്ളീലെ അച്ചന് ? (ഡിസോർഡർ,വിഷയം സ്വിച്ച് ചെയ്തു ) എനിക്ക് കാറോടിക്കണം.
കാറോടിക്കണം പിന്നെ ?
ഉം.. പിന്നെ മൊബൈല് എക്കണം (ഞെക്കണം),മൊബൈല് ചാർജ്ജ്.. ഞാൻ ചെയ്യണം
ആഹാ
ഞാൻ ടിവി വർക്ക് ചെയ്യണം
ടിവിടെ ?
ഞാൻ ടീവിടെ കറണ്ടെടുക്കണം.(അടുത്ത കാലത്ത് തുടങ്ങിയതാ,കേബിളിന്മേലുള്ള കളി )
കറണ്ടെടുക്കണം.ആഹ ?
ഞാൻ ബാറ്റ്.ഞാൻ കിക്കറ്റ് കളിക്കാൻ പോണം,ഞാൻ കിക്ക..ഓഫീസി ഞാൻ പോണം
ഓഫീസിപ്പോണം,ആഹ് അതു ശരി.ആഹ...പിന്നെ ?
ഓഫീസ്സിപ്പോയിട്ട് ഞാൻ...അവഡേ..എന്തൊക്കെ സാധനമെടുക്കാനാ ? നമുക്ക്
പോന്നത് ( ആ ആർക്കറിയാം ) എന്തൊക്കെ സാനമാ ?
എന്തൊക്കെ സാധനമാ ?
നമ്ക്ക്.. കമ്പ്യൂട്ടറ് വർക്ക് ചെയ്യാം..നമ്ക്ക്..കമ്പ്യൂട്ടറ്... ഇത്
ചെയ്യാം ? കമ്പ്യൂട്ടറ്..ന്നെ ആരും ശല്യപ്പെടുത്തരുത് ( നോട്ട് ദി പോയിന്റ്,കമ്പ്യൂട്ടറേന്ന് പിടിവിടുന്നില്ല)
ഒക്കെ ആരും ശല്യപ്പെടുത്തിന്നില്ല..ഒക്കേ ?
എന്നിട്ട് കാറ് മേഡിക്കണം..
കാറ് മേടിക്കണം ?
ഉം..ടോയ്സ് മേഡിക്കണം
ഉം.നീ..നീ വല്ലതും പഠിക്കുന്നുണ്ടോ ?
ടോം & ജെറി പഠിക്കണം...
ടോമാഞ്ചെറിയാണോ പഠിക്കുന്നേ ?
ടോം & ജെറി മേഡിക്കണം..!
ടോമാഞ്ചെറി ഇവിടുണ്ടല്ലോ ആൾ‌റെഡി ?
ടോം & ജെറി മേഡിക്കണം....ടോം & ജെറി ടോയ്സ്..
ടോം & ജെറി ടോയ്സ്..ഒക്കെ..ഒക്കെ..ആഹാ.
അദ്ദാ..അദ്ദ്.. ( ആവേശമായി ) അദ്ദ് ആൻ മറിയ ചേച്ചിയുടെ അവഡെ...(എന്തോന്ന് ? )
അത് ശരി
ബെഡ്ഡിന്റെ അടിയിൽ (കർത്താവേ : ) ബെഡ്ഡിന്റെ അടിയിൽ ഉണ്ട്
ബെഡ്ഡീന്റെ അടിയിലുണ്ടോ..
ആ..
അത് ശരി..
ഒക്കെ
അദ്ദ്..അദ്ദ്..ഇപ്പം..ബെഡ്ഡിന്റെ.. ഹും..ഹും.. ( കർത്താവീശോമിശിഹായേ
എന്തോ കള്ളത്തരം ആലോചിക്കുന്നു )
ലാഡർ ഉണ്ട് ..ലാഡോ ഉണ്ട്..ലാഡറേ കേറി..( ഒപ്പിച്ചു കഷ്ടപ്പെട്ട് )
നീ വല്ലതും പഠിച്ചോ..സ്കൂളില്‍പ്പോയി വല്ലോം പഠിച്ചോ..
ലാഡറേ കേറി..ഇല്ല...ഞാൻ സ്കൂളിപ്പോണ്ട..!! (നയം വ്യക്തമാക്കിക്കഴിഞ്ഞു)
നീ സ്കൂളിപ്പോവാതെങ്ങനാ പിന്നെ വലുതാവുന്നേ..വല്ലതും
പഠിക്കണ്ടായോ..പഠിച്ചാലല്ലേ വണ്ടിയോടിക്കാൻ
പറ്റത്തൊള്ളു..ഓഫീസില്‍പ്പോകാൻ പറ്റത്തൊള്ളു..?
എനിക്ക് ...കമ്പ്യൂട്ടറ് വർക്ക് ചെയ്യണം..ആരും ഇനി ശല്യം പെടുത്തരുത്..!!

ഗുണപാഠങ്ങൾ :-

1.
2.
3.

അനുബന്ധപ്പോസ്റ്റുകൾ

അല്ലിയാമ്പല്‍ കടവില്‍ - പോഡ്കാസ്റ്റ്

2009-11-29T22:23:00.000-08:00

പാടിയ പാട്ടുകളില്‍ ഏറ്റവും ഇഷ്ടം തോന്നിയ ഗാനങ്ങള്‍ തിരഞ്ഞെടുക്കാന്‍ ചോദിച്ചപ്പോള്‍ ഗന്ധര്‍വ്വന്‍ തിരഞ്ഞെടുത്ത ഗാനങ്ങളിലൊന്ന് എന്ന പ്രത്യേകത ആയിരുന്നു റോസി എന്ന ചിത്രത്തിനുവേണ്ടി പി ഭാസ്കരന്‍ എഴുതി ജോബ് മാസ്റ്റര്‍ സംഗീത ചെയ്ത അല്ലിയാമ്പല്‍ എന്ന ഗാനത്തിന്.ഈയിടെ ഒരു ചലചിത്രത്തിനു വേണ്ടി വിജയ് യേശുദാസ് വീണ്ടുമത് മനോഹരമായി പാടിയിട്ടുണ്ട്.ഐഡിയ സ്റ്റാര്‍ സിംഗറില്‍ അജ്മല്‍ ബാബു എന്ന കുഞ്ഞു പ്രതിഭയുടെ പ്രകടനം കണ്ടപ്പോള്‍ സ്കൂള്‍ കാലഘട്ടത്തില്‍ സുനില്‍ എന്നൊരു കൂട്ടുകാരനെ അറിയാതെ ഓര്‍മ്മിച്ചു പോയി.സുനിലിന്റെ ദേശീയഗാനമായിരുന്നു അല്ലിയാമ്പല്‍.

ബ്ലോഗ് ചിതലരിച്ചു തുടങ്ങിയെന്ന് അഭിലാഷ് ഓര്‍മ്മപ്പെടുത്തിയപ്പോള്‍ തോന്നിയ ഒരു ആഗ്രഹം.അത്യാവശ്യം നല്ല രീതിയിൽ(പോരായ്മകളൊക്കെ) വന്നിട്ടുണ്ടെങ്കിലും ക്ഷമയോടെ കേള്‍ക്കണേ:)

ഡൗൺലോഡ് ( ഡൗൺലോഡ് ലിങ്ക് പാട്ട് ഇന്റർനെറ്റിൽ സ്ട്രീം ചെയ്യാൻ ബുദ്ധിമുട്ടുള്ളവർ കൂടി ഇത് കേൾക്കമെന്നുള്ള വെറും പൊടി,കുഞ്ഞ് ആഗ്രഹത്തിന്റെ പേരിലാണേ:)

അല്ലിയാമ്പൽ കടവിലന്നരക്കു വെള്ളം - അന്നു

നമ്മളൊന്നായ് തുഴഞ്ഞില്ലെ കൊതുമ്പു വള്ളം..

നമ്മുടെ നെഞ്ചിലാകെ അനുരാഗ കരിക്കിൻ വെള്ളം..

അന്നു നെഞ്ചിലാകെ അനുരാഗ കരിക്കിൻ വെള്ളം..

താമരപ്പൂ നീ ദൂരെ കണ്ടു മോഹിച്ചു..

അപ്പോൾ താഴെ ഞാൻ നീന്തിച്ചെന്നു പൂവു പൊട്ടിച്ചു..(2)

പിന്നെ തണ്ടൊടിഞ്ഞ താമര ഞാൻ കൊണ്ടു വന്നപ്പോൾ..

പെണ്ണേ നിൻ കവിളിൽ കണ്ടു മറ്റൊരു താമരക്കാട്..(2)

കാടു പൂത്തല്ലോ ഞാവൽക്കാപ്പഴുത്തല്ലോ..

ഇന്നും കാലമായില്ലെ എന്റെ കൈപിടിച്ചീടാൻ..(2)

അന്നു മൂളിപ്പാട്ടും പാടി തന്ന മുളം തത്തമ്മേ..

ഇന്നീ ആളൊഴിഞ്ഞ കൂട്ടിലെന്തേ വന്നു ചേരാത്ത്.. (2)

ചിത്രം : നന്ദൻ

വാകപ്പൂമരം ചൂടും വാരിളം - പോഡ്കാസ്റ്റ്

2009-10-10T03:48:00.000-07:00

പ്രിയതമമായൊരു ഗാനം.എങ്ങനെ പ്രിയങ്കരമായി എന്നു ചോദിച്ചാൽ എന്നെ ആകർഷിച്ച ചില ഘടകങ്ങൾ ഇതൊക്കെയാണ്

1.ഈ ഗാനത്തിന്റെ തുടക്കതിലെ ഓർക്ക്സട്രേഷനിൽ വരുന്ന വയലിൻ പീസ്.
2.വരികളിൽ കംബ്ലീറ്റ് ഡിങ്കോൾഫിക്കേഷൻ ആണെങ്കിലും പാട്ടിൽ മുഴുവനായി മുഴച്ച് നിൽക്കുന്ന ശോകച്ഛായ.
3.പണ്ടെഴുതിയ കാര്യമാ - രംഗത്ത് “വികാരരഹിതനായി പാടുന്ന വിൻസന്റ്.അതിഭീകര വികാരവുമായി പത്തായപ്പുരക്ക് പിറകിൽ ജയഭാരതി.ചിത്രത്തിന്റെ പേര് അനുഭവം :)
4. അനുഭവത്തിനു പറ്റിയ വരികൾ.ബിച്ചു തിരുമലയുടെ പത്ത് പാട്ടുകൾ എടുത്താലതിലൊന്നിൽ സ്ഥാനം പിടിക്കുവാനുള്ളത്,അല്ലേ ?

കൂടുതൽ പറയുന്നില്ല.പാട്ട് ഒരിക്കൽ കൂടി പാടുന്നു.

ഡൗൺലോഡ് | Download this song.

വാകപ്പൂ മരം ചൂടും വാരിളം പൂങ്കുലക്കുള്ളില്‍
‍വാടകയ്ക്കൊരു മുറിയെടുത്തു വടക്കന്‍ തെന്നല്‍
പണ്ടൊരു വടക്കന്‍ തെന്നല്‍

വാതിലില്‍ വന്നെത്തി നോക്കിയ വസന്തപഞ്ചമിപ്പെണ്ണിന്‍
‍വളകിലുക്കം കേട്ടു കോരിത്തരിച്ചു നിന്നു..തെന്നല്‍ തരിച്ചു നിന്നു
വിരല്‍ ഞൊടിച്ചു വിളിച്ച നേരം വിരല്‍ കടിച്ചവളരികില്‍ വന്നു
വിധുവദനയായ് വിവശയായവള്‍ ഒതുങ്ങി നിന്നു നാണം കുണുങ്ങി നിന്നു..
(വാകപ്പൂ മരം ചൂടും....)

തരള ഹൃദയ വികാരലോലന്‍ തെന്നല‍വളുടെ ചൊടി മുകര്‍ന്നു
തണുവണിര്‍ തളിര്‍ ശയ്യയില്‍ തനു തളര്‍ന്നു വീണു..തമ്മില്‍ പുണര്‍ന്നു വീണു.
പുലരി വന്നു വിളിച്ച നേരം അവനുണര്‍ന്നൊന്നവളെ നോക്കി
അവളടുത്തില്ലകലെയെങ്ങോ മറഞ്ഞു പോയി..തെന്നല്‍ പറന്നു പോയി..
(വാകപ്പൂ മരം ചൂടും....)

ആദരാഞ്ജലികൾ..!

2009-10-04T00:42:00.000-07:00

മലയാളം ബ്ലോഗ് കമ്യൂണിറ്റിക്ക് മറക്കാനാവാത്ത ഒരു ഓർമ്മയായി എന്നും നീ ജീവിക്കൂ നവീൻ..!

ഈ ബൂലോഗ ഗായികയെ കണ്ടു പിടിക്കൂ

2009-09-27T07:27:00.000-07:00

ഈ ബൂലോഗ ഗായികയെ കേൾക്കുക,കണ്ടു പിടിക്കുക.

ഡൗൺലോഡ് ഇവിടെ

ഗ്ലൂസ് :)

1.രണ്ട് വർഷക്കാലം സജീവ ബ്ലോഗറായിരുന്നു.ഈയിടെ ബ്ലോഗിൽ നിന്നും താൽക്കാലിക-സാങ്കേതിക രാജി.
2.ഗസറ്റഡ് ഓഫീസറാണ്.
3.എംടി,ബഷീർ എന്നിവർ ഇഷ്ട കഥാകാരന്മാർ.
4.ബ്ലോഗിൽ ആദ്യമായി പാടുന്നു.രാഗമലരുകളിലെ ഗാനങ്ങൾ കേട്ട് റെക്കോർഡിംഗ് പഠിച്ചു.സതീഷ് മേനോൻ റെക്കോർഡിംഗ് ഗുരു :)

കിട്ട്യാ ?? കാതുള്ളവർ കേൾക്കട്ടെ.. കണ്ണുള്ളവർ കാണട്ടെ :)

കൃത്യം രണ്ടു വർഷം മുമ്പാണു കാ‍ന്താരിക്കുട്ടി എന്ന ജീജ സുബ്രഹ്മണ്യത്തെ ബ്ലോഗിൽ കാണുന്നത്.പാട്ടുപെട്ടി എന്ന പെട്ടിയുമായാണു തുടക്കം.പതുക്കെ മലയാള ഗാനശേഖരത്തിന്റെ അണിയറയിലേക്കു കടന്നു വന്നു.ഡേറ്റാബേസ് ഒരു വൻ വിജയമാക്കിത്തീർത്തതിനു പിന്നിൽ ജീജയുടെ കഠിനാധ്വാനം ചില്ലറയല്ല.ഈണത്തിന്റെ വർക്കുകൾ പുരോഗമിച്ചപ്പോഴും അടുത്ത ആൽബത്തിന്റെ അണിയറ വർക്കുകളിലും ഒക്കെ സജീവമായിരുന്നിട്ടും ജീജ ഒരു പാട്ടുകാരിയാണെന്ന് മനസിലാക്കുവാൻ സാധിച്ചില്ല.സതീഷപ്പൻ കൂൾഎഡിറ്റ് സോഫ്റ്റ്വെയറിനെപ്പറ്റി ക്ലാസെടുത്തു കൊടുത്തതാണ് ഇപ്പോഴെങ്കിലും മുറ്റത്തെ മുല്ലയായ ജീജയെന്ന പാട്ടുകാരി രംഗത്തെത്താൻ കാരണം.രണ്ട് വർഷമായി ബ്ലോഗിൽ കറങ്ങി നടന്നിട്ടും ഒരു ഈണം പോലും മൂളാതെ ഒരു സുപ്രഭാതത്തിൽ ടപ്പേന്നൊരു പാട്ട് അങ്ങ് പാടിയിടുന്നതിന്റെ അദ്ഭുതമാണ് എല്ലാവരുമായി പങ്കു വയ്ക്കുന്നത്. ആദ്യഗാനത്തിൽ തന്നെ അദ്ഭുതപ്പെടുത്തിയതിന് കാന്താരിക്ക് ഒരു പിടി അനുമോദനങ്ങൾ..!

തൂമഞ്ഞിൻ നെഞ്ചിലൊതുങ്ങി മുന്നാഴിക്കനവ്..!

2009-08-14T12:56:00.000-07:00

തൂ‍മഞ്ഞിൻ നെഞ്ചിലൊതുങ്ങി മുന്നാഴിക്കനവ്..
തേനോലും സാന്ത്വനമായി ആലോലം കാറ്റ്
സന്ധ്യാരാഗവും തീരവും വേർപിരിയും വേളയിൽ
എന്തിനിന്നും വന്നു നീ പൂന്തിങ്കളേ..!

ഡൗൺലോഡ് |Download my version.
1993ല്‍ പുറത്തിറങ്ങിയ സമൂഹമെന്ന ചിത്രത്തിലെ ഗാനം.കൈതപ്രത്തിന്റെ വരികൾക്ക് സംഗീതം ജോൺസന്‍ ആലാപനം യേശുദാസിന്റെത്.എന്റെ ആദ്യകാല പനോരമിക് അനുഭവങ്ങളിലൊന്ന്(എന്നച്വാല്‍ സക്സസ്ഫുളി നൂറനാട് ജനതാതീയറ്ററില്‍ ഒളിച്ചുംപാത്തും പോയിക്കണ്ട പടത്തിലൊന്ന്.അല്ലേലും രഹസ്യനീക്കങ്ങളിയൂടെയാണല്ലോ സാതന്ത്ര്യത്തിന്റെ ആദ്യ നാളുകൾ കൈവരുന്നത്:).

എല്ലാവർക്കും സ്വാതന്ത്ര്യദിനാശംസകൾ.ജയ് ഹോ..!

കഴിഞ്ഞ മൂന്ന് ബ്ലോഗ് വർഷങ്ങള്‍ ..!!

2009-08-04T13:23:00.000-07:00

ബാത്ത് റൂമില്‍ ഉദയക്രിയ നടത്തേണ്ടിയിരുന്ന പാട്ട് ഗസ്റ്റ് റൂമും കടന്ന് വരാന്ത വരെ എത്തി എന്നൊരു ഗുണം ആണു കഴിഞ്ഞ മൂന്ന് ബ്ലോഗ് വര്‍ഷങ്ങള്‍ തന്നത്. മലയാളഗാനശേഖരം, ഈണം എന്നൊക്കെയുള്ള ചില സംഘടിത പ്രവര്‍ത്തനങ്ങള്‍ തുടങ്ങി വയ്ക്കാനും നിസ്വാര്‍ത്ഥരായ ഒരു കൂട്ടം ആള്‍ക്കാരുടെ പ്രകാശവലയത്തില്‍ അകപ്പെടാനും പറ്റിയെന്നതില്‍ അതിയായി ആഹ്ലാദിക്കുന്നു.ബ്ലാ,ബ്ലോ,ബ്ലോഗ് എന്നുച്ചരിക്കാൻ പഠിച്ചിട്ട് നാലുവർഷം ആവുന്നെങ്കിലും മലയാളത്തിലെഴുതാൻ ഒരു വർഷം കൂടിയെടുത്തു.ആദ്യത്തെ മലയാളഗാന പോഡ്കാസ്റ്റ് ഒരിക്കൽ കൂടി പങ്ക് വയ്ക്കട്ടെ.കൃത്യം മൂന്നു വര്‍ഷങ്ങള്‍ക്ക് ശേഷം ഒരു വട്ടം കൂടി..!

വല്യമ്മായി,വക്കാരി,ഇടിവാൾ,ഭായ്,ഷിജു അലക്സ്,പണിക്കൻ,വളയം,വിശ്വപ്രഭ,ബിന്ദു എന്നിവരാണ് ഇത്തരമൊരു സാമൂഹികമായ അക്രമവാസന ആദ്യമായി പ്രോത്സാഹിപ്പിച്ചത്.അന്നുതൊട്ടിന്നു വരെയും പോരായ്മകളോടെ തുടരുന്ന സംഗീത പരീക്ഷണങ്ങളെ ക്ഷമയോടെ ശ്രവിച്ച,സന്തോഷിപ്പിക്കാൻ ശ്രമിച്ച നല്ല മനസുകൾക്കൊക്കെയും നന്ദി.

ബ്ലോഗ് പഠിപ്പിച്ച ചില പാഠങ്ങൾ :-
1.നിക്ഷ്പക്ഷത എന്നതൊന്നില്ല.
2.ബ്ലോഗ് ദൈവങ്ങൾ എന്നൊന്നുണ്ട് :)
3.ശരിക്കുമുള്ള ദൈവങ്ങൾ ബ്ലോഗിലുമുണ്ട് :)

പൂങ്കാറ്റിനോടും കിളികളോടും - പോഡ്കാസ്റ്റ്

2009-06-29T07:02:00.000-07:00

ഒരു പാട്ടു കൂടെപ്പാടിയവതരിപ്പിക്കുന്നു.ശ്വാസം-ഫീമെയില്ലായ്മ എന്നിവയെ അങ്ങ് പഴി ചാരട്ടോ ?

Film/album: പൂമുഖപ്പടിയിൽ നിന്നെയും കാത്ത്
Raaga: കല്ല്യാണി
Lyricist: ബിച്ചു തിരുമല
Music Direction: ഇളയരാജ
Singer: കെ ജെ യേശുദാസ്
ലിറിക്സ് ഇവിടെ

ഡൗൺലോഡ് ഇവിടെ

Picture Courtesy : 2DMovie

നക്ഷത്രങ്ങളുടെ രാജകുമാരനു വിട..!!

2009-06-26T01:32:00.000-07:00

സംഗീതത്തേയും നൃത്തത്തേയും അത്യപൂർവ്വ സവിശേഷതകളിലൂടെ സമന്വയിപ്പിച്ച,വിശേഷണങ്ങൾക്കതീതനായ മൈക്കിൾ..നിനക്ക് വിട..!

അന്നു സന്ധ്യക്കു നമ്മള്‍ - ഒരു അലസഗാനം V2 :)

2009-05-30T06:20:00.000-07:00

അന്നു സന്ധ്യക്കു നമ്മള്‍ ഒന്നായ് മഞ്ഞണിഞ്ഞില്ലേ..
മഞ്ഞു പെയ്യുന്ന രാവില്‍ എന്തോ കാത്തു നിന്നില്ലേ..
ഓര്‍മ്മയില്ലേ..ഓര്‍മ്മയില്ലേ..

ആര്‍ദ്രഗീതങ്ങള്‍ എന്ന ആല്‍ബത്തിലെ ഈ ഈണത്തിനു ജെറിയുടെ തന്നെ മറ്റു ചില ഗാനങ്ങളുമായി വളരെ സാമ്യമനുഭപ്പെടുന്നു.യേശുദാസും സുജാതയും ചേര്‍ന്നാലപിച്ച ഈ ഗാനത്തിന്റെ ഒരു സോളോ-അമച്വര്‍ ആവിഷ്ക്കാരം താഴെക്കേള്‍ക്കാം.:)

ഡൗൺലോഡ് ചെയ്യാൻ ഇവിടെ ക്ലിക്കാം

ആരവിടെ കോറസ് വരട്ടെ...!!

2009-05-22T20:47:00.000-07:00

ഒരു കോറസ്-മൾട്ടി ട്രാക്ക് റെക്കോർഡിംഗ് പരീക്ഷണം,അല്ലേലും ഒരു രാവണഗാനം പാടിയില്ലെങ്കിൽ എന്തു പോഡ്കാസ്റ്റിംഗം?.ഇതിനാർക്കേലും ഒരു രണ്ടാം ഭാഗം വേണേൽ അറിയിക്കൂസ്..!

ഇതേതു ചിത്രത്തിൽ ആര് പാടിയെന്നതാണു ചോദ്യം.ഉത്തരം തരുന്നവർ ഗോടുയുവർ ക്ലാസ്സസ്..!

Download from here..!

Picture Courtesy

ബ്ലോഗ് ചിതലെടുപ്പ് നിർമ്മാർജ്ജനം-പാതിരാമഴയേതോ

2009-05-12T10:04:00.000-07:00

യെസ്..ഒരു പഴയ ഗാനം...
യേശുദാസ്,ഔസേപ്പച്ചൻ,കൈതപ്രം ടീമിന്റെ മറ്റൊരു ഹിറ്റ് ഗാനം,പാതിരാമഴയേതോ ഹംസഗീതം പാടി വരികൾ ഇവിടെ

ഡൗൺലോഡ് |Download ഇവിടെ

ഈണം വാർത്തകൾ ശ്രദ്ധിക്കൂ..!

സാമ്പത്തികമാന്ദ്യത്തിന്റെ ചില ബാലപാഠങ്ങൾ..!!

2009-05-12T08:37:00.000-07:00

പ്രഥമ മലയാള ബ്ലോഗ് സംഗീത ആൽബം

2009-04-09T03:46:00.000-07:00

വാണീജ്യ താല്‍പ്പര്യങ്ങളോ സാമ്പത്തിക ലാഭമോ ഇല്ലാതെയുള്ള “ഫ്രീ മ്യൂസിക്“ എന്ന ആശയം വർഷങ്ങളായി ബ്ലോഗിലെ സംഗീത മേഖലയിൽ പ്രവർത്തിക്കുന്നവരുടെ ഒരു സ്വപ്നമായിരുന്നു.കാലാകാലങ്ങളായി ഉരുത്തിരിഞ്ഞുവന്ന ഈ ആശയം ഉൾക്കൊണ്ടുകൊണ്ട് മലയാളത്തിന്റേത് മാത്രമായ ഒരു ‘സ്വതന്ത്ര സംഗീത ആൽബ’ത്തിനു രൂപം കൊടുക്കുവാനുള്ള ചിന്തകൾ പലപ്പോഴായി സൗഹൃദ കൂട്ടായ്മളിൽ ഉയർന്നു വന്നിരുന്നു.ആ സ്വപ്നം ഇവിടെ സാക്ഷാത്കരിക്കപ്പെടുകയാണ്.പല ഭൂഖണ്ഡങ്ങളിലായി പല രാജ്യങ്ങളിൽ ജോലിനോക്കുന്ന,പരസ്പരം നേരിൽ കാണാതെ,ഇന്റർനെറ്റിന്റെ മാത്രം സാദ്ധ്യതകൾ ഉപയോഗിച്ചുകൊണ്ട് ഒത്തുചേർന്ന ഒരു കൂട്ടം സംഗീത പ്രേമികൾ,ഇതാ അങ്ങനെയൊരാൽബം കാഴ്ചവയ്ക്കാനൊരുങ്ങുന്നു.ഈ വരുന്ന ജൂണിൽ പ്രസിദ്ധീകരിക്കാമെന്നു പ്രതീക്ഷിക്കപ്പെടുന്ന പത്തു ഗാനങ്ങൾ അടങ്ങിയ ഈ ആൽബം പബ്ലീഷ് ചെയ്യപ്പെടുന്നതോടെ ആദ്യത്തെ മലയാള ബ്ലോഗ് സംഗീത ആൽബം എന്ന ആശയവും ഇവിടെ പൂർണ്ണമാവുന്നു.പൈറസിയുടെ പ്രശ്നങ്ങളില്ലാതെ സ്വതന്ത്രമായി അർക്കും ഡൗൺലോഡ് ചെയ്യാനും ഓഡിയോ സ്ട്രീമിംഗിലൂടെ അവ കേൾക്കാനും അവസരമൊരുങ്ങുകയും ചെയ്യുന്നു എന്ന പ്രത്യേകത കൂടിയുണ്ടിതിന്.

ഗ്രാമീണം,വേദാന്തം,ആർദ്ധശാസ്ത്രീയം,താരാട്ട്,വിഷാദം,ഉത്സവഗാനം,പ്രേമഗാനം,ഭാവഗീതം,കലാലയഗീതം എന്നീ വിഭാഗങ്ങളിലായി ബ്ലോഗിലെ പ്രതിഭാധനരായ എഴുത്തുകാർ രചിച്ച്,ബ്ലോഗുകളിൽ തന്നെ സംഗീതസംവിധാനത്തിൽ കഴിവുതെളിയിച്ചവർ ചിട്ടപ്പെടുത്തി,നാം അറിയുന്ന നമ്മുടെ ബ്ലോഗ് ഗായികാ ഗായകന്മാർ ആലപിക്കുന്ന പത്തു ഗാനങ്ങളുടെ ശേഖരമായ ഈ ആൽബത്തിന്റെ വർക്കുകൾ അണിയറയിൽ പൂർത്തിയാവുന്നു. ഒരോ സംഗീതപ്രേമികളുടേയും നിസ്സീമമായ സഹകരണമുണ്ടെങ്കിൽ ഈ സംരംഭം തുടർന്നുപോകാനാകുമെന്നാണ് ഞങ്ങളുടെ പ്രതീക്ഷ.

അതോടൊപ്പം തന്നെ,ഈ ആൽബത്തിനും,ഇതിനു വേണ്ടിയൊരുങ്ങുന്ന വെബ്സൈറ്റിനും ഒരു പേരു നിർദ്ദേശിക്കുവാൻ ഏവരേയും സഹർഷം ക്ഷണിക്കുകയാണ്.മികച്ച പേരുകൾ കണ്ടെത്തുവാൻ അതു തീർച്ചയായും സഹായകമാകുമെന്നു കരുതുന്നു.ഇതിന്റെ പരിപൂർണ്ണ വിജത്തിലേക്കായി നിങ്ങളേവരുടേയും പങ്കാളിത്തവും പ്രോത്സാഹനവും പ്രതീക്ഷിച്ചു കൊണ്ട്..!

ഏറ്റവും പുതിയ വാർത്ത :- ഇതു വരെ ലഭിച്ച നിർദ്ദേശങ്ങളിൽ നിന്നും ആദ്യ ആൽബത്തിനും വെബ് സൈറ്റിനും “ ഈണം “ എന്ന പേരു നമ്മൾ തിരഞ്ഞെടുത്തിരിക്കുന്നു.സഹകരിച്ച എല്ലാവർക്കും നന്ദി.

സസ്നേഹം
ആൽബം ടീം

പണ്ടു പാടിയ പാട്ടിലൊരെണ്ണം-ലളിതഗാനം

2009-01-24T12:15:00.000-08:00

ആരെഴുതിയെന്നോ,എന്നെഴുതിയെന്നോ ഒരു പിടീം ഇല്ല.പ്രസിദ്ധമായൊരു പഴയ ലളിതഗാനം(പുതിയത് ലളിതമല്ലല്ലോ,ആല്‍ബമല്ലേ:).പാട്ടു പരീക്ഷണങ്ങളെ ക്ഷമാപൂര്‍വ്വം,സശ്രദ്ധം കേട്ട് ‍ അഭിപ്രായമറിയിച്ചു കൊണ്ടിരിക്കുന്ന ഒരോ ശ്രോതാവിനും നന്ദി.എല്ലാവര്‍ക്കും ഒരു കുഞ്ഞ് റിപ്പബ്ലിക്കന്‍ വക റിപ്പബ്ലിക്കന്‍ ദിനാശംസകള്‍.

ഫീക്കര്‍ ഓഫാക്കി ഹെഡ് ഫോണ്‍ വെച്ചാല്‍ രണ്ടുണ്ട് ഗുണം.

ഡൌണ്‍ലോഡ് ഇവിടെ

ഒരു പ്രലോഭനപ്പോഡ്‌കാസ്റ്റ്

2009-01-18T22:02:00.000-08:00

ഒരു വൻ പ്രലോഭന പോഡ്കാസ്റ്റ്

(ഫീക്കര്‍ ഓഫാക്കി ഹെഡ് സെറ്റ് തലയില്‍ വെച്ചോ ? എന്നാല്‍ ആ പ്ലേ ബട്ടനില്‍ ഒന്നു ക്ലിക്കി അല്പനേരം കണ്ണടച്ചിരി..!)

ഡൌണ്‍ലോഡ് ഇവിടെ

ഏതു പടം ? എഴുതിയതാര് ? സംഗീതമാര് ? രംഗത്തിലാരൊക്കെ ?

കള്ളക്കാമുകീകാമുകന്മാര്‍ക്ക്..!!

2009-01-09T03:42:00.000-08:00

വളരെക്കാലമായി ബഹൂഭൂരിപക്ഷം വരുന്ന കള്ളക്കാമുകീകാമുകന്മാര്‍ക്കു വേണ്ടി ചില ഗാനങ്ങള്‍ സമര്‍പ്പിക്കണമെന്നു കരുതിയിട്ട്.പുതുവര്‍ഷത്തിന്റെ പാട്ടുകള്‍ അപ്പോ ഇങ്ങനങ്ങ് പോട്ട്..അല്ല്ലിയോ..:)

(ഫീക്കര്‍ ഓഫാക്കി ഹെഡ് സെറ്റ് തലയില്‍ വെച്ചോ ? എന്നാല്‍ ആ പ്ലേ ബട്ടനില്‍ ഒന്നു ക്ലിക്കി അല്പനേരം കണ്ണടച്ചിരി..!)

മുടിപ്പൂക്കള്‍ വാടിയാലെന്നോമനേ ..!

ഡൌണ്‍ലോഡ് ഇവിടെ

പൂക്കളേ സ്നേഹിച്ച പെണ്‍കിടാവേ..!

ഡൌണ്‍ലോഡ് ഇവിടെ

പാട്ടുകളൊക്കെ ആരെഴുതി എന്ന് വല്ല പിടിത്തവുമുണ്ടോ ?

ചില സംഘഗാനങ്ങള്‍..!!

2009-01-07T23:36:00.000-08:00

ബ്ലോഗ് കൂട്ടായ്മകളെ ഫലപ്രദമായി ഉപയോഗിച്ചു കണ്ടൊരു സംരംഭമാണ് ബ്ലോഗ് സ്വര. എന്നാൽ ബുക്ക് റിപബ്ലിക് എന്ന സംവിധാനത്തിലൂടെ അത്തരമൊരു സംരംഭത്തിലേക്ക് നടന്നടുത്തിരിക്കുകയാണ് ഒരു കൂട്ടം ഇ-മലയാളികൾ .ആദ്യപുസ്തകമായി ടി.പി. വിനോദിന്റെ (ലാപുട എന്ന പേരില്‍ ബ്ലോഗെഴുതുന്നു) 'നിലവിളിയെക്കുറിച്ചു കടങ്കഥകൾ' എന്ന പേരിൽ അറുപതോളം കവിതകളുടെ ഒരു സമാഹാരം പുറത്തിറക്കുകയാണ്..!

മലയാളം ബ്ലോഗിൽ നിന്നവകാശപ്പെടാവുന്ന ആദ്യ ചലച്ചിത്രവും ഇതിനോടൊപ്പം തന്നെ രംഗത്തെത്തുന്നു. സങ്കുചിതൻ എഴുതി സനാതനൻ സംവിധാനം ചെയ്യുന്ന "പരോൾ" എന്ന ചലച്ചിത്രം പ്രദർശനം ആരംഭിച്ചു കഴിഞ്ഞു.കൂടുതൽ വിവരങ്ങൾ താഴെ..!
ധീരമായും ഫലപ്രദമായും ഇത്തരം പ്രവർത്തനങ്ങൾ അനുഭവവേദ്യമാക്കുന്ന ഈ കൂട്ടായ്മക്ക് അഭിനന്ദനങ്ങൾ,ആശംസകൾ.

മലയാളസംഗീതവെബ്ബും ശ്രീദേവിപിള്ളയുടെ പാട്ടുകളും..!

2009-01-01T23:29:00.000-08:00

ഇന്റർനെറ്റിന്റെയും ടിവി ചാനലുകളിലെ സംഗീത പരിപാടികളിലൂടെ കടന്നു വരവോടെയും മലയാളിയുടെ ഗാനാസ്വാദനത്തിന് വലിയ മാറ്റങ്ങളുമുണ്ടായി.ഗാനങ്ങളുടെ സൃഷ്ടികർത്താക്കളേയും മറ്റനുബന്ധ വിവരങ്ങളുമൊക്കെ മുൻപ് ഓർമ്മയിൽ മാത്രം സൂക്ഷിച്ചു വച്ചിരുന്ന ചില മനുഷ്യഡേറ്റാബേസുകൾ വെബ്ബുകളിലൂടെ അവരുടെ ശക്തമായ സാന്നിധ്യം അറിയിക്കുവാനും തുടങ്ങിയതോടെ സംഗീത പ്രേമികൾ തുടങ്ങി വച്ച വെബ്ബ് സംരംഭങ്ങൾക്കൊക്കേയും അഭൂതപൂർവ്വമായ പ്രതികരണം ലോകത്തിന്റെ പലഭാഗത്തു നിന്നുമുണ്ടായി.ഗാനങ്ങളിൽ സംഗീതമോ,ഗായകരുടെ ശബ്ദമോ മാത്രം ആസ്വദിച്ച് കടന്നു പോയിരുന്ന സ്ഥിതി വിശേഷത്തിൽ നിന്നും പിന്നണി പ്രവർത്തകരെ കൂ‍ടുതൽ അടുത്തറിയാനും ചിലപ്പോഴൊക്കെ അവരോടൊക്കെ പല തരത്തിലും സംവദിക്കുവാനുമുള്ള അവസരങ്ങളും സംഗീതപ്രേമികൾക്ക് കൈവന്നു.അങ്ങനെ സമാഹരിച്ച സംഗീത സംബന്ധിയായ വിവരങ്ങൾ പല വെബ്ബുകളിലൂടെ പുറത്തു വന്നിരുന്നുവെങ്കിലും ചിട്ടയായ ചില ശ്രമങ്ങൾ തുടങ്ങി വച്ചത് മലയാളവേദിയും രാഗകൈരളിയും ശ്രീരഞ്ജിനിയുമൊക്കെയാണ്.മലയാള ചലച്ചിത്രഗാനങ്ങളിലെ രാഗങ്ങളെ കണ്ടെത്തി പരിചയപ്പെടുത്തിയതിലൂടെ സംഗീത പ്രേമികകൾക്ക് ഏറെ വിലപ്പെട്ട ഒരു വെബ്ബാണ് രാഗകൈരളി.ബൂലോഗത്തിന്റെ ശാസ്ത്രീയ സംഗീത സാന്നിധ്യമായ കിഷോറിന്റെ ഈ സംരംഭം അടുത്തിടെ പത്താം വാർഷികം ആഘോഷിച്ചിരുന്നു.

മലയാള ഗാന സംബന്ധിയായി "എന്തില്ല "എന്നു മാത്രം തിരയേണ്ടുന്ന ഒരവസ്ഥയിലൂടെ,അത്തരമൊരു കൂട്ടായ്മയുടെ കരുത്ത് തെളിയിച്ചു കൊണ്ട് അദ്ഭുതം സൃഷ്ടിക്കുകയാണ് MSI എന്നു ചുരുക്കപ്പേരിലറിയപ്പെടുന്ന മലയാളസംഗീതം.ഇൻഫോ എന്ന വെബ് സൈറ്റും അതിനു ചുക്കാൻ പിടിക്കുന്ന പ്രവാസി മലയാളിയായ അജയ് മേനോനും.

കഥാകഥനത്തിലൂടെയും പോഡ്കാസ്റ്റുകളിലൂടെയും ചില മലയാളം ബ്ലോഗേർസിനെങ്കിലും പരിചിതയായ ദേവൂസ് എന്ന ശ്രീദേവി പിള്ള രചിച്ച് ,ശ്രീ വിദ്യാധരൻ മാസ്റ്റർ സംഗീതം ചെയ്ത "ഹൃദയമുരളിക" എന്ന ലളിതഗാനശേഖരം പുറത്തിറക്കുന്നതോടെ സംഗീത സംബന്ധിയായ വിവരശേഖരണത്തിൽ മാത്രമൊതുങ്ങുന്നതല്ല MSIയുടെ പ്രവർത്തനങ്ങൾ എന്ന് അവർ തെളിയിക്കുന്നു.കാലയവനികയിലേക്ക് മെല്ലെ മാഞ്ഞു പോയേക്കാവുന്ന ലളിതഗാനം എന്ന സംഗീത ശാഖയെ നിലനിര്‍ത്തുവാന്‍ MSI നടത്തുന്ന ശ്രമങ്ങളെ എല്ലാ സംഗീത പ്രേമികളും പ്രോത്സാഹിപ്പിക്കേണ്ടതാണ്. ഈ വരുന്ന 8ആം തീയതി കൊച്ചി മറൈന്‍ ഡ്രൈവില്‍ വച്ച് ശ്രീകുമാരന്‍ തമ്പിയും വിദ്യാധരന്‍ മാസ്റ്ററും ഒക്കെ ഒന്നിക്കുന്ന ഒരു സദസ്സില്‍ ഇതിന്റെ ആദ്യ സിഡി/കാസറ്റ് പ്രകാശനം ചെയ്യുന്നു.എല്ലാ സംഗീത പ്രേമികളേയും ഈ ചടങ്ങിലേക്ക് സാദരം ക്ഷണിക്കുന്നു.

ഇത്തരമൊരു സംരംഭത്തില്‍ ഒരു ഗാനാസ്വാദകന്‍ എന്ന നിലയിലുള്ള സന്തോഷവും ,സമാനമായ ചില എളിയ സംരംഭങ്ങളിൽ ഉള്ള അസൂയകളും :)ഇവിടെ മറച്ചു വയ്ക്കുന്നില്ല.എല്ലാ അണിയറ പ്രവർത്തകർക്കും ഒരിക്കൽക്കൂടി അഭിവാദ്യങ്ങൾ..!

കൂ‍ടുതൽ വിവരങ്ങൾ
1.MSI Audios
2.ഹൃദയമുരളികയുടെ ബ്ലോഗ്

2008ലെ ചില തൊമ്മങ്കുത്തുകള്‍..!!

2009-01-01T02:29:00.000-08:00

1.ബൈബിൾ പഠനം.

അമ്മ : “യഹോവ എന്റെ ഇടയനാകുന്നു”

തൊമ്മി : യഗോവ എന്റിടയനാകുന്നു.

അമ്മ : പറഞ്ഞേ “ നിന്റെ വടിയും ചെങ്കോലും എന്നെ ആശ്വസിപ്പിക്കുന്നു”

തൊമ്മി : ” നിന്റെ വടിയും ശെങ്കോലും എന്നെ അടിപ്പിക്കുന്നു ..!! “ (അടിയോളമൊക്കുമോ അണ്ണൻ തമ്പി:)

2.പ്രാർത്ഥനാ ശീലം

അമ്മ : പറഞ്ഞേ “ യേശു അപ്പച്ചാ..കുഞ്ഞിനു ചോക്കളേറ്റ് ബ്ലോക്സ് തരണേ..”

തൊമ്മി : യേശുപ്പച്ചാ..കുഞ്ഞിനു ചോക്കലേറ്റ് ബോസ്സ് തരണേ..!

അമ്മ : പറഞ്ഞേ “യേശുഅപ്പച്ചാ..ബുദ്ധി തരണേ..ശക്തി തരണേ “

തൊമ്മി : “ബുദ്ദിക്കാത്തും ശക്തിക്കകത്തും എന്തോ ഒണ്ട് മമ്മീ ?

3. ഭക്ഷണസമ്മർദ്ദം.

അമ്മ : ഈ ഉരുള നീ തിന്നില്ലെങ്കിൽ ഞാനെന്റെ പാട്ടിനു പോകും..!

തൊമ്മി : “ഏതു പാട്ടിനാമ്മീ ?? ഹാപ്പി ബർത്തിഡേഡെ പാട്ടിനാനോ ? ( പാട്ടു കേട്ട് വട്ട് പിടിച്ചതാ )

4.കഥയോടു കഥ ( പറഞ്ഞു പറഞ്ഞ് അടപ്പൂരി ,അവസാനം പരീക്ഷിച്ചൊരു മാർഗ്ഗം,കട്ടിപ്പദങ്ങളുപയോഗിച്ചു നോക്കുക,യെവടെ..:(

അപ്പൻ : ഒരിടത്തിരടത്തൊരു രാജാവ്.രാജാവിന്റെ പേരു അക്ബർ,മന്ത്രിയുടെ പേരു ബീർബൽ,ഒരു ദിവസം രാജാവ് അങ്ങോരുടെ സൂക്ഷ്മമാപിനി വച്ച് നോക്കിയപ്പോ..ആ‍ ഇനി കുഞ്ഞ് പറഞ്ഞേ

രാജാവിന്റെ പേരെന്താ ?

തൊമ്മൻ : അക്കുവർ

അപ്പൻ : മന്ത്രിയോ ?

തൊമ്മൻ :വീർബൽ

അപ്പൻ : രാജാവ് നോക്കിയ കാര്യം എന്താ ?

തൊമ്മൻ : സൂഷബാമിനി,ബാക്കി പറ...!!

5. ഡിമാന്റ്സ്.

അപ്പൻ : ടോംകുട്ടായ്ക്ക് പെങ്കൊച്ച് വാവേ വേണോ ?

തൊമ്മൻ :വേണ്ടാ

അപ്പൻ: അപ്പോ ടോങ്കുട്ടായ്ക്ക് അനിയൻ വാവേ മതിയോ ?

തൊമ്മൻ : വേണ്ട്ടാ‍ന്ന്..

അപ്പൻ : പിന്നെ നിനക്കാരെയാഡാ വേണ്ടേ ?

തൊമ്മൻ : ളോറിയായെ...!! ( ഗ്ലോറിയ ഫ്രണ്ടാ )

കടപ്പാടുകൾ :-

ബൈ ഡീഫോൾട്ട്‌ വലിയ കളിപ്പാട്ടങ്ങൾ ക്ഷമാപൂർവ്വം തിരിച്ചെടുത്ത് വയ്ക്കുന്ന ലുലുസെന്ററിലെ മണികൗണ്ടർ അങ്കിളുമാർക്ക്..!
ഈ വർഷത്തെ ക്ഷമക്കുള്ള ഖത്തർ സ്കൂൾസ് ഫെഡറേഷൻ അവാർഡിനു പരിഗണനയിലുള്ള പ്ലേസ്കൂളമ്മക്ക്..!
അപ്പനുമമ്മക്കും വീട്ടിൽ സമാധാന നിമിഷങ്ങൾ സമ്മാനിക്കുവാൻ തയ്യാറാക്കിയ ടോം & ജെറി വീഡിയോ സീരീസ് നിർമ്മാതാക്കൾക്ക്..!
മികച്ച ലൈഫും വാറണ്ടി സർവ്വീസുമുള്ള എൽ ജി ഡിവിഡി ബർണറിന്,താഴോക്ക് ചരിച്ചൊന്നു കുലുക്കിയാൽ റബറും മുറിപ്പെൻസിലും താഴെപ്പോവാൻ കഴിവുള്ള എച്ച് പി പ്രിന്റർ രൂപകല്‍പ്പന ചെയ്ത ൻജിനീയർക്ക് etc..!

അപ്ഡേറ്റ്സ് & ആഗ്രഹങ്ങൾ- 2009..!

വോൾവോ ബസീന്ന്..ട്രെയിനിലേക്കും,പ്ലെയിനിലേക്കും കയറി. ഇനി ബോട്ടിൽക്കേറണം.
വെക്കേഷന് അപ്പച്ചായുടെ സ്കൂട്ടറേൽ നാട്ടിൽ ചുറ്റിക്കറങ്ങണം.
നാട്ടിലെ സൂ കാണണം.തട്ടുമ്പുറത്തെ സൈക്കിളെടുത്തോടിക്കണം.പശുമ്മാമ്മെം ഹിറ്റു ബൗബൗവിനേം കാണണം.
പ്ലേസ്കൂളില്‍ച്ചേര്‍ന്നു - ഇനി പോവണ്ട..!

അപ്പോ ല്ലാർക്കും രണ്ടായിരത്തിയൊൻപതിന്റെ സ്നേഹാശംസകൾ..!!

അനുബന്ധപ്പോസ്റ്റുകള്‍ :
1.സ്വാമിതൊമ്മിച്ചര്‍മ്മാദാനന്തസ്വാമികള്‍.
2.വ്യത്യസ്ഥനാമൊരു ബാലനാം..!
3.ഡിവിഡി ഹിപ്പോക്കൊണ്ടാട്ടം.

ക്രിസ്തുമസ് ഗാനങ്ങള്‍ - പോഡ്കാസ്റ്റ്

2008-12-25T09:52:00.000-08:00

മഞ്ഞ് കൊള്ളാതെ,പട്ടികടിക്കാതെ,ചുക്ക്‌ കാപ്പി കുടിക്കാതെ,കൽക്കണ്ടവും-കുരുമുളക് മിക്സും തിന്നാതെ,സൈഡ് ഡ്രം കൊട്ടാതെ,പെട്രോൾ മാക്സ് ചുമക്കാതെ, കരോളിനിറങ്ങാതെ ഒരു ക്രിസ്തുമസ് കൂടി.സ്നേഹിക്കാൻ പഠിപ്പിച്ച ഇടയന്റെ ജനനം ലോകമെമ്പാടും ഒരിക്കൽ കൂടി അഘോഷിക്കുന്നു .എല്ലാവർക്കും ക്രിസ്തുമസിന്റേയും പുതുവത്സരത്തിന്റേയും ആശംസകൾ.

രണ്ടു പാട്ടുകൾ പാടി അവതരിപ്പിക്കുന്നു..!

1.കാൽ‌വരിക്കുന്നിലെ കാരുണ്യമേ.

കെ എസ് ചിത്ര പാടിയ ഒരു മനോഹരമായ ക്രിസ്ത്യൻ ഗാനം.വചനം എന്ന ആൽബത്തിൽ നിന്ന്.പാട്ടിന്റെ വരികൾ ഇവിടെ.

ഡൗൺലോഡ് Download this song.

2.സ്നേഹസ്വരൂപാ തവദർശനം

സ്നേഹപ്രവാഹം എന്ന എക്കാലത്തേയും ഹിറ്റുകളിലൊന്നായ മറ്റൊരു ക്രിസ്ത്യൻ ആൽബത്തിൽ യേശുദാ‍സ് പാടിയ ഗാനം.വരികൾ ഇവിടെ.

ഡൗൺലോഡ് Download this song.

Photo Courtesy : www.utilitarianism.com

ബ്ലോഗ്സ്വര-ആൽബം-അഞ്ച്..!!

2008-12-11T11:42:00.000-08:00

ബ്ലോഗ്‌ സ്വര ,ഇന്റര്‍നെറ്റ്‌ ബ്ലോഗിലെ അമച്വര്‍ സംഗീത പ്രതിഭകളെ ഒന്നു ചേര്‍പ്പിക്കുന്ന സംരംഭം അഞ്ചാമത്‌ ആല്‍ബവുമായി രംഗത്തെത്തുന്നു.ആദ്യ ആല്‍ബത്തില്‍ ഒരു അമച്വര്‍ സംഗീതത്തിന്റെ രീതികളായിരുന്നെങ്കിലും കഴിവുള്ള കൂടുതല്‍ പ്രതിഭകളെ ഉള്‍പ്പെടുത്തി ബ്ലോഗ്‌ സ്വര ഇന്ന് മറ്റ്‌ പ്രൊഫഷണല്‍ ആല്‍ബങ്ങളോട്‌ കിട പിടിക്കുന്ന രീതിയില്‍ മാറിക്കൊണ്ടിരിക്കുന്നു.മാര്‍ക്കറ്റില്‍ കിട്ടുന്ന ചില തട്ടിക്കൂട്ട്‌ അല്‍ബങ്ങളേക്കാലും മുന്നിലും.

കച്ചവട താല്‍പ്പര്യങ്ങളോ സാമ്പത്തിക ലാഭമോ ഇല്ലാതെ ഫ്രീ മ്യൂസിക്ക്‌ എന്ന ആശയവുമായി രംഗത്തെത്തുതകയാണ് ബ്ലോഗ്‌ സ്വരയുടെ നേതൃത്വം. പല രാജ്യങ്ങളിലുമായി ജോലിചെയുന്ന, പലപ്പോഴും നേരില്‍‍ കാണാതെ, ഇന്റര്‍നെറ്റിന്റെ അപാര സാധ്യതകള്‍ മാത്രം ഉപയോഗിച്ചു കൊണ്ട്‌ ഒന്നു ചേര്‍ന്ന ഒരു കൂട്ടം സംഗീത പ്രതിഭകള്‍.രചനയും,സംഗീതവും,ഓര്‍ക്കസ്റ്റ്രേഷനും,റെക്കൊര്‍ഡിങ്ങും,മിക്സിങ്ങും ഗാനങ്ങള്‍ക്ക്‌ ശബ്ദവും ഒക്കെ ബ്ലോഗരില്‍ നിന്നും കടം കൊള്ളൂന്ന ഈ സംരംഭം സംഗീതജ്ഞരുടെ ഒരു സ്ഥിരം പ്ലാറ്റ്‌ ഫോറ‍മായി മാറിയിരിക്കുന്നു.പ്രധാനമായി ഹിന്ദിയിലും ,മലയാളത്തിലും,തമിഴിലും പുറത്തിറങ്ങുന്ന ബ്ലോഗ്‌ സ്വരക്ക്‌ ഇത്തവണ കന്നഡയുടെ സാന്നിധ്യവുമുണ്ട് .ഇന്റര്‍നെറ്റില്‍ ഓഡിയോ സ്ട്രീമിംഗായി പാട്ടുകള്‍ കേള്‍ക്കാം.സാധാരണ എംമ്പീത്രി പൈറസിനിയമങ്ങളുടെ പേടിയൊന്നുമില്ലാതെ പാട്ടുകള്‍ ഡൗണ്‍ലോഡ്‌ ചെയ്യാം.

പാട്ടുകൾ ഇവിടെ നിന്നു കേൾക്കാം.അഭിപ്രായങ്ങൾ ദയവായി അവരെ അറിയിക്കുക.

എല്ലാ അണിയറ ശില്‍പ്പികള്‍ക്കും ആശംസകള്‍..!

ഒരു കുഞ്ഞു ചിത്രഗാഥ-റോക്ക് ഓൺ..!!

2008-12-07T02:30:00.000-08:00

മരംചുറ്റി മദിച്ചോടുന്ന കാമുകീ-കാമുകന്മാർക്കും ദിൽ ദിൽ പാട്ടുകൾക്കുമപ്പുറം ഹിന്ദി സിനിമയിൽ പ്രതീക്ഷയർപ്പിക്കുന്നവർക്ക് ആശ്വാസത്തിനായി ഒരു കുഞ്ഞു ചിത്രം പിറന്നിരിക്കുന്നു.ഒരു പിടി കൗതുകകരമായ കാഴ്ചകളെ നിരത്തി നിർത്തി പ്രേക്ഷകരുടേയും വിമർശകരുടേയും മനം കവർന്ന ഒരു സിനിമ അടുത്ത കാലത്തെങ്ങും ഹിന്ദി സിനിമാ ലോകം കണ്ടു കാണില്ല.കൗമാരങ്ങളിൽ 24/7 എന്ന കണക്കിൽ സിരകളിൽ സംഗീതവുമായി നടന്ന ഒരു കൂട്ടം ചെറുപ്പക്കാരുടെ പത്തു വർഷത്തിനു ശേഷമുള്ള ജീവിതത്തിലേക്കു ക്യാമറ കൊണ്ടു പോവുന്നതാണ് ഈ സിനിമയുടെ തുടക്കം.സിനിമയുടെ ഇതിവൃത്തത്തിനുമപ്പുറം ചില സവിശേഷതകൾ പങ്കുവയ്ക്കുക മാത്രമാണീയൂള്ളവന്റെ ലക്ഷ്യം.

ബോളിവുഡിന്റെ തന്നെ കളക്ഷൻ അട്ടിമറിച്ച ദിൽ ചാഹ്താ ഹേ,ലക്ഷ്യ എന്ന ഹിന്ദി ചിത്രങ്ങൾ സംവിധാനം ചെയ്ത ഫർഹാൻ അക്തർ എന്ന സിനിമാ സംവിധായകനായ ചെറുപ്പക്കാരനെ എല്ലാവർക്കുമറിയാം.എന്നാൽ ഫർഹാൻ അക്തർ എന്ന ഗായകന്റെയും അഭിനേതാവിന്റേയും പിറവി ഒട്ടുമിക്ക പ്രേക്ഷകരെയും സിനിമാലോകത്തെ അദ്ദേഹത്തിന്റെ സഹപ്രവർത്തകരെയും ഒരുപോലെ അമ്പരപ്പിക്കുക തന്നെ ചെയ്തു എന്ന് നിസ്സംശയം പറയാം.

ശങ്കർ-ഇഷൻ-ലോയ് എന്ന സംഗീത സംവിധായകരുടെ വിജയമന്ത്രം ശങ്കർ മഹാദേവൻ എന്ന ഉജ്ജ്വല ഗായകന്റെ സാന്നിധ്യമാണ്.ഇവരുടെ എല്ലാ ചിത്രങ്ങളിലും ശങ്കറിന്റെ മനോഹരമായ ഒരു ഗാനം ഉൾ‌പ്പെടുത്തിക്കണ്ടിട്ടുണ്ട്.എന്നാൽ ഒരു പാട്ട് പോലും ശങ്കർ മൂളാതെ എട്ടിൽ ആറു ഗാനങ്ങളും നായകനായ ഫർഹാൻ അക്തർ തന്നെ പാടിയിരിക്കുന്നു എന്നതു തന്നെ ഒരു പരിധി വരെ സംഗീത പ്രേമികളിൽ കൗതുകമുണർത്തുന്നു .

പേരുകേട്ട ഹിന്ദിസിനിമാ ഗാനരചയിതാവായ ജാവേദ് അക്തറിന്റേയും,തിരക്കഥാകൃത്തുമായ ഹണി ഇറാനിയുടേയും മകനായ ഫർഹാൻ അക്തർ സംഗീതത്തിൽ നിന്നും അഭിനയത്തിൽ നിന്നും മാറി സംവിധാന രംഗത്ത് വെന്നിക്കൊടി പാറിച്ചതിനു ശേഷം ജന്മം കൊണ്ടു തന്നെ സിരകളിലിഴുകിയ സംഗീതത്തിന്റെ പാത പിന്തുടരുന്നത് സംഗീത പ്രധാന്യമുള്ള ഇന്ത്യൻ സിനിമകൾക്ക് ഒരു മുതൽക്കൂട്ടാവുമെന്നതിൽ സംശയമില്ല.

”തും ഹോനാ തും” എന്ന ക്ലൈമാക്സ് രംഗത്തിലെ ഗാനം ശബ്ദത്തിന്റെ മാസ്മരികതയിലൂടെ ശ്രോതാക്കൾക്ക് മറ്റൊരു മുന്നണി* ഗായകനേത്തന്നെ ഹിന്ദിചലച്ചിത്രരംഗത്ത് നൽകിയിരിക്കുന്നു.

പിന്നണി ഗാനത്തിന്റെ ട്രാക്കിൽ നായകന്റെ അഭിനയം ഷൂട്ട് ചെയ്യുമ്പോൾ നായകൻ ട്രാക്കിനേക്കാൾ നന്നായി പാടി അഭിനയിക്കുന്നത് കണ്ട് സംവിധായകന്റെ കണ്ണു തള്ളിപ്പോയ നിമിഷംഒരു പക്ഷേ സിനിമാ ചരിത്രത്തിൽ ആദ്യമാവും.

കഥയെ കാർന്നു തിന്നാതെ സംഗീതം ഫലപ്രദമായി ഒരു സിനിമയിൽ ഉപയോഗിക്കുവാൻ കഴിഞ്ഞത് സംവിധായകന്റെയും സംഗീത സംവിധായകരുടെയും കഴിവ് തെളിയിക്കുന്നു.ഉടനീളം ഒരു റോക്ക് ബാൻഡിനെ സംഗീത സംബന്ധിയായി ചലച്ചിത്രത്തിൽ ആവിഷ്ക്കരിക്കുന്നതും ആദ്യമാവും.

എല്ലാറ്റിനുമുപരിയായി ജീവിത ലക്ഷ്യമല്ല,ജീവിത യാഥാർത്ഥ്യങ്ങളിലൂടെയുള്ള യാത്ര തന്നെയാണു പ്രധാനം എന്ന് തെളിയിക്കുന്ന ഒരു ചലച്ചിത്രാനുഭം പ്രേക്ഷകർക്കു നൽകുന്നു റോക്ക് ഓൺ..!

Courtesy :-
1.www.shaaditimes.com
2.www.wikipedia.org

"മറന്നതെന്തേ...!?"

2008-12-02T20:47:00.000-08:00

സഹൃദയരേ കലാസ്നേഹികളേ..അങ്ങനെ വീണ്ടും ഒരു പീഢനക്കേസിൽ പ്രതിയായിരിക്കുന്നു.ഇത്തവണത്തെ പീഢനം ബഹുവിന്റെ സംഗീതത്തിനിട്ട്..! ( കട:ബഹു)
കംബ്ലീറ്റ് അറേയ്ഞ്ചുമെന്റോട് അറേഞ്ചുമെന്റ് & പ്രൊഡക്ഷൻ :- പി കെ അഭിലാഷ് എന്ന അഭിലാഷങ്ങൾ.
രചന : അഭിലാഷങ്ങളുടെ സുഹൃത്തും,ബന്ധുവുമായ രമ്യ .
സംഗീതം:- മിസ്റ്റർ ബഹു & ബഹു
ഗ്രാഫിക്സ് : ഊണേശ്വരം അവർകൾ

ഏറണാകുളത്ത് നിന്ന് പാലക്കാടേക്ക് ഏതോ കല്യാണ സദ്യക്ക് പൂവാൻ സൂപ്പർ എക്സ്പ്രസ്സിൽ ടിക്കറ്റുമെടുത്ത് സദ്യയും സ്വപ്നം കണ്ട് ചാരിക്കിടന്നുറക്കമായ ഊണേശ്വരമാശാനെ ഫോണിൽ വിളിച്ച് ആലുവയിൽ ചാടിച്ച് ഇറക്കിപ്പിച്ച്, സമാധിയിലായ മീനിന്റെ കണ്ണുകളും കുഴിഞ്ഞ നെറ്റിയുമുൾപ്പടെയുള്ള എന്റെ ചിത്രം അതേ പോലെ ഒപ്പിയെടുത്ത് വരപ്പിച്ചെടുക്കാൻ അഭിലാഷകുമാരൻ ചെയ്ത ചെയ്തികൾ ഓർത്താൽ തലമാന്തിപ്പറിക്കുന്ന തരത്തിൽ ട്യൂണേ..ട്യൂണേയ് എന്നു പിറകേ നടന്നു ബഹുവിനേക്കൊണ്ടു ട്യൂൺ ഇടീപ്പിച്ച്,ഭാവമേ,ലയമേ,അച്ചര സ്ഫുടതയേന്നൊക്കെപ്പറഞ്ഞ് എന്റെയും പിറകേ നടന്ന് പാട്ടും പാടിപ്പിച്ചതൊക്കെ എത്ര സിമ്പിൾ.കൂടുതൽ പറഞ്ഞ് അലമ്പാക്കുന്നതിനു പകരം പാട്ടു കേൾക്കുക.അഭിപ്രാ‍യമറിയിക്കുക.

Song : Oru vaakku mindi nee
Music : Bahuvreehi
Lyrics : Ramya
Singer : Kiran
Production : Abhilash PK
Graphics : Sajjive Balakrishnan

ഗാനം കേൾക്കാൻ കഴിയാത്തവർക്ക് ഇവിടെ നിന്നും ഡൗൺലോഡാം

ഇതൊരു പെങ്കൊച്ച് കിളിനാദത്തിൽ പാടേണ്ട വരികളായിരുന്നിട്ടും എന്നേക്കൊണ്ട് ഒരു വേർഷൻ പാടിച്ച അഭിലാഷത്തിനും ബഹുവിനും നന്ദിയോട് നന്ദി.ബ്ലോഗിൽ ആദ്യമായി ഒരു മെയിൽ ഫീമെയിൽ വേർഷൻ പാട്ടു വരുന്നതും ആദ്യമാവും.കിളിനാദം ബഹുവിന്റെ അനിയത്തി ആണു പാടിയിരിക്കുന്നത്.ബഹുവിന്റെ ബ്ലോഗിൽ - female version ആ വേർഷൻ കാണാം..!

ഒരുവാക്കുമിണ്ടി നീ മറുവാക്ക് കേള്‍ക്കാതെ
എത്രയോ കാതം നടന്നതെന്തേ..?
പിറകെ നടന്നൊരെന്‍ കാലുകള്‍ തളരുമ്പോള്‍
ഒരു നോക്കു പോലും മറന്നതെന്തേ...?

(ഒരുവാക്കുമിണ്ടി നീ ...)

ആയിരം പൂവുകള്‍ വാസന്തം തീര്‍ക്കുമ്പോള്‍
ഒരുകാട്ടുപൂവിനെ മറന്നതെന്തേ..
യാദവമുരളിക നിന്നില്‍ പാടുമ്പോള്‍
യദുകുലരാധയെ മറന്നതെന്തേ...
എരിയുന്നതീയില്‍ ഉരുകുന്നുവെങ്കിലും
ഒരു ഭൂമികന്യയെ മറന്നതെന്തേ..

(ഒരുവാക്കുമിണ്ടി നീ ...)

ശിലയായ് കാലം കനക്കുന്ന വേളയില്‍
ഒരു സ്പര്‍ശ്ശനം നീ മറന്നതെന്തേ...
നിന്നങ്കുലീയങ്ങളണിയാതൊരെന്നിലെ
പ്രേയസിയേയും മറന്നതെന്തേ...
എങ്കിലും എന്തിനോ എന്നുമെന്‍ നിനവുകള്‍
നിന്നെപ്പിരിയാന്‍ മറന്നതെന്തേ?

ഒരു വാക്കുമിണ്ടി നീ മറുവാക്കുകേള്‍ക്കാതെ
എത്രയോ കാതം നടന്നതെന്തേ..?

ഒ ഹൻസിനി മേരി ഹൻസിനി - പോഡ്കാസ്റ്റ്

2008-11-20T04:02:00.000-08:00

ഒരു ഹിന്ദിപ്പാട്ട്..കിഷോർ കുമാർ പാടി ഹിറ്റാക്കിയ,അതിന്റെ റീമേക്കിലൂടെ ഹരിഹരൻ പാടി സൂപ്പർ ഹിറ്റാക്കിയ ഒരു ഗാനം അതിന്റെ എല്ലാവിധ മലയാളിത്തരങ്ങളോടും കൂടി..!!

O hansini meri hansini-Podcast

Download from here

Lyrics

O Hansini Meri Hansini, Kahan Ud Chali
Mere Armaanon Ke Pankh Lagaake Kahan Ud Chali) - 2

Aaja Meri Saanson Mein Mahek Raha Re Tera Gajra
Aaja Meri Raaton Mein Lahek Raha Re Tera Kajra
Ho, Aaja Meri Saanson Mein Mahek Raha Re Tera Gajra
Ho, Aaja Meri Raaton Mein Lahek Raha Re Tera Kajra

O Hansini Meri Hansini, Kahan Ud Chali
Mere Armaanon Ke Pankh Lagaake Kahan Ud Chali

Der Se Laheron Mein Kamal Sambhaale Hue Mann Ka
Jeevan Taal Mein Bhatak Raha Re Tera Hansa
Ho, Der Se Laheron Mein Kamal Sambhaale Hue Mann Ka
Ho, Jeevan Taal Mein Bhatak Raha Re Tera Hansa

(O Hansini Meri Hansini, Kahan Ud Chali
Mere Armaanon Ke Pankh Lagaake Kahan Ud Chali) - 2

Lyrics Courtesy :- Hindilyrix.com

കാക്കക്കുയിലേ -യുഗ്മഗാനം-പോഡ്കാസ്റ്റ്

2008-11-03T04:13:00.000-08:00

പ്രശസ്ത കര്‍ണ്ണാടക സംഗീതഞ്ജനും സംഗീത സംവിധായകനുമായ ദക്ഷിണാമൂര്‍ത്തി സ്വാമികളെ പ്രത്യേകം പരിചയപ്പെടുത്തേണ്ട കാര്യം ഇല്ല.ഇന്നും ജീവിച്ചിരിക്കുന്ന ഒരു ഇതിഹാസമാണു സ്വാമി എന്ന ഓമനപ്പേരില്‍ അറിയപ്പെടുന്ന വെങ്കടേശ്വര ദക്ഷിണാമൂര്‍ത്തി.1919 ഡിസംബര്‍ 22 നു ഡി വെങ്കടേശ്വര അയ്യരുടെയും പാര്‍വതി അമ്മാളുടെയും മകനായി ആലപ്പുഴയില്‍ ജനിച്ച അദ്ദേഹത്തെ ത്യാഗരാജ സ്വാമികളുടെ കീര്‍ത്തനങ്ങള്‍ ചൊല്ലികേള്‍പ്പിച്ചാണു അമ്മ വളര്‍ത്തിയത്. എസ് എസ് എല്‍ സി ക്കു ശേഷം തിരുവനന്തപുരത്തെ വെങ്കടാചലം സ്വാമിയില്‍ നിന്നും കര്‍ണാടക സംഗീതം പഠിച്ചു. 1950ൽ പുറത്തിറങ്ങിയ നല്ലതങ്ക എന്ന ചലച്ചിത്രത്തിനു സംഗീതം നൽകിക്കൊണ്ടാണു സ്വാമികൾ സിനിമാസംഗീത രംഗത്തേക്ക് കടന്നു വരുന്നത് .ഗാ‍നഗന്ധർവ്വൻ യേശുദാസിന്റെ പിതാവ് അഗസ്റ്റിന്‍ ജോസഫ് ആയിരുന്നു ആ ചലച്ചിത്രത്തിലെ നായകൻ.ഭൂരിഭാഗം പാട്ടുകളും യേശുദാസിനു വേണ്ടി സംഗീതം ചെയ്ത സ്വാമി, ഇടനാഴിയിൽ ഒരു കാലൊച്ച എന്ന സിനിമക്കു വേണ്ടി യേശുദാസിന്റെ മകന്‍ വിജയ് യേശുദാസിനു വേണ്ടിയും സംഗീത സംവിധാനം നിര്‍വഹിച്ച് മൂന്നു തലമുറക്കുവേണ്ടി സംഗീതം നൽകുകയെന്ന അത്യുപൂർവ്വ സംഗീത പാരമ്പര്യത്തിനും ഉടമയായി.

വയലാര്‍ - ദേവരാജന്‍,പി ഭാസ്കരന്‍- ബാബുരാജ് ടീമിനെ പോലെ ശ്രീകുമാരന്‍ തമ്പി- ദക്ഷിണാ മൂര്‍ത്തി കൂട്ടുകെട്ട് ഒരു വൻ വിജയം ആയിരുന്നു എന്ന് അവരുടെ പാട്ടുകള്‍ കേട്ടാല്‍ മനസ്സിലാകും. മലയാളം,തമിഴ്,ഹിന്ദി ചലച്ചിത്ര ഗാനങ്ങള്‍ക്ക് അദ്ദേഹം സംഗീതം നല്‍കുകയുണ്ടായി.ഉദ്ദേശം 125 ഓളം സിനിമകളിലായി 859 പാട്ടുകള്‍ക്ക് സംഗീതം നല്‍കി.ഇപ്പോള്‍ അദ്ദേഹം കര്‍ണാടക സംഗീതത്തില്‍ ശ്രദ്ധ പതിപ്പിക്കുന്നു.

നവലോകം,സീത,വിശപ്പിന്റെ വില,ശ്രീ ഗുരുവായൂരപ്പന്‍,കടമറ്റത്തച്ചന്‍,ഇന്ദുലേഖ തുടങ്ങിയ സിനിമകള്‍ അദ്ദേഹം സംഗീതം കൊടുത്തവയില്‍ ചിലതു മാത്രമാണ്.അനേകം ഹിറ്റ് ഗാനങ്ങൾ ചിട്ടപ്പെടുത്തിയ അദ്ദേഹത്തിന്റെ മികച്ച ഗാനങ്ങൾ തിരഞ്ഞെടുക്ക ശ്രമകരമെങ്കിലും അവയിൽ‍ പ്രധാനപ്പെട്ടവ കാവ്യ മേളയിലെ സ്വപ്നങ്ങള്‍ സ്വപ്നങ്ങളേ നിങ്ങള്‍,സീതയിലെ പാട്ടുപാടിയുറക്കാം ഞാന്‍,ഡെയ്ഞ്ജര്‍ ബിസ്കറ്റിലെ ഉത്തരാ സ്വയം വരം,വിലക്കു വാങ്ങിയ വീണയിലെ കാട്ടിലെ പാഴ്മുലം തണ്ടില്‍ നിന്നും,ഇടനാഴിയില്‍ ഒരു കാലൊച്ച എന്ന സിനിമയിലെ വാതില്‍ പഴുതിലൂടെന്‍ മുന്നില്‍ തുടങ്ങിയവ ആണ്.പി ലീല,പി സുശീല,കല്യാണി മേനോന്‍,ഇളയരാജ എന്നിവരുടെ ഗുരുവായും അറിയപ്പെടുന്ന സംഗീതജ്ഞനാണ് സ്വാമികൾ.1971ൽ മികച്ച സംഗീത സംവിധായകനുള്ള കേരള സംസ്ഥാന സിനിമാ അവാര്‍ഡ് അദ്ദേഹത്തിനു ലഭിക്കുകയുണ്ടായി.

ദക്ഷിണാമൂർത്തി സ്വാമികളുടേതായി ഇപ്പോൾ MSL ൽ ലിസ്റ്റ് ചെയ്തിട്ടുള്ള ഗാനങ്ങൾ ഇവിടെയും, ഇവിടെയും കാണാം..!

1964 ൽ പുറത്തിറങ്ങിയ ഭർത്താവ് എന്ന ചിത്രത്തിനു വേണ്ടി പി.ഭാസ്ക്കരന്റെ വരികൾക്ക് സ്വാമി സംഗീതസംവിധാനം നിർവ്വഹിച്ച് യേശുദാസും ,LR ഈശ്വരിയും ചേർന്ന് പാടിയ ഗാനമാണിത്തവണ അവതരിപ്പിക്കുന്നത്.കഥാകഥനം എന്ന പുതുപുത്തൻ ബ്ലോഗിലൂടെ മലയാള ബൂലോഗത്തേക്ക് കാൽ‌വയ്ക്കുന്ന ദേവിപിള്ള എന്ന ഗായികക്കും, ദക്ഷിണാമൂ‍ർത്തി സ്വാമിയേപ്പറ്റി ലേഖനം തയ്യാറാക്കിത്തന്നതിനു ബൂലോകത്തിന്റെ കാന്താരിക്കുട്ടിക്കും നന്ദിയുടെ പൂച്ചെണ്ടുകൾ അർപ്പിക്കുന്നു..!

Kaakkakkuyile cholloo - Bharthavu (1964)
ഞങ്ങളുടെ ഗാനം.

ഗാനം കേൾക്കാൻ കഴിയാത്തവർക്ക് ഇവിടെ നിന്നും ഡൗൺലോഡാം.

കാക്കക്കുയിലേ ചൊല്ലൂ..കൈനോക്കാനറിയാമോ
പൂത്തു നിൽക്കുമാശകളെന്ന് കായ്ക്കുമെന്ന് പറയാമോ (2)

കാറ്റേ കാറ്റേ കുളിർ കാറ്റേ കണിയാൻ ജോലി അറിയാമോ
കണ്ട കാര്യം പറയാമോ കാട്ടിലഞ്ഞിപ്പൂക്കളാലേ
കവടി വയ്ക്കാനറിയാമോ...( കാക്കക്കുയിലേ )

കുരുവീ..നീലക്കുരുവീ..കുറികൊടുക്കാൻ നീ വരുമോ
കുരവയിടാൻ നീ വരുമോ..കുഴലു വിളിക്കാൻ മേളം കൊട്ടാൻ
കൂട്ടരൊത്ത് നീ വരുമോ.. ( കാക്കക്കുയിലേ )

തുമ്പീ തുള്ളും തുമ്പീ..തംബുരു മീട്ടാൻ നീ വരുമോ
പന്തലിൽ ഇരുന്ന് പാടാമോ,കൈത പൂത്ത പൂമണത്താൽ
കളഭമരക്കാൻ നീ വരുമോ.. ( കാക്കക്കുയിലേ )

ചിത്രത്തിനു കടപ്പാട് : വിക്കിപ്പീഡിയ

ബലികുടീരങ്ങളേ -നാടകഗാനം-പോഡ്കാസ്റ്റ്

2008-11-01T10:20:00.000-07:00

പാർട്ടിയിലെ കണ്ണൻ മുതലാളിമാരല്ലാത്ത എല്ലാ സഖാക്കന്മാർക്കു വേണ്ടിയും..!

ഡൗൺലോഡ് ഇവിടെ നിന്ന്..!

മഹാനായ കെ എസ് ജോർജ്ജ് എന്ന ഗായകന്റെ ശബ്ദ മാധുര്യം ഒരു കാലഘട്ടത്തിന്റെ സംഗീതത്തിനെ പ്രതിനിധീകരിച്ചിരുന്നു.ഈ ഗാനത്തിന്റെ ഒറിജിനൽ വേർഷൻ കേട്ടപ്പോൾ തന്നെ ആ ഗായകന്റെ ആലാപന ശൈലിയെ അനുകരിച്ചു പാടുക എന്ന മോഹം ഉപേക്ഷിച്ചു.സ്ഥിരം പാടുന്ന ഗാനങ്ങളിൽ നിന്നുള്ള ഒരു വ്യത്യസ്തത എന്ന ആഗ്രഹം എന്നതു മാത്രമാണീ പാട്ടിന് ആധാരം.

ബലികുടീരങ്ങളേ..ബലികുടീരങ്ങളേ..
സ്മരണകളിരമ്പും രണസ്മാരകങ്ങളേ..
ഇവിടെ ജന കോടികൾ ചാർത്തുന്നു നിങ്ങളിൽ
സമര പുളകങ്ങൾ തൻ സിന്ദൂര മാലകൾ

ഹിമഗിരി മുടികൾ കൊടികളുയർത്തീ കടലുകൾ പടഹമുയർത്തീ (2)
യുഗങ്ങൾ നീന്തി നടക്കും ഗംഗയിൽ വിരിഞ്ഞു താമര മുകൂളങ്ങൾ (2)
ഭൂപടങ്ങളിൽ ഒരിന്ത്യ നിവർന്നൂ ജീവിതങ്ങൾ തുടലൂരിയെറിഞ്ഞൂ (2)
ചുണ്ടിൽ ഗാഥകൾ കരങ്ങളിലീപ്പൂ ചെണ്ടുകൾ പുതിയ പൗരനുണർന്നൂ (2)

തുടിപ്പൂ നിങ്ങളിൽ നൂറ്റാണ്ടുകളുടെ ചരിത്രമെഴുതിയ ഹൃദയങ്ങൾ (2)
കൊളുത്തി നിങ്ങൾ തലമുറ തോറും കെടാത്ത കൈത്തിരി നാളങ്ങൾ (2)
നിങ്ങൾ നിന്ന സമരാംഗണഭൂവിൽ നിന്നണിഞ്ഞ കവചങ്ങളുമായി (2)
വന്നു ഞങ്ങൾ മലനാട്ടിലെ മണ്ണിൽ നിന്നിതാ പുതിയ ചെങ്കൊടി നേടി (2)

ഇന്ദ്രവല്ലരി പൂചൂടിവരും - പോഡ്കാസ്റ്റ്

2008-09-30T01:22:00.000-07:00

വയലാർ ദേവരാജൻ ടീമിന്റെ ഒരു മനോഹരഗാനം..അതിഭാവുകത്വം ഇല്ലാതെ ശാരദയും നസീറും അഭിനയിച്ച മനോഹരഗാനം കേട്ടാലും,കണ്ടാലും മതി വരില്ല.

എന്റെ ശ്രമം താഴെയുള്ള പ്ലെയർ വഴി കേൾക്കാം |(Listen from the following player )
പതിവ് പോലെ സംഗതികൾ ഒന്നു രണ്ടെണ്ണം താഴെപ്പോയിട്ടുണ്ട്,റിക്കോർഡ് ചെയ്യുന്നത് വരേയും അത് കിട്ടിയതുമില്ല :)

Song Name : Indravallari Poochoodivarum

പ്ലേയർ വഴി കേൾക്കാൻ സാധിക്കാത്തവർക്ക് ഇവിടെ നിന്ന് ഡൗൺലോഡാം,സംഗതികൾ തപ്പി അർമ്മാദിക്കാം.

ഇന്ദ്രവല്ലരി പൂചൂടി വരും സുന്ദര ഹേമന്ത രാത്രി
എന്നെ നിൻ മാറിലെ വനമാലയിലെ
മന്ദാര മലരാക്കൂ ഇവിടം വൃന്ദാവനമാക്കൂ

ഒഴുകുമീ വെണ്ണിലാ പാലരുവി,ഒരു നിമിഷം കൊണ്ടു നീ യമുനയാക്കൂ
പ്രേമോദയങ്ങളിൽ മെയ്യൊടു ചേർക്കുമൊരു ഗാന ഗന്ധർവ്വനാക്കൂ
എന്നെ നിൻ ഗാനഗന്ധർവ്വനാക്കൂ..

ഉണരുമീ സർപ്പലതാ സദനം,ഒരു നിമിഷം കൊണ്ടൊരു മധുരയാക്കൂ
മാരോത്സവങ്ങളിൽ ചുണ്ടോടടുക്കുമൊരു മായാ മുരളിയാക്കൂ
എന്നെ നിൻ മായാ മുരളിയാക്കൂ..

ഒരു താരാട്ട്പാട്ട് കൂടി - പോഡ്കാസ്റ്റ്

2008-09-19T13:26:00.000-07:00

പൊന്നുച്ചാമി എന്ന ചിത്രത്തിനു വേണ്ടി ചിത്രയും/എംജി ശ്രീകുമാറും ആലപിച്ച മനോഹരമായ ഒരു താരാട്ട് പാട്ട് പാടാനുള്ള ശ്രമം.ഈ ഗാനം ഒരു വർഷത്തിനു മുമ്പേ ആവശ്യപ്പെട്ട മിന്നാമ്മിനുങ്ങിനിരിക്കട്ടെ..!

Musicസംഗീതം :Mohan Sitharaമോഹൻ സിതാര (താരാട്ട് പാട്ട് കോണ്ട്രാക്റ്റർ ഓഫ് ദ മലയാളം സിനിമ)
Lyricsരചന : O N V Kurup ഒ എൻ വി കുറുപ്പ്

എന്റെ ശ്രമം താഴെയുള്ള പ്ലെയർ വഴി കേൾക്കാം(Listen from the following player )

Song name : kunjuRangum kooTTinuLLil

പ്ലേയർ വഴി കേൾക്കാൻ സാധിക്കാത്തവർക്ക് ഇവിടെ നിന്ന് ചുമന്ന് താഴെയിറക്കി സൗകര്യപൂർവ്വം ചാരുകസേരയിലോ പത്തായപ്പുറത്തോ ഒക്കെ കേറിയിരുന്ന് കേട്ട് സംഗതി അനലൈസ് ചെയ്യാം.

കുഞ്ഞുറങ്ങും കൂട്ടിനുള്ളീൽ കൂട്ടിനു മിന്നാമിന്നീ വാ..
മഞ്ഞുവീഴും കാട്ടിനുള്ളിൽ ഇത്തിരിച്ചൂട്ടും കൊണ്ടേ വാ.
കുന്നിറങ്ങി കൂടെവരും കുളിർ വെണ്ണിലാവേ
കുന്നിമണിച്ചെപ്പിൽ നീ കളഭം തായോ..

ഇത്തിരിപ്പൂവേ വാ..പൊട്ടുകുത്താൻ വാ.വാ..
ഇളനീർ കുളിരു കൊഞ്ചലായ് വാ..(2)
കൺ നിറയെ പൂമൂടും ഉണ്ണിപ്പൂങ്കിനാവോ.. (2)
ചുണ്ടിലിന്നീ പുഞ്ചിരിപ്പൂവായ്..ഓ..ഓ..

പച്ചിലപ്പട്ടിലൊരു കൊച്ചു വാൽക്കണ്ണാടി
അതിൽ നീ വരുമോ അമ്പിളിമാമാ..(2)
കന്നിമണ്ണു കാഴ്ച്ച വയ്ക്കും കൊന്നമലർക്കണിയോ..(2)
എൻ മനസിൽ പെയ്ത നിലാവോ..ഓ..ഓ..

കോപ്പിക്കാറ്റ് പാട്ടുകൾ..!!

2008-09-06T05:07:00.000-07:00

അല്ലെങ്കിലും സംഗീതജ്ഞന്മാരേ കളിയാക്കുന്നത് ഈയിടെ ഒരു ഫാഷനായി മാറിയിരിക്കുകയാ..!

എ ആർ റഹ്മാന്റെയും ഇളയരാജയുടേയും സിനിമകളൊക്കെ റിലീസ് ചെയ്യുന്നതിനും മുൻപേ മ്യൂസിക് കാസറ്റുകൾ വിറ്റുവരവ് /ലേലത്തിന്റെ വാർത്തകൾക്ക് കാതോർക്കുന്നവർ ഈ വെബ്ബ് കൂടി ഒന്നു ശ്രദ്ധിക്കുക.ബംഗളൂരുള്ള കാർത്തിക് എന്ന ചെറുപ്പക്കാരനാണ് ഈ സംരംഭത്തിനിറങ്ങിത്തിരിച്ചിരിക്കുന്നത്.പല പാട്ടുകളും കേൾക്കുമ്പോൾ,ആശ്ശോഡാ ഇതെവിടെയോ കേട്ടു മറന്നയീണമാണല്ലോ എന്നു കരുതുന്നവർക്ക് തെറ്റിയിട്ടില്ല.ഒരു പിടി ഇന്ത്യൻ സംഗീത സംവിധായകരെ നിരത്തി നിർത്തി,അവരുടെ സൂപ്പർ ഹിറ്റുകളായ പല ഗാനങ്ങളെയും കീറിമുറിച്ച് അതിന്റെ ശരിക്കുമുള്ള പൈതൃകം തേടുന്ന കാഴ്ച്ച. കരൺ ഥാപ്പറിന്റെ അളന്നു മുറിച്ചുള്ള ചോദ്യങ്ങൾക്ക് ബബ്ബബ്ബ അടിക്കുന്ന ഹോളിവുഡ്ഡിന്റെ പുതിയ സെൻസേഷൻ പ്രീതം ചക്രവർത്തിയേയും ,അനുമാലിക്കിനെയുമൊക്കെ ജോയുടെ ഈ പോസ്റ്റിലെ വീഡിയോ വഴി കാണാം.അനുമലിക്കിന്റെ പല ഗാനങ്ങളും പൊളിച്ചടുക്കുന്ന വീഡിയോ ഇവിടെ..

മലയാള സംഗീത ശാഖയിലും ഈ പ്രവണത ഉണ്ടെന്നുള്ളതിനു അനേകം തെളിവുകൾ ഇവിടെത്തന്നെ നിരത്തുവാൻ കഴിയും. കാർത്തിക്കിന്റെ ആരോഗ്യസ്ഥിതി 2010ൽ എങ്ങനെയിരിക്കുമെന്ന് നോക്കട്ടെ :)

ബ്ലോഗിലെ കോപ്പിറൈറ്റ് പിടിത്തക്കാർക്ക് സമ്മാനമാകട്ടെ ഈ വാർത്താ ശകലം :)

ഇളം മഞ്ഞിന്‍ കുളിരുമായൊരു കുയില്‍-പോഡ്കാസ്റ്റ്

2008-07-12T04:43:00.000-07:00

Song|ഗാനം :Ilam Manjin Kulirumayoru kuyil|ഇളം മഞ്ഞിന്‍ കുളിരുമായൊരു കുയില്‍
Film|ചിത്രം :Ninnishtam Ennishtam|നിന്നിഷ്ടം എന്നിഷ്ടം
Lyrics|രചന :Mankompu|മങ്കൊമ്പ്
Singer|ഗായകന്‍ :Yesudas.S Janaki|യേശുദാസ്
Music|സംഗീതം :Kannur Rajan|കണ്ണൂര്‍ രാജന്‍

Audio player : My attempt..!

അറിയിപ്പ് :- ഇവിടെയുള്ള പാട്ടുകള്‍ ദയവായി ഇയര്‍ഫോണ്‍ അല്ലെങ്കില്‍ ഹെഡ്‌ഫോണ്‍ ഉപയോഗിച്ച് കേള്‍ക്കുവാന്‍ ശ്രമിക്കുക,സ്പീക്കറില്‍ കേള്‍ക്കുവാനുള്ള സ്റ്റുഡിയോ ക്വാളിറ്റിയില്‍ ‍ തയ്യാറാക്കിയിട്ടുള്ള പാട്ടുകളല്ല ഇത്.

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song

ഇളം മഞ്ഞിന്‍ കുളിരുമായൊരു കുയില്‍
ഇടം നെഞ്ചില്‍ കൂടുകൂട്ടുന്ന സുഖം
ഹൃദയമുരളിയില്‍ പുളകമേള തന്‍ രാഗം ഭാവം താളം
രാഗം ഭാവം താളം (ഇളം മഞ്ഞിന്‍ )

ചിറകിടുന്ന കിനാക്കളില്‍ ഇതള്‍ വിരിഞ്ഞ സുമങ്ങളില്‍ (2)
നിറമണിഞ്ഞ മനോജ്ഞമാം കവിത നെയ്ത വികാരമായ്
നീയെന്റെ ജീവനില്‍ ഉണരൂ ദേവീ (ഇളം മഞ്ഞിന്‍ )

ചമയമാര്‍ന്ന മനസ്സിലേ ചാരുശ്രീകോവില്‍ നടകളില്‍ (2)
തൊഴുതുണര്‍ന്ന പ്രഭാതമായ് ഒഴുകിവന്ന മനോഹരി
നീയെന്റെ പ്രാണനില്‍ നിറയൂ ദേവീ (ഇളം മഞ്ഞിന്‍ )

മലയാളം പാട്ടുകളുടെ വരികള്‍ ശേഖരിക്കുവാനുള്ള‍ ഒരു ശ്രമം ഇവിടെ നടന്നു കൊണ്ടിരിക്കുന്നു.സഹകരിക്കുവാന്‍ താല്പര്യപ്പെടുന്നവര്‍ ദയവായി അറിയിക്കുമല്ലോ..!

ഇന്ദുലേഖ കണ്‍‌തുറന്നു - പോഡ്കാസ്റ്റ്

2008-06-27T23:54:00.000-07:00

ചതിയന്‍ ചന്തുവിനെ വീരപുരുഷനാക്കിയ എംടിയുടെ കഥയും തിരക്കഥയും,ആദ്യമായി ഭരത് അവാര്‍ഡിനു മമ്മൂട്ടിയെ അര്‍ഹനാക്കിയ “ചന്തുച്ചേകവര്‍” എന്ന കഥാപാത്രം.മാധവിയുടെ ഉണ്ണിയാര്‍ച്ച,സുരേഷ് ഗോപിയുടെ ആരോമല്‍,ക്യാപ്റ്റന്‍ രാജുവിന്റെ അരിങ്ങോടര്‍,ഈ കഥാപാത്രങ്ങളൊക്കെയും എല്ലാ ചലച്ചിത്ര പ്രേമികളുടെയും മനസില്‍ പ്രതിഷ്ഠിക്കാന്‍‍ പാകമായ ഹരിഹരന്റെ സംവിധാനവും. കൈതപ്രത്തിന്റെ വരികള്‍ക്ക് ബോംബെ രവി ഈണം പകര്‍ന്ന്‍ യേശുദാസ് ആലപിച്ച “ഇന്ദുലേഖ കണ്‍തുറന്നു“ എന്ന ഈ ഗാനം പാടുവാന്‍ ശ്രമിക്കുന്നു.

Song|ഗാനം :Indulekha kanthurannu|ഇന്ദുലേഖ കണ്‍തുറന്നു
Film|ചിത്രം :Oru vadakkan veeraghaadha|ഒരു വടക്കന്‍ വീരഗാഥ
Lyrics|രചന :Kaithapram|കൈതപ്രം
Singer|ഗായകന്‍ :Yesudas|യേശുദാസ്
Music|സംഗീതം :Bombay Ravi|ബോംബെ രവി

Audio player : My attempt..!

അറിയിപ്പ് :- ഇവിടെയുള്ള പാട്ടുകള്‍ ദയവായി ഇയര്‍ഫോണ്‍ അല്ലെങ്കില്‍ ഹെഡ്‌ഫോണ്‍ ഉപയോഗിച്ച് കേള്‍ക്കുവാന്‍ ശ്രമിക്കുക,സ്പീക്കറില്‍ കേള്‍ക്കുവാന്‍ ട്യൂണ്‍ ചെയ്തെടുത്തിട്ടുള്ള പാട്ടുകളല്ല ഇത്.

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് If you are unable to play
ഇവിടെ നിന്നും ഡൗണ്‍ലോഡാം|Download this song

ഇന്ദുലേഖ കണ്‍‌തുറന്നു..ഇന്നുരാവും സാന്ദ്രമായി (2)
ഇന്ദ്രജാലം മെല്ലെയുണര്‍ത്തീ..മന്മഥന്റെ തേരിലേറ്റി (2)
എവിടെ സ്വര്‍ഗ്ഗ കന്യകള്‍..എവിടെ സ്വര്‍ണ്ണ ചാമരങ്ങള്‍ (2)
ആയിരം ജ്വാലാ മുഖങ്ങളാല്‍ ധ്യാനമുണരും തുടി മുഴങ്ങി (ഇന്ദുലേഖ)
ആരുടെ മായാമോഹമായ് ആരുടെ രാഗഭാവമായ് (2)
ആയിരം വര്‍ണ്ണ രാജികളില്‍ ആതിര രജനി അണിഞ്ഞൊരുങ്ങി (ഇന്ദുലേഖ)

മലയാളം പാട്ടുകളുടെ വരികള്‍ ശേഖരിക്കുവാനുള്ള‍ ഒരു ശ്രമം ഇവിടെ നടന്നു കൊണ്ടിരിക്കുന്നു.സഹകരിക്കുവാന്‍ താല്പര്യപ്പെടുന്നവര്‍ ദയവായി അറിയിക്കുമല്ലോ..!
Picutre Courtesy: www.hinduonnet.com

സ്വാമിതൊമ്മിച്ചാനന്ദര്‍മ്മാദിതിരുവടികള്‍ - മൂന്നാം കാലം..!!

2008-06-21T13:36:00.000-07:00

സ്വാമിതൊമ്മിച്ചാനന്ദര്‍‍മ്മാദിതിരുവടികള്‍..!!

അര്‍മ്മാദന്‍ മൂന്നാം വര്‍ഷത്തിലേക്ക്..!

അലമ്പന്‍ രണ്ടാം വര്‍ഷത്തില്‍..!

പാവഞ്ചെക്കന്‍-ഒന്നാം വര്‍ഷം കുറച്ചുനാള്‍ നാട്ടില്‍ വല്യമ്മച്ചിയുടെ കൂടെ നിന്നു,അതിന്റെ ഗുണം താഴെ ഒരു ഭക്തിഗാനരൂപത്തില്‍.അവധിക്കുശേഷം ആദ്യം തോളില്‍ക്കേറിയപ്പോഴേ പാടിക്കേള്‍പ്പിച്ചതീ പാട്ടാ,ഭയങ്കരന്‍ സന്തോഷം‍ തോന്നിയ ഒരു നിമിഷമായിരുന്നു അത്.സമാനമനസ്ക്കര്‍ക്കിരിക്കട്ടെ അത്.

പ്രാര്‍ത്ഥന കേള്‍ക്കണമെ,കര്‍ത്താവെ എന്‍ യാചന നല്‍കണമെ
കര്‍ത്താവെ എന്‍ യാചന നല്‍കണമെ.
പുത്രന്റെ നാമത്തില്‍ ചോദിക്കും കാര്യങ്ങള്‍ക്കുത്തരം തന്നരുളാമെന്നുള്ളോരു
വാഗ്ദത്തം പോല്‍ ദയവായ്....അത്തറേയുള്ളു.

ചില കോപ്പിറൈറ്റ് സംശയങ്ങള്‍‌..!!

2008-06-13T00:25:00.000-07:00

കോപ്പിറൈറ്റിനേപ്പറ്റി ഒരിക്കല്‍ കൂടി പഠനങ്ങളും ചര്‍ച്ചകളും ഒക്കെ ‍ ഉയര്‍ന്നുവന്നിരിക്കുന്ന സാഹചര്യത്തില്‍ ഒന്നു രണ്ട് സംശയങ്ങള്‍ മുന്നോട്ട് വയ്ക്കട്ടെ.വളരെയധികം ആള്‍ക്കാര്‍ കോപ്പിറൈറ്റിന്റെ അവകാശങ്ങളെപ്പറ്റി അനുകൂലിച്ച് പഠനം നടത്തിയിട്ടുണ്ടെന്നാണു പോയവാരം തെളിയിക്കുന്നത് .അത്തരത്തില്‍ ആരെങ്കിലും ഈ സംശയങ്ങള്‍ക്ക് മറുപടി തരുവാന്‍ കഴിഞ്ഞുവെങ്കില്‍ എന്ന് ആശിക്കുന്നു.

1.ഇന്റര്‍നെറ്റില്‍ ഒറി‍ജിനല്‍ പാട്ടുകള്‍ പങ്കുവയ്ക്കുന്നതിനും പ്രചരിപ്പിക്കുന്നതിനും നമുക്ക് അനുമതിയുണ്ടോ ? സിനിമനിരൂപണത്തിന്റെ കൂടെ അതിന്റെ ഒറിജിനല്‍ കോപ്പി ഡൌണ്‍ലോഡ് ചെയ്യാനുള്ള പൈറേറ്റഡ് സൈറ്റുകളിലേക്ക് ലിങ്ക് നല്‍കുന്നതിനു പ്രശ്നങ്ങള്‍ ഉണ്ടോ ? ഇന്ത്യന്‍ കോപ്പിറൈറ്റ് നിയമങ്ങള്‍ക്ക് ഈ വിഷയങ്ങളില്‍ എത്രത്തോളം നിയമ പരിരക്ഷ ഉറപ്പുവരുത്തുവാന്‍ കഴിയുന്നുണ്ട് ?

2. www.raaga.com; www.musicindiaonline.com എന്ന തരത്തിലുള്ള വെബ് സൈറ്റുകള്‍ ഒക്കെ IPRS എന്ന ലൈസന്‍സ് നേടിയതു കൊണ്ടു മാത്രം അവര്‍ക്ക് പാട്ടുകള്‍ ബ്രോഡ്കാസ്റ്റ് ചെയ്യാമോ ?.അതില്‍ നിന്നും സാമ്പത്തിക ലാഭം നേടുന്നതില്‍ അവര്‍ക്ക് എന്തെങ്കിലും കോപ്പിറൈറ്റിന്റെ പ്രശ്നങ്ങള്‍ തടസ്സമാവുമോ ?,IPRS ലൈസന്‍സില്ലാതെ ഒറിജിന്‍ല്‍പാട്ടുകള്‍ ബ്രോഡ്കാസ്റ്റോ/പോഡ്കാസ്റ്റോ ചെയ്യാമോ ? അതേതരത്തിലുള്ള ലൈസന്‍സ് നേടാതെ ഒറിജിനല്‍ പാട്ടുകള്‍ പോഡ്കാസ്റ്റ് ചെയ്യാമോ ?

3.പാട്ടുകളുടെ വരികള്‍ പങ്കുവയ്ക്കുന്നത് ഒരു കോപ്പിറൈറ്റ് പ്രശ്നമാണോ ?,ആ‍ണെങ്കില്‍ ഇങ്ങനെയുള്ള സൈറ്റുകള്‍ക്കുള്ള ലീഗല്‍ എക്സിസ്റ്റന്‍സ് എന്താണ് ? കോപ്പിറൈറ്റ് ബാധകമല്ലെങ്കില്‍ അത് കുത്തിയിരുന്നു ടൈപ്പ് ചെയ്തത് ആര്‍ക്കെങ്കിലുമൊക്കെ അടിച്ചു മാറ്റി അതില്‍ നിന്നും സാമ്പത്തിക ലാഭം നേടുന്നതിനു എന്തെങ്കിലും പരാതികള്‍ ഉന്നയിക്കാമോ ?

4.ഒരു ഇന്റലക്‍ച്യൂവല്‍ വര്‍ക്കിനു സഹായകരമാവുന്ന ടൂള്‍സ് പൈറേറ്റഡ് ആണെങ്കില്‍ ആ വര്‍ക്കിനു കോപ്പിറൈറ്റ് ബാധകമാണോ ? അതോ അത് മൌലികത എന്നതില്‍ മാത്രമടങ്ങേണ്ട ചോദ്യമോ ?

ഉദാ :
#.സ്വന്തം ക്യാമറയില്‍ സ്വന്തമായി എടുത്ത ചിത്രം,കമ്പ്യൂട്ടര്‍ വാങ്ങിയപ്പോള്‍ പരിചയത്തിന്റെ പുറത്ത് പയ്യന്‍സ് ഇന്‍സ്റ്റാള്‍ ചെയ്തു തന്ന പൈറേറ്റഡ് ഫോട്ടോഷോപ്പ് വച്ച് മിനുക്കിയെടുത്ത് പ്രദര്‍ശിപ്പിക്കുന്നത്.

#.ഒരു ലേഖനം എഡിറ്റ് ചെയ്യുവാനായി ഉപയോഗിച്ച പൈറേറ്റഡ് ആയ എം എസ് ഓഫീസിന്റെ കോപ്പി.അല്ലെങ്കില്‍ പൈറേറ്റഡ് ആയ എക്സ് പി ഓപ്പറേറ്റിംഗ് സിസ്റ്റത്തിന്റെ Internet exploer.

#അല്ലെങ്കില്‍ ഒരു ലോഗോ ഉണ്ടാക്കാനായെടുത്ത പൈറേറ്റഡ് സോഫ്റ്റ്വെയര്‍.രാവും പകലുമധ്വാനിച്ച സോഫ്റ്റ്വെയര്‍ രൂപകല്‍പ്പന ചെയ്തവര്‍ക്കോ/കമ്പനിക്കോ കോപ്പിറൈറ്റിലുള്ള അവകാശം സംരക്ഷിക്കപ്പെടുന്നുണ്ടൊ ?

#മറ്റ് സൈറ്റുകളില്‍ നിന്നും കണ്ടന്റ് റഫര്‍ ചെയ്ത് ലിങ്കുകള്‍ കൊടുക്കുന്ന ലേഖനത്തിന്റെ കോപ്പിറൈറ്റ് പൂര്‍ണ്ണമായും ആ ലേഖന കര്‍ത്താവിനോ അതോ ജോയിന്റ് അവകാശമോ ?

5.ഒരു വര്‍ക്ക് (ഉദാ :ബ്ലോഗ് കൃതി) സാമ്പത്തിക ലാഭത്തിനോ മറ്റു ലാഭത്തിനോ വേണ്ടിയല്ലാതെ പകര്‍ത്തി മറ്റൊരിടത്ത് ക്രെഡിറ്റോടു കൂടിയോ അല്ലാതെയോ ഉപയോഗിക്കുന്നതിനു പ്രശ്നങ്ങളുണ്ടോ ?

6. മൂലകൃതിയില്‍ നിന്നും ചെറിയ മാറ്റങ്ങള്‍ വരുത്തിയതൊക്കെയും നമുക്ക് കോപ്പിറൈറ്റിന്റെ പരിരക്ഷയില്‍ വരുത്താമോ ?
ഉദാ :- മൂലകൃതിയില്‍ :- നാരങ്ങ ആദ്യം പിഴിഞ്ഞിട്ട് ഉപ്പ് ചേര്‍ത്തിളക്കുക
ചെറിയ മാറ്റം :- ഉപ്പ് ചേര്‍ത്തിളക്കിയിട്ട് നാരങ്ങാ പിഴിഞ്ഞൊഴിക്കുക.(ഏറ്റവും ലളിതമായ ഒരു ഉദാഹരണമെന്നു കണക്കാക്കുക).

7.അനുമതിയില്ലാതെ റെഫറന്‍സ് ലിങ്കുകള്‍ നല്‍കുന്നതിനു പ്രശ്നങ്ങ‍ളുണ്ടോ ? മുകളിലെ ലിങ്കുകള്‍ ഉദാഹരണം.

ഇത്തരത്തിലുള്ള സംശയങ്ങള്‍ അനവധിയുണ്ട്,തല്‍ക്കാലം ഓര്‍മ്മവരുന്നത് നിരത്തുന്നു.ഈ ചോദ്യങ്ങള്‍ക്കൊക്കെയും വ്യക്തമായ നിയമപ്രകാരമുള്ള ഉത്തരങ്ങള്‍ കണ്ടെത്തുകയാണെങ്കില്‍ തുടര്‍ന്നും ബ്ലോഗിലെ/ഇന്റര്‍നെറ്റ് കോപ്പിറൈറ്റിനു വേണ്ടി ശബ്ദമുയര്‍ത്തേണ്ടി വരുന്നതിനു സഹായമായേക്കാം.വ്യക്തമായ നിയമ സാധ്യതകള്‍ തേടിയുള്ള ഒരന്വേഷണം എന്ന നിലക്കാണീ സംശയങ്ങള്‍.

പ്രതികരണങ്ങള്‍-പഠനങ്ങള്‍-നിര്‍ദ്ദേശസൂചികകള്‍

1.കോപ്പിലെഫ്റ്റ് ആശയത്തെ പ്രോത്സാഹിപ്പിക്കുന്ന ഫ്രീസോഫ്റ്റ്വെയര്‍ മൂവ്മെന്റ് -ലിങ്ക് കടപ്പാട് - ശ്രീ.ജഗദീശ്
2.കോപ്പിറൈറ്റിനേപ്പറ്റിയുള്ള മൂന്ന് അധ്യായങ്ങളിലായുള്ള മികച്ച ഒരു പഠനം - ലിങ്ക് കടപ്പാട് :- വടവോസ്കി
3.ഇന്ത്യ ഗവണ്മെന്റിന്റെ കോപ്പിറൈറ്റ് വെബ്ബിന്റെ ലിങ്ക് : ലിങ്കിനു നന്ദി-ശ്രീ.അനിവര്‍
4.പുതിയ കോപ്പിറൈറ്റ് അമന്മെന്‍ഡ് ഡോക്കുമെന്റ് :ലിങ്കിനു നന്ദി-ശ്രീ.അനിവര്‍
5.ഫോട്ടോഗ്രഫിയുടെ കോപ്പിറൈറ്റിനെപ്പറ്റിയുള്ള നല്ല ഒരു ലേഖനം - നമ്മുടെ പച്ചാള്‍സ്.
6.ഇന്ത്യന്‍ ഐ പി ആര്‍ സേര്‍ച്ച് റിസള്‍ട്ടുകള്‍ -കടപ്പാട് :-ഗൂഗിളങ്ങുന്ന്.
7.ബ്ലോഗറും സൈബര്‍ ഫോറന്‍സിക് സ്പെഷ്യലിസ്റ്റുമായ ശ്രീ പവീണ്‍ ദയാലിന്റെ ബ്ലോഗ്.
8.നാസ്ക്കോമിന്റെ സോഫ്റ്റ്വെയര്‍ കോപ്പിറൈറ്റ് FAQ.
‍

ഓര്‍ക്കസ്ട്ര ഇല്ലാതെയുള്ള‌ ഗാനങ്ങള്‍‌- ചില ഓര്‍മ്മകള്‍‌..!!

2008-06-07T02:22:00.000-07:00

മനസിനോട് ചേര്‍ന്നിരുന്ന ഏറ്റവും പ്രിയകരമായ ഗാനങ്ങളാണു സ്വാഭാവികമായും ആദ്യകാല റെക്കോര്‍ഡിംഗ് പരീക്ഷണങ്ങള്‍ക്കു തിരഞ്ഞെടുത്തു വച്ചിരുന്നത്.ജോയുടെ ഈ പോസ്റ്റാണു അന്നത്തെ ചില ഗാനങ്ങളും ഓര്‍മ്മകളും‍ പങ്കുവെയ്ക്കുവാന്‍ പ്രേരിപ്പിച്ചത്.ഓരോ പഴയ ഗാനങ്ങളും നമ്മുടെ ചില പ്രിയകരമായ ഓര്‍മ്മകളുമായി ബന്ധപ്പെട്ടിരിക്കുന്നു.ചിലപ്പോള്‍ രസകരവും അതിനോടൊപ്പം ചില പ്രിയകരമായ നിമിഷങ്ങളും ഓര്‍ത്തെടുക്കുവാന്‍ ഈ ഗാനങ്ങള്‍ വഹിക്കുന്ന പങ്ക് ചെറുതല്ല.അത്തരം ചിലഗാനങ്ങളും ഓര്‍മ്മകളും പങ്കുവയ്ക്കുന്നു.

ആദ്യമായി തിയറ്ററില്‍ പോയി കാണുന്ന ചിത്രമാണു മഞ്ഞില്‍ വിരിഞ്ഞപൂക്കള്‍,കുഞ്ഞിച്ചെക്കനായ എന്നേം തോളേലിട്ട് അപ്പനുമമ്മേം ചില ബന്ധുക്കളോടൊപ്പം ആഘോഷമായി തീയറ്ററില്‍ പോയത് ഇപ്പോഴും ഒരു നേര്‍ത്ത ഓര്‍മ്മയുടെ പാട പോലെ.അടുത്ത ഒരു ബന്ധു അംബാസിഡര്‍ കാര്‍ വാങ്ങിയ വകയിലിലെ ട്രീറ്റായിരുന്നു ആ സിനിമ.റാംജിറാവുവില്‍ മാമുക്കോയ വിളിച്ചോണ്ടു വരുന്ന കാറില്‍ ഒരാള്‍ കൂടി കേറിയാല്‍ മറ്റേയാള്‍ പുറത്താകുന്ന അവസ്ഥയില്‍ ആളുകളെ കുത്തി നിറച്ച കാര്‍,രസകരമെങ്കിലും തിയറ്റര്‍ എന്ന വലിയ സ്ക്രീനിന്റെ ആവേശം മനസിലേക്ക് ഇരച്ചു കയറ്റിയത് ആ ഒരനുഭവമായിരുന്നു.1980ല്‍ പുറത്തിറങ്ങിയ നവോദയ ഫിലിംസിന്റെ ഫാസില്‍ ചിത്രമായ മഞ്ഞില്‍ വിരിഞ്ഞ പൂക്കള്‍ ഒരു മ്യൂസിക്കല്‍ ഹിറ്റായിരുന്നു.പല പ്രമുഖരുടേയും കന്നിസംരംഭമായ ആ ചിത്രവും ഗാനങ്ങളും ഇപ്പോഴും മനസിനോട് ചേര്‍ത്തു വയ്ക്കുന്നു.ജെറി അമല്‍ദേവെന്ന സംഗീത പ്രതിഭയുടെ ചില സവിശേഷതകളെ നേരത്തെ തന്നെ പരിചയപ്പെടുത്തിയിരുന്നു.ജെറിയൂടെ പാട്ടുകളില്‍ എനിക്ക് ഏറ്റവും പ്രിയകരമായൊരു ഗാനം.

Song-Mizhiyoram-Manjil Virinja Pookkal (Listen my version)

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play ഇവിടെ നിന്നും ഡൗണ്‍ലോഡാം | Download this song
(Please right click and choose Save target as )

ഹൈസ്ക്കൂള്‍ കാലഘട്ടത്തില്‍ കുറ്റാന്വേഷണ നോവലുകള്‍,ത്രില്ലര്‍മണമുള്ള ചെറുകഥകള്‍ ഒക്കെയായിരുന്നു താല്പര്യം.എട്ടാം തരത്തില്‍ വച്ച് ജോര്‍ജ്ജാണു ആദ്യമായി ഷെര്‍ലക് ഹോംസിനേപ്പറ്റി പറയുന്നത്.അന്നുമുതല്‍ കുറ്റാന്വേഷകരുടെ രാജാവായ ഷെര്‍ലക് ഹോംസിന്റെ സമ്പൂര്‍ണ്ണ പുസ്തകങ്ങള്‍ തപ്പി പരിപ്പിളകാനായിരുന്നു ഞങ്ങളുടെ ഗ്രാമീണ വായനശാലയുടെ ലൈബ്രേറിയന്‍ കം സാധുമനുഷ്യനായ രാഘവേട്ടന്റെ വിധി .ആ കാലഘട്ടത്തില്‍ പുറത്തിറങ്ങിയ ഒരു ചിത്രമായിരുന്നു ഉത്തരം.പത്രപ്രവര്‍ത്തകനായ-കുറ്റാന്വേഷകനായ ബാലു‍ എന്ന കഥാപാത്രത്തില്‍ മമ്മൂട്ടിയും,സലീന ജോസഫായി അക്കാലത്തെ യുവാക്കന്മാരുടെ രോമാഞ്ചകഞ്ചുകങ്ങളിലൊന്നായ വൈശാലി സുപര്‍ണ്ണയും(രോമാഞ്ച കഞ്ചുകങ്ങളുടെ ആയുസ്സ് എത്രത്തോളമുണ്ടെന്ന് ഇവിടെ കാണാം)ഒക്കെ അഭിനയിച്ച ആ ചിത്രത്തിലെ ഒരു ഗാനവും എനിക്ക് വളരെ പ്രിയപ്പെട്ടതായി.വിദ്യാധരന്‍ മാസ്റ്റര്‍ സംഗീതം ചെയ്ത് ഇഷ്ടഗായകനായ വേണുഗോപാല്‍ ആലപിച്ച ആ ഗാനം കേള്‍ക്കുമ്പോള്‍ ഹൈസ്കൂളും,ജോര്‍ജ്ജിനെയും ഷെര്‍ലക് ഹോംസിന്റെ പുസ്തകങ്ങള്‍ തപ്പി ‍ ലൈബ്രറിക്ക് ചുറ്റും വട്ടമടിക്കുന്നതും രാഘവേട്ടന്റെ വീടന്വേഷിച്ച് BSA SLR സൈക്കിളില്‍ വച്ച് പിടിക്കുന്ന ആ പ്രിയകരമായ ഓര്‍മ്മകളും..!

Song-Manjin vilolamam-Utharam (Listen my version)

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play ഇവിടെ നിന്നും ഡൗണ്‍ലോഡാം | Download this song
(Please right click and choose Save target as )

വേറെയും ചില ഓര്‍മ്മകള്‍..!
1.തേരെ മേരെ സപ്നേ..അബ് ഏക് രംഗ് ഹേ - വണ്‍‌വേ പ്രേമം (പറ്റിയ ലേബത്സ് :- കലശല്‍,മാനഹാനി,ധൈര്യക്കുറവ് :)
2.സ്വപ്നങ്ങളൊക്കെയും പങ്കുവെയ്ക്കാം - അനദര്‍ വണ്‍‌വേ പ്രേമം ( നോ മാനഹാനി ബിക്കോസോഫ് എക്സ്പീരിയന്‍സ് :)
3.പൂജാബിംബം മിഴിതുറന്നു -(അതിവിടെഴുതി വച്ചാല്‍ മിക്കവാറും പണി പാളും :)

നിങ്ങള്‍ക്കും ഇത്തരത്തില്‍ പ്രിയഗാനങ്ങളുടെ ഓര്‍മ്മകളുണ്ടാവുമെന്ന് കരുതുന്നു.പങ്കുവെയ്ക്കുക.

എന്റെ മണ്‍‌‌‌വീണയില്‍‌കൂടണയാനൊരു -പോഡ്കാസ്റ്റ്..!!

2008-05-24T14:20:00.000-07:00

ഒരു കഥ:-

ഗായകന്‍ :- പ്രിയമുള്ളവരെ നിങ്ങളുടെ അഭ്യര്‍ത്ഥനപ്രകാരം ഒരിക്കല്‍ കൂടി സുഖമോ ദേവി എന്ന ഗാനം ആലപിക്കുന്നു..!
ജനക്കൂട്ടം :- വോ..വൊ..തന്നെ.തന്നെ ..പാടിത്തള്ളപ്പീ..!
ഗാനം കഴിഞ്ഞപ്പോള്‍ ജനക്കൂട്ടം :- ഗായകാ,ഒരിക്കല്‍ കൂടി അതേ ഗാനം പാടണം,പ്ലീസ്..പ്ലീസ്..!
ഗായകന്‍ :- ഹൊ..ഇവരെക്കൊണ്ടു തോറ്റു,ഇത്രക്കുമിഷ്ടാണോ നിങ്ങള്‍ക്ക് എന്റെയീപാട്ട് ? ഇപ്പോ എല്ലാം കൂടി അഞ്ചു പ്രാവശ്യമായല്ലോ.
ജനക്കൂട്ടത്തില്‍ നിന്നും ഒരു വൃദ്ധന്‍ എഴുനേറ്റ് നിന്ന് (സത്യമായും മ്മടെ എതിരപ്പനല്ല ‌):- ഡാ..##$$$%&^-ഗായകാ നിന്റെ പാട്ട് വീണ്ടും കേള്‍ക്കാനുള്ള കൊതികൊണ്ടല്ല,ആറാമത് പാടുമ്പോള്‍ എങ്കിലും അത് മര്യാദക്കു പാടുമെന്ന് പ്രതീക്ഷിച്ചാ..!

അപ്പശരി..ഇത് രണ്ടാമത്തേത് ..ആദ്യത്തേത് ലോ..ലവിടെ..

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

നരച്ച താടിയുള്ള തബലവായനക്കാരന്‍‌..!!

2008-03-07T22:38:00.000-08:00

2004ന്റെ തുടക്കത്തിലെ ഒരു സായാഹ്നത്തില്‍ നാട്ടില്‍ നിന്നെത്തിയ രണ്ട് കൂട്ടുകാ‍രെയും കൂട്ടി ഖത്തറിലെ അമേരിക്കന്‍ പാരിഷ് ഹാളിലെ ഇംഗ്ലീഷ് മാസ് നടക്കുന്ന സ്ഥലം ഒന്നു സന്ദര്‍ശിക്കാം എന്നു കരുതിയ ഒരു യാത്രയില്‍ അത്തവണ നാട്ടില്‍ നിന്നും വാങ്ങിയ ഒരു സിഡി പ്ലേ ചെയ്യാനിട്ടു..

മൃദുവായ് നീ തൊടുകില്‍ ...എന്നാത്മം സൌഖ്യം നേടും..
ഹൃദയം ഇനിയെന്നും നിന്‍ വാസഗേഹമാകും.....
കണ്മുന്നില്‍ നീ ഇല്ലെങ്കിലും..വിശ്വാസത്താലെ കാണുന്നു ഞാന്‍..!!

ഗായകന്‍ കെസ്റ്റര്‍ ആണെന്നു മനസിലായി,പക്ഷെ ഗാനത്തിന്റെ പല്ലവിയുടെയും അനുപല്ലവിയുടെയും ഇടയില്‍ കേട്ട ഒരു മാന്ത്രിക സ്വരം പെട്ടന്ന് തന്നെ കാറിലെ മൂവരുടെയും ശ്രദ്ധ പിടിച്ചു പറ്റി,ഹരിഹരനാണോ,അതോ ഏതെങ്കിലും ഹിന്ദുസ്ഥാനി ഗായകനോ..ഹെയ്,ഒരു സാധാരണ ക്രിസ്ത്യന്‍ ആല്‍ബത്തില്‍ ഇവരാരേലും ഇത്രയും ചെറിയൊരു ബിറ്റ് പാടാന്‍ വരുമോ ? സ്വാഭാവികമായൊരു സംശയത്തിനു മറുപടിയായി പിറകിലത്തെ സീറ്റില്‍ നിന്നും മറുപടി വന്നു, ഇത് ഫിലിപ്പിന്റെ സ്വരമാണു,അതു തന്നെ..ഏഹ് ഏതു ഫിലിപ്പ് ? ഇങ്ങനെയൊരാളെപ്പറ്റി കേട്ടതുപോലെ ഓര്‍ക്കുന്നതേയില്ലല്ലോ,കൊച്ചിയില്‍ എവിടെയോ ഉള്ള ഒരു തബലിസ്റ്റ് ആണെന്നായിരുന്നു ഉത്തരം,പിന്നീട് വളരെയേറെക്കാലം ആ പാട്ടിലെ ഈ ശബ്ദം മാത്രം ദോഹയില്‍ നിന്നും അല്‍ഖോറിലേക്കുള്ള ‍ ദീര്‍ഘതയേറിയ ഏകാന്തയാത്രകളില്‍ എനിക്കു പ്രിയകരമായിരുന്നു.ആ ഗായകനേപ്പറ്റി കൂടുതല്‍ അറിയണമെന്നു കരുതി നടത്തിയ ഇനീഷ്യല്‍ ഇന്റര്‍നെറ്റ് സേര്‍ച്ചുകളൊന്നും ഫലം കണ്ടിരുന്നില്ല.പക്ഷേ അന്നു തന്നെ മനസില്‍ ഒരു ചിത്രം കോറിയിട്ടു..“നരച്ച നീണ്ട താടിയുള്ള ശുഭ്രവസ്ത്രധാരിയായ ഒരു മധ്യവയസ്ക്കന്‍,തബലയില്‍ താളമിട്ട് സ്വയം മറന്നു സ്വച്ഛന്ദതയാര്‍ന്ന ശബ്ദമുതിര്‍ക്കുന്ന ഒരു ഇന്ദ്രജാലക്കാരന്‍.“. പക്ഷെ വളരെക്കാലത്തിനു ശേഷം ജോലിയുടെയും ജീവിതത്തിന്റെയും ഭാഗമായി ആ പ്രിയ സ്വരവും ആ ഗാനവും ഓര്‍മ്മകളില്‍ മറഞ്ഞുപോയിരുന്നു..

കഴിഞ്ഞയാഴ്ച്ച ബംഗളൂരെത്തിയ പ്രിയസുഹൃത്തിനേയും കൂട്ടി ഭക്ഷണം കഴിക്കാനിരിക്കുവാനിരുന്നപ്പോള്‍ വെറുതേ അചിന്ത്യാമ്മയെ വിളിച്ചു.“ഡാ..ആശുപത്രിയിലാണു,ഫിലിപ്പിനു കൂടുതലാ“..ഒന്നും മനസിലായില്ല,കൂടെയുള്ള സുഹൃത്ത് പറഞ്ഞപ്പോള്‍ മാത്രമാണു തൃശൂരിന്റെ സംഗീതപ്രഗല്‍ഭന്മാരിലൊരുവനാണ് ഫിലിപ്പെന്നും ഒരു വലിയ ആക്സിഡന്റില്‍ പെട്ട് അത്യാസന്ന നിലയിലാണെന്നും മനസിലായത്.,അപരിചിതനായൊരു മനുഷ്യനോട് തൊന്നുന്ന സഹതാപത്തിനപ്പുറം ഒരു പ്രത്യേകത തോന്നിയിരുന്നില്ല,അപ്പോഴും....!

ഇന്നലെ ജോലിത്തിരക്കില്‍ നിന്നല്‍പ്പം ഒഴിഞ്ഞപ്പോള്‍‍ പ്രദീപ് സോമസുന്ദരത്തിന്റെ ബ്ലോഗില്‍ പുതിയ ഗാനങ്ങള്‍ തിരയുന്നതിനിടെ ഫിലിപ്പിന്റെ വേര്‍പാടിന്റെ വാര്‍ത്ത ശ്രദ്ധയില്‍പ്പെട്ടു,ഒരു കമന്റിന്റെ പിറകേ പോയി ഒരു ഗാനം കേട്ടു,എന്റെ ദൈവമേ...!!ഞാന്‍ മറന്നു തുടങ്ങിയ എന്റെ നരച്ച താടിയുള്ള തബലവായനക്കാരന്റെ അതേ ശബ്ദം...വിട്ടുപോയ പല കണ്ണികളും കൂട്ടിയോജിപ്പിച്ച് വായിച്ചപ്പോള്‍ തരിച്ചിരുന്നു പോയി ,മറഞ്ഞുപോയിരുന്ന എനിക്ക്-പ്രിയമുള്ള സ്വരം..!!

അപ്പോള്‍ ഉറഞ്ഞു കൂടിയ വികാരത്തിനെ എഴുതി ഫലിപ്പിക്കുവാന്‍ വാക്കുകളില്ല..അക്ഷരമില്ലാതെ ഉള്ള ഈ ശൂന്യത മാത്രം..!
പലരും എഴുതിയതു പോലെ ഫിലിപ്പിനു മരണമില്ല..എന്റെ നരച്ച താടിക്കാരനാകുന്നതു വരെയും..!

ഇന്ദ്രജാലക്കാരന്റെ ശബ്ദം..!

കമന്റിന്റെ പിറകേ പോയ ഗാനം..!

ഫിലിപ്പിനെപ്പറ്റി കൂടുതലായി പ്രദീപ് സോമസുന്ദരം
ബാബുരാജിന്റെ ചില ഗാനങ്ങള്‍-ഫിലിപ്പ് പാടിയത് -അചിന്ത്യാവിന്‍ കയ്യിലൂള്ളത്..!

കിരണ്‍..!!

ആടടീ ആടാടെടീ- പോഡ്‌കാസ്റ്റ്..!!

2008-02-09T03:21:00.000-08:00

മലയാളത്തിന്റെ താരാട്ടുപാട്ടുകാരന് ഏറ്റവും നല്ല ഗായകനുള്ള മൂന്നാമത് സംസ്ഥാന അവാര്‍ഡ് നേടിക്കൊടുത്ത ഗാനമാണു ഇത്തവണ അവതരിപ്പിക്കുന്നത്.ഉള്ളം എന്ന ചിത്രത്തിനു വേണ്ടി കൈതപ്രം വിശ്വനാഥന്‍ നമ്പൂതിരി സംഗീത സംവിധാനം നീര്‍വ്വഹിച്ച് ജി വേണുഗോപാല്‍ ആലപിച്ച “ആടടീ ആടാ‍ടീ “ എന്നുള്ള ഗാനം പാടുവാനുള്ള എന്റെ എളിയ ശ്രമം..!

Song name : Aaadedi Adaadedi Alila kuyile | Movie: Ullam
Click the play button to listen my version..!

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ആടടീ ആടാടെടീ ആലില കിളിയേ...
കാലില്‍ ചിലമ്പൂ തുള്ളുന്ന താളത്തില്‍ ആടടിയേ (2)
പാടിവാ തെന്നലേ..ഓടിവാ തെന്നലേ..
വാര്‍മഴവില്ലില്‍ ഊഞ്ഞാലുമായി വാ..
കണ്ണനുറങ്ങാന്‍ കൊച്ചു കള്ളനുറങ്ങാന്‍

ഇവനെന്‍ സ്നേഹം ഇവനെന്‍ ജീവന്‍
ആയിരം ജന്മമായ് ഞാന്‍ ചെയ്ത പുണ്യം (2)
ഇവനുറങ്ങുമ്പോള്‍ പഞ്ചമി തിങ്കള്‍
ഇവനുണരുമ്പോള്‍ തുയിലുണരുമൊരുണ്ണിസൂര്യന്‍
പൂഞ്ചോലാടി വാ..പൂങ്കനവേറി വാ..
കണ്മണി കുഞ്ഞേ...
ആടടീ ആടാടെടീ ആലില കിളിയേ...

എങ്ങിനെ പാടും എന്തിനി നല്‍കും..
വാത്സല്യകൈകളില്‍ ഞാനെന്തു നല്‍കും (2)
എന്‍ ജന്മമാകെ നിനക്കുള്ളതല്ലേ..
എന്റെ മനസ്സിന്‍ മച്ചകം വാഴും എന്നുണ്ണിക്കണ്ണാ
ചാഞ്ചാടുണ്ണി..ചരിഞ്ഞാടുണ്ണി..എന്നോമനയുണ്ണി..!
ആടടീ ആടാടെടീ ആലില കിളിയേ...

Picture Courtesy : www.gvenugopal.com

വ്യത്യസ്തനാമൊരു ബാലന്‍..!!

2008-02-02T09:36:00.000-08:00

ഒന്നു കൈകഴുകി തിരിച്ചെത്തിയപ്പോള്‍ കണ്ടൊരു കാഴ്ച്ച..!

കണ്ടം വഴി ഓടി രക്ഷപെട്ട പ്രതി ഇവിടെ വേറെ ചില വ്യത്യസ്ഥത ഇവിടെയും

പ്രതിയേ ഓടിച്ചിട്ട് പിടിച്ചോണ്ടു വന്നു ഒരു ചെറിയ ശിക്ഷയായി റെക്കോര്‍ഡ് ചെയ്യിപ്പിച്ചത് താഴെ..:)

കേള്‍ക്കാന്‍ കഴിയാത്തവര്‍ക്ക് ഇവിടെ നിന്നും ഡൌണ്‍ലോഡാം.:)

വ്യത്യസതനാമൊരു ബാര്‍ബറാം ബാലനേ..
സത്യത്തിലാരും തിരിച്ചറിഞ്ഞീല്ല
മേലുകാവിന്റെ അഭിമാനമാകും ബാര്‍ബറാം ബാലാ
നിനക്കഭിവാദ്യം :) (ആരാഡാ അഭിവാദ്യമെന്ന വാക്കു കന്റു പിടിറ്റത് :)

ഇന്നുമെന്റെ കണ്ണൂനീരില്‍ -യുവജനോത്സവം-പോഡ്കാസ്റ്റ്..!!

2007-12-29T01:33:00.000-08:00

സുന്ദരമായ ഒരു അര്‍ദ്ധശാസ്ത്രീയത്തെ അശാസ്ത്രീയമായി തയ്യാര്‍ ചെയ്തെടുത്തതാണ് താഴെക്കാണുന്നത്.ആഗ്രഹം കൊണ്ടു പാടിപ്പോയതാ..തല്ലരുത് പ്ലീസ്..ഞാന്‍ ഇതോടെ നിര്‍ത്തിക്കോളാം,ഈ വര്‍ഷത്തില്‍ ഇനി മേലാല്‍ പാടൂല്ല..:)

പ്ലേ ബട്ടണില്‍ ക്ലിക്കിയാല്‍ വിവരമറിയും..:)

powered by ODEO
വിവരമറിയാന്‍ ഇവിടേം ക്ലിക്കാം..:)

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ചിത്രം : യുവജനോത്സവം
ഗാനം : ഇന്നുമെന്റെ കണ്ണു നീരില്‍
സംഗീതം : രവീന്ദ്രന്‍ മാസ്റ്റര്‍
രചന : ശ്രീകുമാരന്‍ തമ്പി
പാടിയത് :യേശുദാസ്

ഇന്നുമെന്റെ കണ്ണുനീരില്‍ നിന്നോര്‍മ്മ പുഞ്ചിരിച്ചു (2)
ഈറന്‍മുകില്‍ മാലകളില്‍ ഇന്ദ്രധനു‌സെന്നപോലെ
(ഇന്നുമെന്റെ)

സ്വര്‍‌ണ്ണമല്ലി നൃത്തമാടും നാളെയുമീ പൂവനത്തില്‍
തെന്നല്‍ക്കൈ ചേര്‍ത്തുവയ്ക്കും പൂക്കുന്ന പൊന്‍പണം‌പോല്‍
നിന്‍ പ്രണയപ്പൂ കനിഞ്ഞ പൂമ്പൊടികള്‍ ചിറകിലേന്തി
എന്റെ ഗാന പൂത്തുമ്പികള്‍ നിന്നധരം തേടിവരും
(ഇന്നുമെന്റെ)

ഈവഴിയിലിഴകള്‍ നെയ്യും സാന്ധ്യനിലാശോഭകളില്‍
ഞാലിപ്പൂവന്‍ വാഴപ്പൂക്കള്‍ തേന്‍പാളിയുയര്‍ത്തിടുമ്പോള്‍
നീയരികിലില്ലയെങ്കില്‍ എന്തുനിന്റെ നിശ്വാസങ്ങള്‍
രാഗമാലയാക്കി വരും കാറ്റെന്നെ തഴുകുമല്ലോ
(ഇന്നുമെന്റെ)

ദൈവം പിറക്കുന്നു-സ്നേഹപ്രവാഹം-പോഡ്കാസ്റ്റ്

2007-12-22T23:26:00.000-08:00

സ്നേഹത്തിന്റെയും സാഹോദര്യത്തിന്റെയും നല്ല ഉപമകള്‍ പഠിപ്പിച്ച ഇടയന്റെ ജനനം ആഗതമായി..ക്രിസ്തുമസ് ആശംസകള്‍ എല്ലാവര്‍ക്കും നേരുന്നതിനോടൊപ്പം ഞാന്‍ പാടിയ ഒരു ഗാനവും..!

Album|ആല്‍ബം:-Snehapravaham|സ്നേഹപ്രവാഹം - തരംഗിണി
Music|സംഗീതം:-Fr.Justin Panackal|ഫാ.ജസ്റ്റിൻ പനക്കൽ
Lyrics|രചന:-Fr.Joseph Paaramkuzhi |ഫാ.ജോസഫ് പാറംകുഴി
Singer|പാടിയത്:-Yesudas KJ|യേശുദാസ് കെ ജെ

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ദൈവം പിറക്കുന്നു മനുഷ്യനായി ബത്ലേമില്‍..
മഞ്ഞുപെയ്യുന്ന മലര്‍മടക്കില്‍ ..ഹല്ലേലൂയാ..ഹല്ലേലൂയാ
മണ്ണിലും വിണ്ണിലും മന്ദഹാസം പെയ്യും മധുരമനോഹരഗാനം..
ഹല്ലേലൂയാ..ഹല്ലേലൂയാ... ( ദൈവം പിറക്കുന്നു )

പാതിരാവില്‍ മഞ്ഞേറ്റീറനായ് ..പാരിന്റെ നാഥന്‍ പിറക്കുകയായ് (2)
പാടിയാര്‍ക്കൂ വീണമീട്ടൂ..ദൈവത്തിന്‍ ദാസരെ ഒന്നു ചേരൂ (2)
(ദൈവം പിറക്കുന്നു )

പകലോനു മുന്‍പേ പിതാവിന്റെ ഹൃത്തിലെ ശ്രീയേകസൂനുവാമുദയസൂര്യന്‍ (2)
പ്രാഭവപൂര്‍ണ്ണനായ് ഉയരുന്നിതാ പ്രതാപമോടിന്നേശുനാഥന്‍ (2)

(ദൈവം പിറക്കുന്നു )

Picture Courtesy :www.sgm.org.nz

തൊഴുതു മടങ്ങൂം സന്ധ്യയുമേതോ -അക്ഷരങ്ങള്‍..!!

2007-11-05T19:11:00.000-08:00

മലയാളികള്‍ കൃതജ്ഞതാപൂര്‍വ്വം മറന്നു തുടങ്ങിയിരുന്ന ഈ ഭാവഗായകന് ഒരു ഉയര്‍ത്തെഴുനേല്‍പ്പ് നടത്തുവാന്‍ തമിഴകം വേണ്ടിവന്നു.തന്റേതായ ഒരു ശൈലി കൊണ്ട് തീവ്രമായ ഒരു ശ്രാവ്യാനുഭവം കേള്‍വിക്കാരിലെത്തിക്കാന്‍ ഉണ്ണിമേനോനു കഴിഞ്ഞിരുന്നു എന്നു തെളിയിക്കുന്ന ഒരു ഗാനം ഇവിടെ അവതരിപ്പിക്കുന്നു.1984ല്‍ “അക്ഷരങ്ങള്‍” എന്ന മമ്മൂട്ടി-ഐവിശശി ചിത്രത്തില്‍ ഒ എന്‍ വി കുറുപ്പിന്റെ വരികള്‍ക്ക് ശ്യാം സംഗീതം ചെയ്ത ഒരു ഗാനമിതാ.

Movie |ചിത്രം :Aksharangal| അക്ഷരങ്ങള്‍
Singer|ഗായകന്‍ :Unnimenon |ഉണ്ണിമേനോന്‍
Music |സംഗീതം :Shyam |ശ്യാം
Lyrics|രചന :ONV Kurup|ഒ എന്‍ വി കുറുപ്പ്

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

തൊഴുതുമടങ്ങും സന്ധ്യയുമേതോ വീഥിയില്‍ മറയുന്നു
ഈറന്‍ മുടിയില്‍ നിന്നിറ്റിറ്റു വീഴും നീര്‍മണി തീര്‍ത്ഥമായ്
കറുകപ്പൂവിനു തീര്‍ത്ഥമായി...

പഴയ കോവിലിന്‍‍ സോപാനത്തില്‍ പതിഞ്ഞൊരീണം കേള്‍ക്കുന്നു ആ..ആ..(2)
അതിലൊരു കല്ലോലിനീയൊഴുകുന്നു..കടമ്പു പൂക്കുന്നു..
അനന്തമായ്...കാത്തു നില്‍ക്കുമേതോ മിഴികള്‍ തുളുമ്പൂന്നു..
തൊഴുതുമടങ്ങും സന്ധ്യയുമേതോ വീഥിയില്‍ മറയുന്നു

ഇവിടെ ദേവകള്‍ ഭൂ‍മിയെ വാഴ്ത്തി കവിതകള്‍ മൂളിപ്പോകുന്നു...മും...(2)
അതിലൊരു കന്യാഹൃദയം പോലെ..താമര പൂക്കുന്നൂ
ദലങ്ങളില്‍ ...എതോ നൊമ്പര തുഷാര കണികകള്‍ ഉലയുന്നു..!

തിരികേ ഞാന്‍ വരുമെന്ന വാര്‍ത്ത-അറബിക്കഥ-പോഡ്കാസ്റ്റ്..!!

2007-09-15T02:42:00.000-07:00

Thirike njan varumenna-Arabikadha..!

അറബിക്കഥയിലെ ഗാനങ്ങളേപ്പറ്റി ശ്രീമാന്‍ സിയയുടെ ചിന്തകള്‍ ഇവിടെ കണ്ടതാണ് ആ ഗാനങ്ങള്‍ ശ്രദ്ധിക്കാന്‍ കാരണമായത്.പുതിയ മലയാള ചലച്ചിത്രഗാനങ്ങള്‍ കേള്‍ക്കാന്‍ ഉള്ള താല്പര്യം പല കാരണങ്ങള്‍ കൊണ്ടും കുറഞ്ഞുവരുമ്പോള്‍ ഇങ്ങനെയുള്ള ചില ഗാനങ്ങള്‍ കേള്‍ക്കുന്നത് ആശ്വാസമാ‍യിത്തോന്നുന്നു.പല സംഗീത സംവിധായകരും പലപ്പോഴും തട്ടുപൊളിപ്പന്‍ പാട്ടുകള്‍ മാത്രം മെനയുമ്പോള്‍ “ബിജിബാലെന്ന“സംഗീത സംവിധായകന്‍ തുടക്കം കൊണ്ടുതന്നെ ലളിതമാര്‍ന്ന ഈണങ്ങളിലൂടെ ശ്രദ്ധപിടിച്ചു പറ്റിയിരിക്കുന്നു.സ്ക്രീനിനു മുന്നിലും പിന്നിലും നിന്ന് ചിരിപ്പിക്കാനും ചിന്തിപ്പിക്കാനും കഴിവുള്ള ശ്രീനിവാസനേത്തന്നെ നായകസ്ഥാനത്ത് നിര്‍ത്തി ലാല്‍ജോസ് സംവിധാനം ചെയ്ത,ഗള്‍ഫ് പ്രവാസിയുടെ കഥ പറയുന്ന അറബിക്കഥ എന്ന പുതിയ മലയാളം ചിത്രത്തില്‍ അനില്‍ പനച്ചൂരാന്റെ കാവ്യംഭംഗിയേറിയ വരികള്‍ക്ക് ബിജിബാല്‍ ഈണം കൊടുത്ത് യേശുദാസ്‍ പാടിയ ഒരു ഗാനം ഇവിടെ സമര്‍പ്പിക്കുന്നു.

Movie |ചിത്രം :Arabikadha | അറബിക്കഥ
Singer|ഗായകന്‍ :Yesudas |യേശുദാസ്
Music |സംഗീതം :Bijibal |ബിജിബാല്‍
Lyrics|രചന :Anil Panachooran|അനില്‍ പനച്ചൂരാന്‍

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

തത്തിന്തക തൈതോം തത്തിന്തക തൈതോം
തത്തിന്തക തൈതോം തത്തിന്തക തൈതോം
ചങ്കിലു കേള്‍ക്കണ മണ്ണിന്റെ താളം (2)

തിരികേ ഞാന്‍ വരുമെന്ന വാര്‍ത്ത കേള്‍ക്കാനായീ
ഗ്രാമം കൊതിക്കാറുണ്ടെന്നും
തിരികേ മടങ്ങുവാന്‍ തീരത്തടുക്കുവാന്‍ ഞാനും
കൊതിക്കാറുണ്ടെന്നും
വിടുവായന്‍ തവളകള്‍ പതിവായിക്കരയുന്ന
നടവരമ്പോര്‍മ്മയില്‍ കണ്ടു
വെയിലേറ്റു വാടുന്ന ചെറുമികള്‍ തേടുന്ന
തണലും തണുപ്പും ഞാന്‍ കണ്ടു..(തിരികേ )

തത്തിന്തക തൈതോം തത്തിന്തക തൈതോം
തത്തിന്തക തൈതോം തത്തിന്തക തൈതോം
ചങ്കിലു കേള്‍ക്കണ മണ്ണിന്റെ താളം (2)

ഒരു വട്ടിപ്പൂവുമായ് അകലത്തെ അമ്പിളി
തിരുവോണ തോണിയൂന്നുമ്പോള്‍..
തിരപുല്‍കും നാടെന്നെ
തിരികേ വിളിക്കുന്നു
ഇള വെയിലിന്‍ മധുരക്കിനാ‍വായ് ...തിരികേ.. (തിരികേ)

പുഴപോയ തോണിയില്‍ തകരുന്ന നെഞ്ചിലെ
തുടികൊട്ടും പാട്ടായി ഞാനും (2)
മനമുരുകി പാടുന്ന പാട്ടില്‍ മരുപ്പക്ഷി
പിടയുന്ന ചിറകൊച്ച കേട്ടു ..തിരികേ.. (തിരികേ )

അപ്പോ ശരി..എല്ലാം പറഞ്ഞപോലെ ..ഒരു ചെറിയ ഇടവേളക്കു ശേഷം വീണ്ടും സന്ധിക്കുന്നത് വരെ വണൈക്കംസ്..!

കടല്‍കാറ്റിന്‍ നെഞ്ചില്‍ കടലായ് വളര്‍ന്നു-പോഡ്കാസ്റ്റ്

2007-09-08T10:01:00.000-07:00

Kadalkaattin nenchil - Friends

ആദ്യമായാണ് ഒരു ഇളയരാജ ഗാനം ബ്ലോഗില്‍ ആലപിക്കുന്നത്..”ഫ്രണ്ട്സ് “ എന്ന ചിത്രത്തിനു വേണ്ടി കൈതപ്രം എഴുതി യേശുദാസ് ആലപിച്ച ഗാനം ഞാന്‍ പാടിത്തകര്‍ത്ത് തരിപ്പണമാക്കിയപ്പോള്‍..!

Movie |ചിത്രം :Friends | ഫ്രണ്ട്സ്
Singer|ഗായകന്‍ :Yesudas |യേശുദാസ്
Music |സംഗീതം :Ilayaraja |ഇളയരാജ
Lyrics|രചന :Kaithapram|കൈതപ്രം

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

മലയാളബൂലോഗത്തില്‍ ആക്ടീവായൊരു മെമ്പര്‍ ആണോ ? ദേ ഇതൊന്നു വായിച്ചേരെ..

കടല്‍ക്കാറ്റിന്‍ നെഞ്ചില്‍ കടലായ് വളര്‍ന്ന സ്നേഹമുറങ്ങീ
കനലായ് എരിഞ്ഞ സന്ധ്യ മയങ്ങീ
മുകില്‍ കാട്ടില്‍ നിന്നും മഴയായ് പൊഴിഞ്ഞ രാഗമലിഞ്ഞൂ
മിഴിനീരണിഞ്ഞ രാത്രി തളര്‍ന്നൂ
തിരയിളകുന്നു നുര ചിതറുന്നു
ഇരുളിന്‍ തീരങ്ങളില്‍

പരിഭവ ചന്ദ്രന്‍ പാതി മറഞ്ഞു പാടാന്‍ മറന്നു കുയിലിണകള്‍
താരുകള്‍ വാടി തളിരുകള്‍ ഇടറി രജനീ ഗന്ധികള്‍ വിടരാറായ്
നിലാപൂപ്പന്തലോ കനല്‍ കൂടാരമാ‍യ് തമ്മില്‍ മിണ്ടാതെ പോകുന്നു രാപ്പാടികള്‍
അങ്ങകലേ..ഹോ..അങ്ങകലേ വിതുമ്പുന്നു മൂകാര്‍ദ്ര താരം ഇനി ഒന്നു ചേരും
ആവഴിയെങ്ങോ...കടല്‍ക്കാറ്റിന്‍ നെഞ്ചില്‍

ആളോഴിയുന്നു അരങ്ങൊഴിയുന്നു നിഴല്‍ നാടകമോ മായുന്നു
ഹരിതവനങ്ങള്‍ ഹൃദയതടങ്ങള്‍ വേനല്‍ ചൂടില്‍ വീഴുന്നു
വരൂ വാസന്തമേ വരൂ വൈശാഖമേ.നിങ്ങളില്ലാതെ ഈ ഭൂമി മണ്‍കൂനയായ്
ഇങ്ങിതിലേ...ഹോ..വരൂ ശ്യാമസാഫല്യ ഗംഗേ
ഇതു സാമഗാന സാന്ത്വന യാമം..

ഇലകൊഴിയും ശിശിരത്തില്‍ -പോഡ്കാസ്റ്റ്

2007-09-03T00:15:00.000-07:00

Ilakozhiyum shishirathil - Varshangal Poyathariyaathe

പുതിയ തലമുറയിലെ സംഗീത സംവിധായകരില്‍ മെലഡിക്ക് ഏറെ പ്രാധാന്യം കൊടുത്തു കൊണ്ട് ഈണങ്ങള്‍ ചെയ്യൂന്ന ഒരു സംവിധായകന്‍ ആരെന്നു ചോദിച്ചാല്‍ ആദ്യം മനസില്‍ വരുന്ന പേരുകളില്‍ ഒന്നാണ് മോഹന്‍ സിതാര.1987ല്‍ “വര്‍ഷങ്ങള്‍ പോയതറിയാതെ “ എന്ന ചിത്രത്തിനു വേണ്ടി അദ്ദേഹമൊരുക്കിയ ഒരീണമാണ് ഇത്തവണ അവതരിപ്പിക്കുന്നത്.

മലയാള ഗാനങ്ങളുടെ വരികള്‍ യുണീക്കോഡ് മലയാളത്തില്‍ത്തന്നെ ശേഖരിക്കാനുള്ള സ്വപ്നം സാക്ഷാത്ക്കരിക്കപ്പെടുന്നു എന്ന സന്തോഷവാ‍ര്‍ത്ത കൂടി പങ്കു വയ്ക്കട്ടെ..www.malayalamsongslyrics.com നു ഒരു മലയാളം വേര്‍ഷന്‍ കൂടി തയാറാക്കിയിരിക്കുന്നു.

My Attempt :-

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

Film|ചിത്രം :-Varshangal Poyathariyaathe |വര്‍ഷങ്ങള്‍ പോയതറിയാതെ
Song|പാട്ട് :- Ilakozhiyum shishirathil |ഇലകൊഴിയും ശിശിരത്തില്‍
Music|സംഗീതം:-Mohan Sithara |മോഹന്‍ സിതാര
Lyrics|രചന്‍ :-K Moideenkutty |കെ മൊയ്ദീന്‍ കുട്ടി

ഇലകൊഴിയും ശിശിരത്തില്‍ ചെറുകിളികള്‍ വരവായി
മനമുരുകും വേദനയില്‍ ആണ്‍കിളിയാ കഥ പാടി
മറഞ്ഞു പോയീ ആ മന്ദഹാസം ഓര്‍മ്മകള്‍ മാത്രം
ഓര്‍മ്മകള്‍ മാത്രം

ഒരു കൊച്ചു സ്വപ്നവുമായ് ഒരു നുള്ളു മോഹവുമായ്
ഇണക്കിളീ ഈ നെഞ്ചില്‍ പറന്നു വന്നൂ
പൂക്കാലം വരവായീ മോഹങ്ങള്‍ വിരിയാറായ്
അവളതിനായ് ആ കൂട്ടില്‍ തപസ്സിരുന്നു
എരിഞ്ഞു പോയീ രാപ്പാടി പെണ്ണിന്‍
കനവുകളും ആ കാട്ടൂ തീയില്‍

പ്രേമത്തിന്‍ മധുരിമയും വിരഹത്തിന്‍ കണ്ണീരും
രാപ്പാടീ രാവുകളില്‍ തേങ്ങിയോളേ
വര്‍ഷങ്ങള്‍ പോയാലും ഇണ വേറെ വന്നാലും
ആ ശിശിരം മായുമോ ഓര്‍മ്മകളില്‍
മറക്കുവാനാകുമോ ആ ദിവ്യരാഗം
ആദ്യാനുരാഗം ജന്മങ്ങളില്‍

ദൂരെയാണു കേരളം പോയ്‌വരാമോ - പോഡ്കാസ്റ്റ്..!!

2007-08-05T21:26:00.000-07:00

Dooreyaanu Keralam - Onam Song...!!
ചിക്കന്‍ ഗുനിയെ,തക്കാളിപ്പനി,മറ്റേപ്പനി,മറിച്ചപനി,വൃത്തിയുള്ള മൂത്രപ്പുരയില്ലാത്ത കേരളം..ആകെപ്രശ്നം :)ശരിക്കും ദൂരെയാകുന്നുവോ പ്രിയമുള്ളവരേ നിങ്ങള്‍ക്ക് കേരളം ?പിറന്ന നാടിന്റെ ശോച്യാവസ്ഥയില്‍ പ്രതിഷേധിക്കുന്ന എന്റെ എല്ലാ സഹോദരങ്ങളോടും ഉള്ള ബഹുമാനം നില നിര്‍ത്തിക്കൊണ്ട് ഒരേ ഒരു ചോദ്യം,ഉടുതുണിയില്ലാതിരിക്കുന്ന രാജാവിനെ നോക്കി നഗ്നതാ പ്രസ്താവന നടത്തിയാല്‍ മാത്രം ഇതിനൊക്കെ ഒരു പരിഹാരമാകുമോ ? നാടിന്റെ പല സൌകര്യങ്ങളില്ലായ്മകളുമാണ് പ്രവര്‍ത്തിയിലും ചിന്തയിലും വ്യക്തിപരമായി അടുപ്പിക്കുന്നതെന്ന് പറഞ്ഞാല്‍ അതിലൊരു ഫാന്റസി കാണാന്‍ കഴിയാത്തവര്‍ക്കു ഒരു ഗാനം സമര്‍പ്പിക്കുന്നു..!!

യൂസഫലി കേച്ചേരി എഴുതി യേശുദാസ് തന്നെ സംഗീത സംവിധാനം നടത്തി പാടിയ,1988ല്‍ തരംഗിണി കാസറ്റ്സ് പുറത്തിറക്കിയ ആവണിത്തെന്നല്‍ എന്ന ആല്‍ബത്തിലെ ഈ ഗാനം,ഓണത്തിനു നാട്ടിലെത്താന്‍ കഴിയാതെ ഒറ്റപ്പെട്ടുപോകുന്ന പ്രവാസിയുടെ നൊമ്പരം വിളിച്ചറിയിക്കുന്ന ഒരു ഗാനം ഇതിലും നന്നായി മലയാളത്തിലുണ്ടോ എന്ന് സംശയമാണ്..! (ക്രിസ്തുമസ് കഴിഞ്ഞും ടിവിയില്‍ കാണുന്ന പ്രവാസി അലൂമിനി അസോസിയേഷന്‍ ഓണാഘോഷം കാണുമ്പോള്‍ ഓണമാണോ ക്രിസ്തുമസ് ആണോയെന്നെ സംശയം തോന്നുന്നത് വേറെ കാര്യം :),

My Attempt :- Dedication " ഒരു കൊച്ചു കിലുക്കാം പെട്ടിക്ക് “

പ്ലേയര്‍ വഴി കേള്‍ക്കാന്‍ സാധിക്കാത്തവര്‍ക്ക് |If you are unable to play
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ആല്‍ബം|Album : ആവണിത്തെന്നല്‍ | Aavanithennal
സംഗീതം|Music : കെ ജെ യേശുദാസ് |KJ Yesudas
പാടിയത് |Singer: കെ ജെ യേശുദാസ് |KJ Yesudas
രചന |Lyrics : യൂസഫലി കേച്ചേരി |Yusafali Kecheri

ദൂരെ....ദൂ‍രെ...
ദൂരെയാണു കേരളം പോയ് വരാമോ..
പ്രേമദൂതുമായ് തെന്നലേ പോയ് വരാമോ..
അവിടെയെല്ലാ മുറ്റത്തും പൂക്കളം കാണാം
എന്റെ അങ്കണത്തില്‍ മാത്രം കണ്ണു നീര്‍ക്കണം കാണാം..

മാബലിയെ വരവേല്‍ക്കും നാടുകാണാം
പ്രാണപ്രിയയെന്നേ കാത്തിരിക്കും വീടുകാണാം
വീടുപോറ്റാന്‍ നാടുവിട്ട നാഥനേയോര്‍ക്കേ
കണ്ണീര്‍ വീണ പൂങ്കവളുമായെന്‍ കാന്തയേ കാണാം.
കാന്തയേ കാണാം..

ഓണനാളില്‍ ഉണ്ണികള്‍ തന്‍ പൂവിളി കേള്‍ക്കാം
എന്റെ ഓമനക്കിടാവില്‍ നിന്നോരുള്‍വിളി കേള്‍ക്കാം
അച്ഛന്‍ വേണമോണമുണ്ണാന്‍ എന്നവന്‍ ചൊല്‍കേ
ചാരെ അശ്രുനീര്‍ വിളമ്പുമെന്റെ നാഥയേ കാണാം..
നാഥയേ കാണാം...

ഒളിക്കുന്നുവോ മിഴിക്കുമ്പിളില്‍ -ചമ്പക്കുളം തച്ചന്‍- പോഡ്കാസ്റ്റ്

2007-07-02T22:11:00.000-07:00

ബിച്ചു തിരുമലയുടെ വരികള്‍ക്കു രവീന്ദ്രന്‍ മാസ്റ്ററിന്റെ ഈണം പകര്‍ന്ന് യേശുദാസ് പാടിയ ചമ്പക്കുളം തച്ചന്‍ എന്ന ചിത്രത്തിലെ ഗാനം.ഓഡിയോ ബ്ലോഗിംഗ് തുടങ്ങിയപ്പോള്‍ പാടിയ,സ്വന്തമായി റെക്കോര്‍ഡിംഗ് ചെയ്യാന്‍ പഠിച്ച ,അതിന്റേതായ ടെക്ക്നിക്കല്‍ അരിഷ്ടതകള്‍ മുഴച്ചു നില്‍ക്കുന്ന ഗാനം :)

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക്
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ഒളിക്കുന്നുവോ മിഴിക്കുമ്പിളില്‍ ഓരായിരം കളിത്തുമ്പികള്‍
ചിരിച്ചിപ്പി ചോരും ഇളമുത്തിലൊന്നേ ഒരു തുള്ള് (?)
തുമ്പില്‍ മാപ്പ് നീ തരൂ..തരൂ..തരൂ..

പായിപ്പാട്ടെ ഓടിവള്ളമായൊരെന്‍ മോഹക്കായല്‍ മൂടി വള്ളമാണു നീ..
മുഴക്കോലും പോലും കൂടാതെന്നെ നിന്നെ ഞാന്‍
അളന്നിട്ടു പെണ്ണേ എന്നോടെന്താണീ ഭാവം
മിനുങ്ങൊന്നൊരെന്‍ നുറുങ്ങോടമേ..

പാലച്ചോട്ടില്‍ കാത്തുനിന്നതെന്തിനോ നീലപ്പൂവേ നീ കുടന്ന മഞ്ഞുമായ്
നിറഞ്ഞ നിന്‍ മൌനം പാടും പാട്ടിന്‍ താളം ഞാന്‍
ഒരിക്കല്‍ നിന്‍ കോപം പൂട്ടും നാദം മീട്ടും ഞാന്‍
മണിക്കൂട്ടിലേ മണിപ്പൈങ്കിളീ...

രാധ തന്‍ പ്രേമത്തോടാണോ | raadha than premathotaano krishnaa

2007-06-14T20:47:00.000-07:00

Presenting another song from a Hindu devotional album "Mayilpeeli".It was considered as a super hit devotional song.This song was requested by Appu.

Song|ഗാനം :- raadha than prEmathhoTaanO | രാധ തന്‍ പ്രേമത്തോടാണോ
Singer|പാടിയത് : yESudaas|യേശുദാസ്
Album|ആല്‍ബം :Mayilpeeli |മയില്‍പ്പീലി

powered by ODEO
Audio Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക്
ഇവിടെ നിന്നും ഡൗണ്‍ലോഡാം|Download this song,if you are unable to play
(Please right click and choose Save target as )

രാധ തന്‍ പ്രേമത്തോടാണോ കൃഷ്ണാ ഞാന്‍ പാടും ഗീതത്തോടാണോ
പറയൂ‍ നിനക്കേറ്റം ഇഷ്ടം പക്ഷേ പകല്‍ പോലെ ഉത്തരം സ്പഷ്ടം

ശംഖുമില്ല കുഴലുമില്ല നെഞ്ചിന്റെയുള്ളില്‍ നിന്നീ
നഗ്ന സംഗീതം നിന്‍ കാല്‍ക്കല്‍ വീണലിയുന്നു (2)
വൃന്ദാവന നികുഞ്ചങ്ങളില്ലാതെ നീ
ചന്ദനം പോല്‍ മാറിലണിയുന്നു (2)
നിന്റെ മന്ദസ്മിതത്തില്‍ ഞാന്‍ കുളിരുന്നു
പറയരുതേ രാധ അറിയരുതെ
ഇത് ഗുരുവായൂരപ്പാ രഹസ്യം

കൊട്ടുമില്ല കുഴലുമില്ല നെഞ്ചില്‍ത്തുടിക്കുമെന്‍
ഇടക്കയിലെന്‍ സംഗീതം പഞ്ചാഗ്നി പോല്‍ ജ്വലിക്കുന്നു (2)
സുന്ദരമേഘച്ചാര്‍ത്തെല്ലാമഴിച്ചു നീ നിന്‍
തിരുമെയ് ചേര്‍ത്തു പുല്‍കുന്നു (2)
നിന്റെ മധുരത്തില്‍ ഞാന്‍ വീണുറങ്ങുന്നു
പറയരുതേ രാധ അറിയരുതേ..
ഇത് ഗുരുവായൂരപ്പാ രഹസ്യം

ചില ബാച്ചികളുടെ കുത്സിത പ്രവര്‍ത്തനങ്ങള്‍..!!

2007-06-11T05:29:00.000-07:00

ബ്ലോഗിലൂടെ നിങ്ങളറിയുന്ന ബിനുവിന് ഒരു സഹായമെത്തിക്കേണ്ട വിവരങ്ങള്‍ ഇവിടെക്കൊടുക്കുന്നു.യൂയേയീ ബ്ലോഗേര്‍സ് ഇതില്‍ ഒരു നല്ല മാതൃക കാണിച്ചു,ഒരു പക്ഷേ നാട്ടില്‍ നിന്നും ആര്‍ക്കെങ്കിലും ഒരു സഹായമെത്തിക്കുവാന്‍ കഴിയുന്നവരെ കൃത്യമായ വിവരങ്ങള്‍ ലഭിക്കാത്തത് കൊണ്ട് അതില്‍ നിന്നും മാറ്റിനിര്‍ത്തരുത് എന്ന നിര്‍ബന്ധവും അതിന്റെ ഭാഗമായി ചില ബാച്ചിപയ്യന്മാരുടെ കുത്സിത പ്രവര്‍ത്തനത്തിന്റെ ഫലവുമാണ് ഈ പോസ്റ്റിനാധാരം.ഈ പോസ്റ്റല്ലാതെ ഞാന്‍ ഇതില്‍ പീലാത്തോസാകുന്നു..!

സന്ദര്‍ശിക്കേണ്ട ചില ലിങ്കുകള്‍..!

1.ഇഷ്ടമാകുന്നൊരു മനോരമ ന്യൂസ് - ജൂണ്‍ 9 2007
2. ബിനുവിന്റെ കവിതകള്‍-
3.ബിനുവിനേക്കുറിച്ചൊരു ബാച്ചി
4. ഒരു കമ്യൂണിറ്റി എന്തിനെന്നതിന്റെ ഒരു ചെറിയ ജസ്റ്റിഫിക്കേഷന്‍
5.ചിന്ത.കോമില്‍ വന്ന ബിനുവിന്റെ കവിത..!
6.വെബ്ദുനിയയില്‍ ബിനുവിന്റെ കവിത..!
7.പുഴ.കോമിലെത്തിയ ബിനുവിന്റെ കഥയും ലേഖനവും
8.ജ്യോതിസ്സ്.കോമിന്റെ സമ്പൂര്‍ണ്ണ ബിനു എം ദേവസ്യ പതിപ്പ്
9. കെ ജി സൂരജ് തുടങ്ങി വച്ച ബിനുവിന്റെ ഓര്‍ക്കുട്ട് കമ്യൂണിറ്റി..!

ബിനുവിനെ വിലാസവും ബാങ്ക് അക്കൌണ്ടും താഴെ..!
Binu Devasia
Account Number:30171016068
State Bank of India
Kappiset Branch :8786
Chettapalam.p.o,
Wayanad - Dist ,
Kerala.
Phone: +91 04936240424

ഇടത് കൈ അറിയാതെ അപ്പോ എല്ലാവരും ഒന്ന് ഉത്സാഹിക്കുകയല്ലേ ?

ചമ്പക പുഷ്പസുവാസിത യാമം | champaka pushpa suvaasitha yaamam

2007-06-08T21:55:00.000-07:00

മിഴികളില്‍ നിറകതിരായി എന്ന പാട്ട് ദേവേട്ടന്‍ ആവശ്യപ്പെട്ടതനുസരിച്ചാണ് യവനിക എന്ന സിനിമ തപ്പിയിറങ്ങിയത്.ഓ എന്‍ വിയും എംബീ ശ്രീനിവാസനും യേശുദാസും ചില ചിത്രങ്ങളില്‍ സൃഷ്ടിച്ച പാട്ടുകള്‍ എത്ര കേട്ടാലും മതി വരില്ല.അതി സൂക്ഷ്മമായി ചെയ്തെടുത്ത ക്രിപ്റ്റോഗ്രാഫിക് കോഡു പോലെയാണ് ഇവരുടെ കോമ്പിനേഷന്‍ എന്ന് പലപ്പോഴും തോന്നിയിട്ടുണ്ട്,നല്ല പാട്ടുകാര്‍ക്കൊക്കെ ഇത് മനോഹര‍മായി പാടാമെങ്കിലും ചില പൂട്ടുകള്‍ തുറക്കാന്‍ പലപ്പോഴും മറന്നു പോവാറുണ്ട്,അവിടെയാണ് യേശുദാസിന്റെ വിജയവും.പൂട്ടുകളൊക്കെ ലളിതമാ‍യി ഫ്രണ്ടെന്റില്‍ അവതരിപ്പിക്കും.ഈ പാട്ടിന്റെ ഒറിജിനല്‍ കേട്ടാല്‍ മനസിലാക്കാം..!

മിഴികളില്‍ നിറകതിരായും ,സാഗരമേ ശാന്തമാകുക എന്ന് ഗാനങ്ങള്‍ സംഗതികളാലും ഗമകങ്ങളാലുമൊക്കെ പരിപുഷ്ടമായതിനാല്‍ സംഗീത പഠനം ആരംഭിച്ചതിനു ശേഷം ശ്രമിക്കാമെന്നു കരുതുന്നു :)

Song :- Champaka pushpa | ചമ്പക പുഷ്പസുവാസിത യാമം
Movie:- Yavanika | യവനിക
Lyrics : ONV Kurup | ഒ എന്‍ വി കുറുപ്പ്
Music : MB Sreenivasan | എം ബി ശ്രീനിവാസന്‍
Singer: Yesudas | യേശുദാസ്

powered by ODEO

Dial-up Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക്
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ചമ്പക പുഷ്പ സുവാസിത യാമം ചന്ദ്രികയുണരും യാമം
ചലിത ചാമര ഭംഗി വിടര്‍ത്തി ലളിത കുഞ്ച കുടീരം..
ലളിത കുഞ്ച കുടീരം

പ്രിയതരമായൊരു സ്വപ്നമുറങ്ങി ഇനിയുണരാതെയുറങ്ങി
ഇവിടേ ഇവിടേ വെറുതെയിരുന്നെന്‍ ഓര്‍മ്മകളിന്നും പാടുന്നു
ഓരോ കഥയും പറയുന്നു..

മൃദു പദ നൂപുരനാദമുറങ്ങി വിദുകിരണങ്ങള്‍ മയങ്ങി
ഇതിലേ ഇതിലേ ഒരു നാള്‍ നീ വിടയോതിയ കഥഞാനോര്‍ക്കുന്നു
ഓര്‍മ്മകള്‍ കണ്ണീര്‍ വാര്‍ക്കുന്നു..

ഹരിവരാസനം വിശ്വമോഹനം-വീണ്ടുമൊരു ഭക്തിഗാനം..!!

2007-05-26T23:46:00.000-07:00

തൊമ്മിച്ചന്‍ അയ്പാ.അയ്പാ എന്നു പറയുന്നത് കേട്ടെന്തോന്നെടിയേന്നു ചോദിച്ചപ്പോളാണ് സ്വാമിഅയ്യപ്പന്‍ സീരിയലിലെ അയ്യപ്പന്റെ കാര്യമാണ് പറയുന്നതെന്നു മനസിലായത്.അങ്ങനെ ഒരു ദിവസം സ്വാമിഅയ്യപ്പന്‍ സീരിയലിന്റെ ഒരെപ്പിഡോസു കണ്ടു,ഈശ്വരാ.:).എന്തായാലും അതില്‍ നിന്നൊരു ഗുണമുണ്ടായി,യേശുദാസിന്റെ പഴയ ഹരിവരാസനം ഒന്നുകൂടി കേള്‍ക്കാന്‍ പറ്റി.

വര്‍ഷത്തില്‍ 365 ദിവസവും ശബരിമല നോയമ്പായിരിക്കണമേയെന്നു പ്രാര്‍ത്ഥിക്കുന്ന ഒരേയൊരു വ്യക്തി പടിഞ്ഞാറ്റതിലെ രമണിച്ചേച്ചിയാരുന്നിരിക്കണം,കാരണം ശശിച്ചേട്ടന്റെ ഇടിക്ക് സെമസ്റ്റര്‍ ബ്രേക്ക് പോലെ ആകെയുള്ളൊരവധി 40 ദിവസം അങ്ങോര് മാലയിടുമ്പോളായിരുന്നു.മാലയിട്ട് കഴിഞ്ഞ് ശബരിമലക്ക് പോകുന്നതിനു തൊട്ട് മുമ്പ് ഒരു പൂജയും ഭജനയുമുണ്ട്.ഭജന കേള്‍ക്കാന്‍ പോകുന്നു എന്ന വ്യാജേന വീട്ടില്‍ നിന്നിറങ്ങുമെങ്കിലും പൂജയുടെ അവസാനം അവിടെ നിക്കുന്നവര്‍ക്ക് കൊടുക്കുന്ന മലര്,അവല്‍,ഞാലിപ്പൂവന്‍ പഴം ഇതൊക്കെച്ചേര്‍ത്തുള്ളൊരു കോമ്പിനേഷനിലാണ് നമ്മുടെ കണ്ണ്,എന്നിരുന്നാലും അന്ന് ഭജനയില്‍ കേള്‍ക്കുന്ന ഗാനങ്ങളായിരുന്നു എന്റെ ആദ്യത്തെ ലൈവ് ഗാനമേളാനുഭവങ്ങള്‍,അന്നു മനസില്‍ത്തട്ടിയൊരു ഗാനം വളരെക്കാലത്തിനു ശേഷം ഏഷ്യാനെറ്റില്‍ കേട്ടപ്പോള്‍ അടുത്ത ഭക്തിഗാനം അതുതന്നെയായിരിക്കട്ടെ എന്ന് കരുതി.

ദയവായി സംസ്കൃതമറിയാവുന്ന ആരെങ്കിലും ഇതിന്റെ അര്‍ത്ഥം ഒന്നു വിവരിച്ചിരുന്നെങ്കില്‍ ഉപകാരപ്രദമായിരുന്നു,ഇത് അര്‍ത്ഥം അറിയാതെയുള്ള ഒരു ശ്രമമാണ്,അതിനാല്‍ പൊറുക്കുക,ക്ഷമിക്കുക..!

Song name : Harivarasanam Vishwamohanm

Broadband Player

powered by ODEO

Dial-up Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക്
ഇവിടെ നിന്നും ഡൗണ്‍ലോഡാം|Download this song
(Please right click and choose Save target as )

ഹരിവരാസനം വിശ്വമോഹനം ഹരിത ധ്വീശരം ആരാധ്യപാദുകം
അരിവി മര്‍ദ്ദനം നിത്യനര്‍ത്തനം ഹരിഹരാത്മജം ദേവമാശ്രയേ

ശരണകീര്‍ത്തനം ശക്തമാനസം ഭരണലോലുപം നര്‍ത്തനാലസം
അരുണഭാസുരം ഭൂതനായകം ഹരിഹരാത്മജം ദേവമാശ്രയേ..

കളമൃദുസ്മിതം സുന്ദരാനനം കളഭകോമളം ഗാത്രമോഹനം
കളഭകേസരി വാജിവാഹനം ഹരിഹരാത്മജം ദേവമാശ്രയേ..

ക്ഷ്രിതജനപ്രിയം ചിന്തിതപ്രദം ശ്രുതിവിഭൂഷണം സാധുജീവനം
ശ്രുതിമനോഹരം ഗീതലാലസം ഹരിഹരാത്മജം ദേവമാശ്രയേ..

ശരണമയ്യപ്പാ..സ്വാമി ശരണയ്യപ്പാ....

ഒരു നേരമെങ്കിലും കാണാതെവയ്യെന്റെ - ഒരു ഭക്തിഗാനം‍..!

2007-05-25T00:10:00.000-07:00

1975-1990 ഈ കാലയളവില്‍ കടന്നുവന്ന പലഭക്തി ഗാനങ്ങളും ജാതിമത ഭേദമെന്യേ ആസ്വദിക്കത്തകതായിരുന്നു.ഇന്നു ഭക്തിഗാനശാഖ എത്രത്തോളം തരംതാണിരിക്കുന്നു എന്നു മനസിലാക്കണമെങ്കില്‍ ഇത്തരത്തിലുള്ള പഴയ ഗാനങ്ങള്‍ കേള്‍ക്കണം.ഗുരുവായൂരപ്പനെ സ്മരിച്ചു കൊണ്ട് യേശുദാസ് ആലപിച്ച തുളസീതീര്‍ത്ഥം എന്ന ആല്‍ബത്തിലെ ഈ ഗാനം ഒരിക്കലെങ്കിലും കേള്‍ക്കാത്തവര്‍ ഉണ്ടെന്നു തോന്നുന്നില്ല.പുണ്യാഹം തളിക്കലും ,യേശുദാസിനിട്ട് പിണ്ണം വെക്കലുമൊക്കെക്കഴിഞ്ഞ് ഗുരുവായൂരപ്പന്റെ യഥാര്‍ത്ത ഭക്തര്‍ക്കൊരു വിശ്രമം സാധ്യമാവട്ടെ എന്നാശംസിക്കുന്നു.:)

അപശ്രുതി,താളഭംഗം തുടങ്ങിയ കലാപരിപാടികളുടെ അകമ്പടിയോടെ എന്തായാലും താഴെ ഈ പാട്ട് പാടി പോസ്റ്റുന്നു..!

Album : Thulasee theertham
Song name : Oru nEramenkilum

powered by ODEO

Dial-up Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക് ഇവിടെ നിന്നും ഡൗണ്‍ലോഡാം|download this song

ഒരു നേരമെങ്കിലും കാണാതെ വയ്യെന്റെ ഗുരുവായൂരപ്പാ നിന്‍ ദിവ്യരൂപം
ഒരു മാത്രയെങ്കിലും കേള്‍ക്കാതെ വയ്യ നിന്‍ മുരളിപൊഴിക്കുന്ന ഗാനാലാപം (2)

ഹരിനാമകീര്‍ത്തനം ഉണരും പുലരിയില്‍
തിരുവാകച്ചാര്‍ത്ത് ഞാന്‍ ഓര്‍ത്തു പോയി (2)
ഒരു പീലിയെങ്ങാനും കാണുമ്പോഴവിടുത്തെ (2)
തിരുമുടി കണ്മുന്നില്‍ മിന്നിമായും..(2)

അകതാരിലാര്‍ക്കുവാന്‍ എത്തിടുമോര്‍മ്മകള്‍
അവതരിപ്പിക്കുന്നു കൃഷ്ണനാട്ടം (2)
അടിയന്റെ മുന്നിലുണ്ടെപ്പോഴും മായാതെ (2)
അവതാരകൃഷ്ണാ നിന്‍ കള്ളനോട്ടം..(2)

റെക്കോര്‍ഡിംഗ് -മ്യൂസിക്ക് ബ്ലോഗിംഗ്-ചെറു സഹായം..!!

2007-05-20T08:51:00.000-07:00

Recording tips for singers.
പേഷ്സണല്‍ കമ്പ്യൂട്ടറിനെ ഒരു റിക്കോര്‍ഡിംഗ് സ്റ്റുഡിയോ ആക്കാന്‍ കഴിയുന്ന തരത്തിലുള്ള സോഫ്റ്റെയറുകള്‍ വിപണിയില്‍ ലഭ്യമാണ്,സാധാരണക്കാരനു എളുപ്പത്തില്‍ പഠിച്ചെടുക്കാവുന്ന ഒരു സോഫ്റ്റ്വെയര്‍ ആണ് കൂള്‍എഡിറ്റ് പ്രോ.ഈ സോഫ്റ്റെവയര്‍ ഉപയോഗിച്ച് പശ്ചാത്തലസംഗീതത്തോട് കൂടിയും അല്ലാതെയും പാട്ട് റിക്കോര്‍ഡ് ചെയ്യണ്ടതെങ്ങിനെയെന്നു നോക്കാം. | There are a lot of software's available in the market to convert your existing pc infrastructure as a recording studio and "cooledit pro" is one of them.On this blog post, i am trying to explain how to record your vocals with or without karaoke tracks using this software.

1.എങ്ങനെ കരോക്കെ അല്ലെങ്കില്‍ പിന്നണിസംഗീതം ഉപയോഗിച്ച് റിക്കോര്ഡ് ചെയ്യാം | How to record songs with karaoke or with background music (BGM).

ഇത് പൂര്‍ണ്ണമായും നെറ്റ് കോണ്‍ഫറന്‍സിനൊക്കെ ഉപയോഗിക്കുന്ന വെബെക്സ് സോഫ്റ്റ്വെയര്‍ വഴി സ്ക്രീന്‍ ക്യാപ്ച്ചര്‍ ചെയ്തു കൊണ്ട് തയ്യാറാക്കിയ ഒരു വീഡിയോ പാഠമാണ്.അപ്ലോഡിയിട്ടുള്ള ഈ വിഡിയോ പ്ലേ ചെയ്യണമെങ്കില്‍ വെബെക്സ് പ്ലേയര്‍ ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യണം.തുടര്‍ന്നുള്ള എല്ലാ പാഠങ്ങളും ഈ പ്ലേയര്‍ വഴി തന്നെ കാണുവാന്‍ സാധിക്കും. | I have made this video with the help of a web conferencing screen capture software.You need to install the webex tool to watch this video ( added the link below )

ഡൗണ്‍ലോഡ് ലിങ്കുകള്‍ | Download links

1.Recording tips| റെക്കോര്‍ഡിംഗ് പാഠം - File size : 31 MB
2.Player to view this video | വെബെക്സ് പ്ലേയര്‍ -File size - 1.5 MB

2.ഇന്റര്‍‍നെറ്റില്‍ പാട്ടുകള്‍ അപ്ലോഡുന്നതെങ്ങിനെ ? അത് ബ്ലോഗില്‍ പ്രസിദ്ധീകരിക്കുന്നതെങ്ങനെ ? | How to upload songs to Internet/How to publish those songs at blog ?

ഇതും പൂര്‍ണ്ണമായും സ്ക്രീന്‍ ക്യാപ്ച്ചര്‍ ചെയ്തുകൊണ്ടുള്ള വീഡിയോ പാഠമാണ്.തീര്‍ച്ചയായും വെബെക്സ് പ്ലേയര്‍ വഴി തന്നെ ഇതും കാണാന്‍ സാധിക്കും.മറ്റുള്ള സ്ക്രീന്‍ ക്യാപ്ച്ചര്‍ സോഫ്റ്റ്വെയറുകള്‍ വീഡിയോ ക്യാപ്ച്ചര്‍ ചെയ്യുമ്പോള്‍ വളരെ വലിയ ഫയല്‍ സൈസ് വേണ്ടി വരുന്നതിനാലാണ് വെബെക്സിനെ ആശ്രയിക്കുന്നത്.

ഡൗണ്‍ലോഡ് ലിങ്ക് :

Uploading& Blog Posting | അപ്ലോഡിംഗ് & ബ്ലോഗ് പോസ്റ്റിംഗ് -File size :8 MB

3.പാട്ടുകള്‍ ഇന്റര്‍നെറ്റില്‍ അപ്ലോഡു ചെയ്യുമ്പോള്‍ ശ്രദ്ധിക്കേണ്ട ചില കാര്യങ്ങള്‍

എമ്പീത്രി സേവുചെയ്യുമ്പോള്‍‍ അതിന്റെ സാമ്പിള്‍ റേറ്റ് ശ്രദ്ധിക്കുക :-ഓഡിയോ സ്ട്രീമിംഗിനുള്ള എമ്പീത്രി ഫയലുകള്‍ പോസ്റ്റ് ചെയ്യുമ്പോള് ‍ഓഡിയോ അസാധാരണമായി സ്പീഡ് കൂടിയോ കുറഞ്ഞോ കാസറ്റ് വലിയുന്നത് പോലെ കേള്‍ക്കുന്നതിനു കാരണം വേറെയൊന്നുമല്ല.നമ്മുടെ ഓഡിയോ സ്ട്രീമി.ഗിനു വേണ്ടി ഉപയോഗിക്കുന്ന ഫ്ലാഷ് പ്ലേയറുകള്‍ക്ക് ആകെ മനസിലാവുന്നത് 11.025 kHz ഗൂണിതങ്ങളില്‍പ്പെടുന്ന സാമ്പിള്‍ റേറ്റില്‍ എന്‍കോഡ് ചെയ്തിരിക്കുന്ന പാട്ടുകളാണ് ,ഉദാഹരണത്തിനു 11.025 kHz, 22.05 kHz, 44.1 kHz ,ഇവയെല്ലാം ഫ്ലാഷ് പ്ലേയറുകള്‍ മനോഹരമായിത്തന്നെ സ്ട്റീം ചെയ്തു കൊള്ളൂം.

സംശയമുണ്ടെങ്കില്‍ അറിയിക്കുക..ഒരു രണ്ട് വര്‍ഷക്കാലം കുരങ്ങന്റെ കയ്യില്‍ പൂമാല എന്തോ അതായിരുന്നു സ്റ്റുഡിയോ സോഫ്റ്റ്വെയര്‍ എന്നത് എന്റെ കയ്യില്‍,ഡിലീറ്റ് ചെയ്ത് സലാം പറയുന്നതിനു മുന്‍പുള്ള ചില പരീക്ഷണങ്ങള്‍ ആണ് ഈ പോസ്റ്റിന്റെ ആധാരം..!!

പോസ്റ്റ് കൊണ്ട് ഉണ്ടായ ഗൂണം,നമ്മുടെ ശിശു ഇവിടൊരു പണി പറ്റിച്ചു.:),ഞാന്‍ ധന്യനുമായി..!!

വിശ്വം കാക്കുന്ന നാഥാ | Vishwam kaakkunna naadhaa

2007-05-13T03:36:00.000-07:00

ലോക മാതൃദിനമായിട്ട് ഒരു താരാട്ട് പാട്ട് പാടി പോസ്റ്റ് ചെയ്യണമെന്നാണാഗ്രഹിച്ചത്,ചിലതൊക്കെ ശ്രമിക്കുകയും ചെയ്തിരുന്നു,ഒന്നും ക്ലച്ച് പിടിക്കുന്നില്ല,അപ്പോഴാണ് തമനുവിന്റെ “വിശ്വം കാക്കുന്ന നാഥാ“ എന്ന പാട്ട് പാടാന്‍ ആവശ്യപ്പെട്ടുകൊണ്ടുള്ള ഒരു മെസ്സേജ് കണ്ടത് ..ആഹ..കരോക്കെ കയ്യിലുണ്ട്...സുന്ദരമായ വരികള്‍,സത്യന്‍ അന്തിക്കാടെഴുതി ജോണ്‍സന്‍ ഈണം കൊടുത്ത ഈ പാട്ട് പാടിത്തീര്‍ന്നപ്പോള്‍ എന്തോ ,കണ്ണ് നിറഞ്ഞു..!‍
Song :- Vishwam kaakkunna naadha
Film :- Veendum Chila veettukaaryangal
Broadband Player

powered by ODEO
Dial-up Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക് ഇവിടെ നിന്നും ഡൗണ്‍ലോഡാം | Download this song
Please right click and choose Save target as to save this file.

ചിത്രം : വീണ്ടും ചില വീട്ടുകാര്യങ്ങള്‍..!

വിശ്വം കാക്കുന്ന നാഥാ വിശ്വൈക നായകാ
ആത്മാവിലെരിയുന്ന തീയണക്കൂ..
നിന്‍ ആത്മചൈതന്യം നിറക്കൂ..

ഇടയന്‍ കൈവിട്ട കുഞ്ഞാടുകള്‍
ഇരുളില്‍ കൈത്തിരി തിരയുമ്പോള്‍ (2)
ആരുമില്ലാത്തവര്‍ക്കഭയം നല്‍കും
കാരുണ്യമെന്നില്‍ ചൊരിയണമേ..

അകലാതെ അകലുന്നു സ്നേഹാംബരം
നീ അറിയാതെ പോകുന്നു എന്‍ നൊമ്പരം
അന്യനാണെങ്കിലും എന്റെയീ കണ്ണുനീര്‍ (2)
ധന്യമായ്ത്തീരട്ടെ നിന്‍ വീഥിയില്‍ (2)

കേളീ നളിനം വിടരുമോ ശിശിരം | Kelee nalinam vidarumo

2007-05-03T10:12:00.000-07:00

Kelee nalinam vidarumo - Thulavarsham

ഒരു സലില്‍ ചൌധരി മാജിക്ക്...ഇതില്‍ കൂടുതല്‍ പറയാന്‍ ഞാനാളല്ല.| Another Salil Chowdhary magic..!

രചന : വയലാര്‍ |Lyrics : Vayalar
ചിത്രം : തുലാവര്‍ഷം |Movie : Thulavarsham
പാടിയത് : യേശുദാസ് |Singer : Yesudas

ഒന്ന് ശ്രമിച്ച് നോക്കുന്നു..| My attempts

Broadband Player

powered by Odeo
Dial-up Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക് ഇവിടെ നിന്നും ഡൗണ്‍ലോഡാം | Download this song

കേളീ നളിനം വിടരുമോ ശിശിരം പൊതിയും കുളിരില്‍ നീ..
വ്രീളാവതിയായ് ഉണരുമോ മയങ്ങും മനസിന്‍ സരസില്‍ നീ..

നിശാനൃത്ത സോപാനത്തില്‍ തുഷാരാര്‍ദ്രശില്‍പ്പം പോലെ
ഒരിക്കല്‍ ഞാന്‍ കണ്ടൂ നിന്നേ..ഒരു വജ്ര പുഷ്പം പോലെ
തുടുത്തുവോ തുടിച്ചുവോ തളിര്‍ത്ത നാണം..
വിടരുമോ ശിശിരം പൊതിയും കുളിരില്‍ നീ..
വ്രീളാവതിയായ് ഉണരുമോ മയങ്ങും മനസിന്‍ സരസില്‍ നീ..

മറന്നുവോ ഹംസഗീതം മദാലസ നൃത്തഗീതം (2)
മനസുണര്‍ത്താന്‍ വന്ന മായാ മേനകേ..
ഇതാണെന്റെ പ്രേമകുടീരം..ശതാവരി ചിത്രകുടീരം
ഇണചേരും ആശ്ലേഷത്തില്‍ ഇളം മഞ്ഞ് പൂത്ത കുടീരം
ഇവിടെ നിന്‍ പദസ്വരം കിലുങ്ങുകില്ലേ..
വിടരുമോ ശിശിരം പൊതിയും കുളിരില്‍ നീ..
വ്രീളാവതിയായ് ഉണരുമോ മയങ്ങും മനസിന്‍ സരസില്‍ നീ..

കൊടകര പുരാണം ബംഗളൂരെത്തിയപ്പോള്‍..!!

2007-04-19T23:39:00.000-07:00

കൊടകര പുരാണം പുസ്തകപ്രകാശനം..ഇങ്ങ് ബംഗളൂരില്‍..!

ഇതെന്തരിത് ഈ പഹയന്‍ എഴുതിക്കൂട്ടിയേക്കണത് ..?

കൊടകരപുരാണം ഗൂണാളന്റെ മോബ് ചാനല്‍ വഴി ബംഗളൂരെത്തിയപ്പോള്‍ ഒരു ബ്ലോഗ് മീറ്റ് നടത്തി ബംഗളൂര്‍ വക പുസ്തക പ്രകാശനം നടത്തണമെന്നു വിചാരിച്ചതാ..അത് സാധിക്കാഞ്ഞതിന്റെ രണ്ട് കാരണങ്ങള്‍..

1. കുളിച്ച് അടുത്ത അലമ്പ് സെഷന്‍ തുടങ്ങിയിട്ടും ഇങ്ങോര് പുസ്തകത്തില്‍ നിന്നും പിടി വിടണ്ടേ ? എന്തിരു വിശാലണ്ണ ഇത് ?

2.ആഴ്ച്ച തോറും മീറ്റ് നടത്തി ഗംബ്ലീറ്റ് ബൂലോഗപരദൂഷണവും അപ്ഡേറ്റിക്കൊണ്ടിരുന്ന ബംഗളൂര്‍ ബ്ലോഗേഴ്സ് മീറ്റുകള്‍ക്ക് , അസൂയ കാരണം നിത്യസഹായ മാതാവിനോട് പ്രാര്‍ത്ഥിച്ച് തുരങ്കം വച്ച പലരും കാരണം ഇപ്പോള്‍ മൂന്ന് മാസമായി ഒരു സമ്പൂര്‍ണ്ണ മീറ്റില്ല..!

കൊടകരപുരാണത്തിന്റെ പിന്നില്‍ പ്രവര്‍ത്തിച്ച ആ കറുത്ത കൈ , 8 മാസം പ്രായമുള്ള ഒരു ചെക്കന് ഒരുട്ടം വാങ്ങിത്തന്നത് അവനു കൃത്യം 1.8 വയസ്സായപ്പോള്‍ പാകമായി..ആ ചേച്ചിയമ്മക്കിരിക്കട്ടെ ഈ ഫോട്ടം..!!

ചൈത്രം ചായം ചാലിച്ചൂ.-ചില്ല് | ഉറങ്ങാന്‍ കിടന്നാല്‍.-പത്മരാഗം ..വിഷു ആശംസകളും..!

2007-04-14T22:30:00.000-07:00

എല്ലാ ബൂലോഗര്‍ക്കും ന്റെ വക ഒരു കൈനീട്ടം...!

ബൂലോഗരില്‍ ചിലര്‍ ആവശ്യപ്പെട്ട ഗാനങ്ങളാണ് ഇത്തവണ അവതരിപ്പിക്കുന്നത്.

Song No 1.ചൈത്രം ചായം ചാലിച്ചു :ചില്ല് |Chaithram chaayam chaalichu-Chillu

powered by ODEO
പ്ലേയര്‍ കേള്‍ക്കാന്‍ സാധീക്കാത്തവര്‍ക്ക് ഇവിടെ നിന്നും ഈ പാട്ട് ഡൌണ്‍ലോഡാം|Download this song..!

ആര്‍ക്കും ഇഷ്ടമാവുന്ന കേള്‍ക്കുമ്പോള്‍ കൂടെപ്പാടാന്‍ തോന്നുന്ന,ഒരു പക്ഷേ എല്ലാ മലയാളികളുടേയും കയ്യിലെ സ്വകാര്യ സ്വത്തായി കയ്യിലുള്ള ഈ ഗാനത്തില്‍ ,ഒരോ വാക്കുകള്‍ക്കും ഗന്ധര്‍വന്‍ കൊടുത്തിരിക്കുന്ന സംഗതികളും ഭാവവും ശാസ്ത്രീയ സംഗീതം അഭ്യസിച്ചിട്ടില്ലാത്തവര്‍ക്ക് ഒളിഞ്ഞിരിക്കുന്ന ചതിക്കുഴികള്‍ തന്നെയാണ്.അത് തന്നെയാണോ ഈ പാട്ടിന്റെ മനോഹാരിതയെന്നും തോന്നിപ്പോകുന്നു. സംഗീത സംവിധായകനും,ഗായകനും ഗാനരചയിതാവും മല്‍സരിച്ച് തങ്ങളുടെ ഭാഗം ന്യായീകരിക്കുന്ന മറ്റൊരു ഗാനവും അപൂര് വ്വമാണ്. ഈ പാട്ട് പാടാന്‍ ഞാന്‍ ഒട്ടും തന്നെ അര്‍ഹനല്ല.സുന്ദരന്‍ എനിക്ക് ഓര്‍ക്കുട്ടില്‍ എഴുതിയ ഒരു സന്ദേശമാണ് ഇത് ഒന്ന് ശ്രമിച്ച് നോക്കുവാനുള്ള കാരണം.ഇത് ആര്‍ക്കെങ്കിലും ഇഷ്ടമായെങ്കില്‍ അതിന്റെ ഫുള്‍ ക്രെഡിറ്റ് സുന്ദരനിരിക്കട്ടേ ( ഞാന്‍ പീലാത്തോസായി :).

Song No:2 ഉറങ്ങാന്‍ കിടന്നാല്‍ -ചിത്രം :പത്മരാഗം..|Urangaan kidannaal-Padmaraagam

powered by ODEO
പ്ലേയര്‍ കേള്‍ക്കാന്‍ സാധീക്കാത്തവര്‍ക്ക് ഇവിടെ നിന്നും ഈ പാട്ട് ഡൌണ്‍ലോഡാം.|Download this song..!

ഷിജു അലക്സ്..,മനോഹരമായ ഗാനങ്ങളുടെ ഒരു വന്‍ ഡേറ്റാബേസ് തന്നെ കൈവശമുള്ള ,വളരെയേറെ പഴയ ഗാനങ്ങള്‍ ഇഷ്ടപ്പെടുന്ന ഷിജു നിര്‍ദ്ദേശിച്ച ഒരു ഗാനമാണ് ഇത്.പത്മരാഗം എന്ന ചിത്രത്തിനു വേണ്ടി ശ്രീകുമാരന്‍ തമ്പി എഴുതി ഏം കെ അര്‍ജുനന്‍ സംഗീതം കൊടുത്ത് യേശുദാസ് ആലപിച്ച ഈ ഗാനം ആദ്യം കേട്ടപ്പോള്‍ത്തന്നെ വളരെ ആകര്‍ഷിച്ചു. ആ ഗാനവും പരിചയപ്പെടുത്തുന്നു.ഇന്നത്തെ ഗാനരീതികളെ ആരെങ്കിലും കളിയാക്കുന്നെങ്കില്‍ അതിനെ ന്യായീകരിക്കാന്‍ പറ്റുന്ന തരത്തിലുള്ള ഒരു ഗാനം..!

വരികള്‍ :

1.ചൈത്രം ചായം ചാലിച്ചു -ചില്ല്

ചൈത്രം ചായം ചാലിച്ചു നിന്റെ ചിത്രം വരക്കുന്നു..
ചാരു ചിത്രം വരക്കുന്നു..

എങ്ങുനിന്നെങ്ങു നിന്നീ കവിള്‍ തട്ടിലീ..
കുങ്കുമ വര്‍ണ്ണം പകര്‍ന്നൂ..
മാതളപ്പൂക്കളില്‍ നിന്നോ മലര്‍വാക തളിര്‍ത്തതില്‍ നിന്നോ
പാടിപ്പറന്നു പോം എന്‍ കിളിതത്ത തന്‍ പാടലമാം ചുണ്ടില്‍ നിന്നോ..
ആ..ആ..ആ..ആ....

എങ്ങുനിന്നെങ്ങുനിന്നീ കുളിര്‍ നെറ്റിയില്‍
ചന്ദനത്തിന്‍ നിറംവാര്‍ന്നൂ..
ഈ മിഴിപ്പൂവിലെ നീലം ..ഇന്ദ്രനീലമണിച്ചില്ലില്‍ നിന്നോ
മേനിയിലാകെ പടരുമീ സൌവര്‍ണ്ണം ഏതുഷസന്ധ്യയില്‍ നിന്നോ..
ആ..ആ..ആ..ആ

2.ഉറങ്ങാന്‍ കിടന്നാല്‍ -പത്മരാഗം.

ഉറങ്ങാന്‍ കിടന്നാല്‍ ഓമനേ നീ ഉറക്കു പാട്ടാകും
നിന്റെ മടിയില്‍ ഞാന്‍ തല ചായ്ചാല്‍ നീയൊരു മാണിക്യതൊട്ടിലാകും

കനകം വിളയും ചിരിയുടെ മുത്തുകള്‍ കളയരുതേ വെറുതേ
ഒരു മുത്തമായാ മുത്തുകള്‍ കോര്‍ത്തെന്‍ അധരത്തില്‍ ചാര്‍ത്തുക നീ
തഴുകും നേരം തങ്കമേ നീ തളിര്‍ലതയായ് മാറും
എന്റെ വിരിമാറില്‍ മുഖം ചേര്‍ത്താല്‍ നീയൊരു വനമല്ലികയാകും

മധുരം മലരും കവിളിലെ അരുണിമ മായരുതേ വെറുതേ
ഒരു ലജ്ജയാലതു ചാലിച്ചിന്നെന്‍ തൊടുകുറി ആക്കുക നീ
വിളമ്പും നേരം കണ്മണീ നീ തുളുമ്പും കുടമാകും
നിന്റെ മൃദുല പൂവിരല്‍ തൊട്ടാല്‍ നീരും പാലമൃതായിതീരും

രക്ഷകാ എന്റെ പാപഭാരമെല്ലാം -ഈസ്റ്റര്‍ ഗാനം..!!

2007-04-07T03:44:00.000-07:00

ആത്മാവില്‍ ദരിദ്രതയുള്ളവര്‍ ഭാഗ്യവാന്മാര്‍,എന്തെന്നാല്‍ സ്വര്‍ഗ്ഗരാജ്യം അവരുടേതാകുന്നു.
ദു:ഖിച്ചിരിക്കുന്നവര്‍ ഭാഗ്യവാന്മാര്‍,എന്തെന്നാല്‍ അവര്‍ ആശ്വസിക്കപ്പെടും
സൗമ്യതയുള്ളവര്‍ ഭാഗ്യവാന്മാര്‍,എന്തെന്നാല്‍ അവര്‍ ഭൂമിയെ അവകാശമായി അനുഭവിക്കും..( മത്തായി 5:3-12)
ശാന്തിയുടേയും സമാധാനത്തിന്റേയും സന്തോഷം പങ്കിടാന്‍ ഒരു ഈസ്റ്റര്‍ ദിനം കൂടി."രക്ഷകാ എന്റെ പാപ ഭാരമെല്ലാം " എന്ന വളരെയേറെ ശ്രദ്ധയാകര്‍ഷിച്ച ഒരു ഗാനം അവതരിപ്പിക്കുന്നു.എല്ലാവര്‍ക്കും ഈസ്റ്റര്‍ ആശംസകള്‍..!
Rakshakaa ente paapa-Vachanam
Broadband Player

powered by ODEO
Dial-up Player

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക് ഇവിടെ നിന്നും ഡൗണ്‍ലോഡാം..!

ക്രിസ്തീയ ഡിവോഷണല്‍ ആല്‍ബം : വചനം
സംഗീതം : ടോമിന്‍ ജെ തച്ചങ്കരി IPS
പാടിയത് : യേശുദാസ്

രക്ഷകാ എന്റെ പാപ ഭാരമെല്ലാം നീക്കണേ
യേശുവേ എന്നും നീതിമാന്റെ മാര്‍ഗ്ഗം നല്‍കണേ
ഇടയ വഴിയില്‍ നീ അഭയമരുളൂ...

ക്രൂശില്‍ പിടഞ്ഞ വേളയില്‍ നാഥന്‍ ചൊരിഞ്ഞ ചോരയില്‍
ബലിദാനമായിതഅ തിരുജീവനേകി നീ
കേഴുന്നു ഏകാകി ഞാന്‍ നാഥാ നീ കനിയില്ലയോ
കണ്ണീരും തൂകുന്നിതാ......രക്ഷകാ

നീറും മനസ്സിനേകി നീ സ്നേഹം നിറഞ്ഞ വാക്കുകള്‍
ശരണാര്‍ത്ഥിയായിതാ തിരുമുന്‍പില്‍ നിന്നു ഞാന്‍
പാടുന്നു ഏകാകി ഞാന്‍ നാഥാ നീ കനിയില്ലയോ
കാരുണ്യം ചൊരികില്ലയോ...രക്ഷകാ...!

ഡിവിഡി- ചെറിയ ഹിപ്പപ്പൊട്ടാമസ് കൊണ്ടാട്ടം..!!

2007-04-01T21:54:00.000-07:00

ചേരുവകള്‍

1.ചെറിയ ഹിപ്പപ്പോട്ടാമസ് - ഒന്ന്

2.ഉടല്‍ വേര്‍പെടുത്തിയ പാവയുടെ തല - ഒന്ന്

3.ചെറിയ പട്ടിക്കുട്ടി-ആവശ്യമെങ്കില്‍

4.അടിച്ച് മാറ്റിയ ഡിവിഡി-ഒന്ന് (നിര്‍ബന്ധം)

കുറിപ്പടി

ആവശ്യമെങ്കില്‍ ഒരു കറുത്ത ചീനിച്ചട്ടിയും കരുതുക.ചെറിയ ബ്ലോക്ക്സ്,നേരത്തെ തല‍ വേര്‍പെടൂത്തിയ പാവയുടെ ഉടല്‍ എന്നത് ആവശ്യാനുസരണം ചേര്‍ക്കുകയോ ചേര്‍ക്കാതിരിക്കുകയോ ചെയ്യാം ( എല്ലാം പരീക്ഷണങ്ങള്‍ അല്ലേ ;)

ഇതെല്ലാം കൂടി പാത്രത്തില്‍ ഇട്ട് അര്‍മ്മാദിക്കുക.( അടി വീഴുന്നത് വരെ)

ഡിവിഡിക്കൊണ്ടാട്ടം റെഡി,അതടച്ചു വെക്കുകയോ,ഓടി രക്ഷപെടുകയോ ചെയ്യാം.

പാചകശ്രേഷ്ടന്‍ :ശ്രീമാന്‍ തൊമ്മിച്ചന്‍ നമ്പൂതിരിപ്പാട്.

വാല്‍ക്കഷ്ണം : ഈ പാചകവിധി ഏത് യാഹുവിനും അടിച്ചോണ്ട് പൂവാം,നാല് “കോക്കലേറ്റും“,ഒരു കമ്പ്യൂട്ടര്‍ കീബോര്‍ഡും തന്നാല്‍ ഞാന്‍ ഹാപ്പി..!

തങ്കച്ചേങ്കില നിശബ്ദമായ് -“ഈ പുഴയും കടന്ന് “എന്ന ചിത്രത്തിലെ കവിതാലാപനം..!!

2007-03-31T05:53:00.000-07:00

thankachEnkila nishabdamaay - Ee puzhayum kaTannu
ഒരു കവിത ആലപിക്കുന്നു.ഈ പുഴയും കടന്ന് എന്ന ചിത്രത്തില്‍ ഗിരീഷ് പുത്തഞ്ചേരി എഴുതി ജോണ്‍സന്‍ ഈണം നല്‍കി വേണുഗോപാല്‍ ആലപിച്ച “തങ്കച്ചേങ്കില നിശബ്ദമായ്” എന്ന ഈ കവിതയുടെ ഈണമാണ് എറ്റവും ആകര്‍ഷകമായി തോന്നിയത്,പല വാക്കുകളുടേയും അര്‍ത്ഥം അറിയാതെയാണ് ആലപിച്ചത്,ക്ഷമിക്കുക പൊറുക്കുക..തിരുത്തുക..!

പ്ലേയര്‍ കേള്‍ക്കാന്‍ സാധിക്കാത്തവര്‍ക്ക് -ഇവിടെ ക്ലിക്കിയാല്‍ ഡൊണ്‍ലോഡാം.

തങ്കച്ചേങ്കില നിശബ്ദമായ് അരങ്ങത്ത് കളിവിളക്കിന്റെ
കണ്ണീരെണ്ണയും വറ്റി ആട്ടത്തിരശ്ശീല പിഞ്ഞി
ആരോ ഒരു രൌദ്രവേഷം ആര്‍ദ്രമാം നന്മയുടെ
മാര്‍ത്തടം പിളര്‍ന്നുച്ചണ്ഡതാണ്ഡവമാടി ദിഗന്തം ഭേദിക്കുന്നു
കണ്ടത് സ്വപ്നമോ യഥാര്‍ത്ഥ്യമോ വായിച്ച് മടക്കിയതില്ലത്തെ
കഷ്ടകാണ്ഡത്തിന്‍ കറുത്തൊരധ്യായമോ

കളിവിളക്കില്ല കാതില്‍ കേളിക്കൊട്ടില്ല കാതരജീവിതം പോലെ
അകത്താളിക്കത്തിയും കെട്ടും നില്‍ക്കുമൊരാശാദീപം മാത്രം
തിമിര്‍ത്തു പെയ്യും കര്‍ക്കിടമഴയുടെ തേങ്ങലോടൊപ്പം കേള്‍ക്കാം
അകായിലൊരൂര്‍ദ്ധ്വം വലി അഗ്നിയായ് ഹവിസ്സായി
പുകഞ്ഞേ പോകും അമ്മ തന്‍ അവസാന ശ്വാസത്തിന്‍ ഫലശ്രുതി

അന്യമായ് തീരാന്‍ പോണൊരാത്മാവേ സംരക്ഷിക്കാന്‍
പുണ്യമാം ധാന്വന്തരം ചാലിക്കുകയാണോപ്പോള്‍
ചാണക്കല്ലില്‍ ചന്ദനം പോലെ തന്റെ ജീവിതമരച്ചേതീര്‍ത്ത
പാവമാണെന്നോപ്പോള്‍
കാണാമെനിക്കീ കരിന്തിരി വെളിച്ചത്തിലെല്ലാം പക്ഷേ
കണ്ടു നില്‍ക്കാന്‍ വയ്യ കാല്‍ക്കല്‍ ഭൂമി പിളരുന്നു.

മുജ്ജന്മശാപത്തിന്റെ കൊടുംതീ പടരുന്നു മുറവിളി കൂട്ടുന്നു
മുറ്റത്തപ്പോള്‍ മോക്ഷം കിട്ടാപ്പരേതന്മാര്‍ പാതിയോളം
പതിരായിപ്പോയ ജീവിതത്തിന്റെ പ്രാണഭാരം
പേറിപ്പടിറങ്ങട്ടെ ഞാന്‍
വാതില്‍ വലിച്ചടക്കട്ടെ വാക്കുകള്‍ മുറിക്കട്ടെ
വരാമെന്ന വ്യര്‍ത്ഥതയുടെ വ്യാമോഹമുടക്കട്ടെ
ക്ഷമിക്കുക പൊറുക്കുക പെറ്റൊരമ്മേ എന്റെ ..
കര്‍മ്മ പന്ഥാവിലും മൂര്‍ദ്ധാവിലും നിന്റെ...
സൂര്യസ്പര്‍ശം ജ്വലിക്കട്ടെ .........(2)

കിരണ്‍സ്..!!